2 Edk 7:14 - BAEBOLO ANZƐƐ BULUKU NWUANZANWUANZA

¹⁴ na saa me menli ne mɔɔ bɛfa me duma a bɛfɛlɛ bɛ la bɛlɛ bɛ nwo aze, sɛlɛ na bɛkpondɛ me bo zo, na bɛgyakyi bɛ ninyɛndane ne mɔ ɛyɛlɛ a, yemɔ mebadie bɛ wɔ anwuma lɔ, na meava bɛ ɛtane ne mɔ meahyɛ bɛ, na meamaa bɛ azɛlɛ ne ahye aleɛ.

2 Edk 7:14 ပူးပေါင်းရင်းမြစ်များ

2 Edk 20:3

Ɛzulolɛ hanle Gyɛhɔhyafate na ɔzɛlɛle moalɛ ɔvile Ɛdɛnkɛma ɛkɛ ne, na ɔzele kɛ Dwudama kɔsɔɔti ɛhye ɛhɔne.

2 Edk 20:4

Na Dwudama amuala yiale kɛ bɛsɛlɛ Ɛdɛnkɛma moalɛ, menli vi Dwuda azuamgbole ne mɔ amuala azo rale nzɛlɛlɛ ne bie.

2 Edk 6:27

tie bɛ wɔ anwuma lɔ, fa wɔ menli Yizilayɛma ɛtane ne mɔ kyɛ bɛ, kilehile bɛ maa bɛli boɛ na tɔ ezule gua azɛlɛ ye mɔɔ wɔva wɔmaa bɛ kɛ bɛ ɛdeɛ ɔ la azo.

2 Edk 6:30

tie bɛ wɔ anwuma lɔ, ɛleka mɔɔ ɛde la, na fa bɛ ɛtane ne mɔ kyɛ bɛ. Ɛ ngomekye yɛɛ ɛze sonla ahonle nu a, yɛ maa awie biala kɛmɔ bɛ nzɛlɛlɛ ne mɔ se la,

2 Edk 6:33

tie ye wɔ anwuma lɔ, ɛleka mɔɔ ɛde la na yɛ debie biala mɔɔ ɔkpondɛ la maa ye. Ɛhye bamaa menli kɔsɔɔti mɔɔ wɔ aleɛabo la anwu wɔ na bɛazulo wɔ, kɛmɔ wɔ menli Yizilayɛma ɛnwu wɔ na bɛsulo wɔ la. Eza bɛbanwu kɛ amgba ɔwɔ kɛ bɛsonle wɔ wɔ Ɛzonlenlɛ Sua ɛhye mɔɔ mezi memaa wɔ la anu.

Edwɛndolɛ Buluku ne 27:8

Wɔha kɛ, “Kpondɛ me nyunlu.” Meka ye me ahonle nu mekile wɔ kɛ, “Ɛdɛnkɛma, ɛ nyunlu ala a mekpondɛ a.”

Edwɛndolɛ Buluku ne 60:2

Wɔmaa azɛlɛ ɛkpusu, wɔmaa yekpuke; ka mua nwolɛ, na ɔlɛwaye.

Mrɛlɛbulɛ Buluku ne 28:13

Sonla mɔɔ fea ye mɛladonlɛ zo la ɛnrɛkpazi, na sonla mɔɔ ka ye ɛtane na ɔgyakyi ye ɛyɛlɛ la, bɛse ye anwunvɔne.

Ayezaya Buluku ne 45:19

Meanga ye fealera nu, wɔ awozinli azɛlɛ bie azo; meanga meangile Gyekɔbo abo zo amra kɛ, ‘Bɛva basabasayɛlɛ bɛkpondɛ me bo zo.’ Medame Ɛdɛnkɛma, meka nɔhalɛ ne, meka mɔɔ le nɔhalɛ la meto gua.”

Ayezaya Buluku ne 59:20

Ɛdɛnkɛma se, “Mebara Gyɛlusalɛm kɛ Kpɔnevolɛ mearakpɔne Gyekɔbo abo zo amra ne mɔɔ kɛhwe bɛ nwo kɛvi bɛ mɛladonlɛ nwo la.

Ayezaya Buluku ne 63:19

Yɛyɛ kɛ menli bie mɔɔ ɛtɛsiele yɛ ɛlɛ la. Yɛnzɔho menli mɔɔ bɛva wɔ duma bɛvɛlɛ bɛ ɛlɛ a.

Gyɛlɛmaya Buluku ne 14:9

Duzu ati a wɔyɛ kɛ sonla mɔɔ ye adwenle ɛha ɛbɔ nu, anzɛɛ wɔyɛ kɛ katakyie mɔɔ ɛngola ngoane die ɛ? Noko O Ɛdɛnkɛma, ɛ nee yɛ de, yɛɛ bɛfa wɔ duma a bɛfɛlɛ yɛ a; mmagyakyi yɛ.’ ”

Gyɛlɛmaya Buluku ne 33:6

Noko akee bɛnlea, mebayɛ suakpole ne ayile meamaa ɔ nwo aza; mebayɛ menli ne ayile meamaa bɛakpazi kpole kpalɛ; mebabɔ bɛ nwo bane na suakpole ɛhye ara ye dɛba ne anu bieko; mebamaa menli ne akpazi na meamaa bɛanyia anzonudwolɛ.

Gyɛlɛmaya Buluku ne 50:4

Ɛdɛnkɛma se, “Saa mekɛ zɔhane dwu a, Yizilayɛma nee Dwudama babɔ nuhua ava ɛzunlɛ ara kɛ bɛkakpondɛ Ɛdɛnkɛma bɛ Nyamenle ne.

Gyɛlɛmaya Buluku ne 51:9

Na nyɛvolɛ mɔɔ wɔ maanle ne anu la hanle kɛ, ‘Ɛnee yɛkulo kɛ yɛyɛ Babelonia ayile; yɛyɛle biala na ɔ nwo anza. Bɛkpo ye, awie biala ɛhɔ ye maanle nu, ɔluakɛ Babelonia ndeanlɛ ne ɛyɛ kpole.’ ”

Gyɛlɛmaya Buluku ne 8:22

Asoo ayile biala ɛnle Geleade? Asoo ninsinli biala ɛnle ɛkɛ? Duzu ati a akee bɛtɛyɛle me menli ne ayile a?

Yizikeɛle Buluku ne 33:11

Ka kile bɛ kɛ, suzuamgba ala mɔɔ medame Awulae Nyamenle a mele tease Nyamenle ne la, menlɛ anyelielɛ biala wɔ amumuyɛnli ewule nu, kyesɛ amumuyɛnli ne kakyi fi ye ndenle ne mɔ anu na ɔnyia ngoane. Bɛzia bɛ nzi, bɛzia bɛ nzi bɛvi bɛ munzule ndenle ne mɔ anu; Yizilayɛma, duzu ati a bɛkulo kɛ bɛwu a?

Yizikeɛle Buluku ne 33:12

“Na wɔmɔ, sonla ra, ka kile menli ne kɛ, saa tenlenenli yɛ ɛtane a, ye tenleneyɛlɛ ɛnrɛhola ɛnrɛlie ye, yɛɛ saa amumuyɛnli sia fi ye ninyɛndane nwo a, ɔnrɛwu. Saa tenlenenli yɛ ɛtane a, ye tenleneyɛlɛ ne ɛnrɛmaa ɔnrɛnyia ngoane.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:27

Na Ɛdɛnkɛma zele kɛ, “Saa bɛbɔ me duma bɛyila Yizilayɛma a, mebayila bɛ.”

Ɛzoanvolɛma Gyima ne 9:11

Na Awulae zele ye kɛ, “Kɔ kpalɛ ne mɔɔ bɛfɛlɛ ye ‘Fɔɔnwo’ la azo, na kɔ Dwudase sua nu, na biza awie bie mɔɔ vi Taasɛse na bɛfɛlɛ ye Sɔɔlo la. Ɔgua zolɛ ɔlɛyɛ nzɛlɛlɛ,

Mɛla 28:10

Menli kɔsɔɔti mɔɔ wɔ ewiade la banwu kɛ bɛfa ye duma a bɛfɛlɛ bɛ a, na bɛazulo bɛ.