2 Edk 7:10 - BAEBOLO ANZƐƐ BULUKU NWUANZANWUANZA

¹⁰ Ye alehyenlɛ nu, siane nsuu ne kenle abulanwiɔ nee nsa ne azo, Sɔlɔmɔn manle menli ne amuala hɔle bɛ azua nu. Bɛlile fɛlɛko wɔ nyilalɛ dɔɔnwo mɔɔ Ɛdɛnkɛma ɛva ɛyila Devidi nee Sɔlɔmɔn nee ye menli Yizilayɛma la anwo.

2 Edk 7:10 ပူးပေါင်းရင်းမြစ်များ

1 Arl 8:66

Sɔlɔmɔn manle ɛlɔne ne zandele kenle mɔtwɛ ne azo. Awie biala anye liele Sɔlɔmɔn anwo na ɔvale fɛlɛkolilɛ ɔhɔle sua nu kɛ Ɛdɛnkɛma ɛyila ye akɛlɛ Devidi nee ye menli Yizilayɛma a.

2 Edk 29:36

Na Belemgbunli Hɛzikaya nee menli ne amuala anye liele wɔ mɔɔ Nyamenle ɛyɛ ɛmaa menli ne la anwo, ɔluakɛ gyima zɛhae mɔɔ bɛlile la zenle waa.

2 Edk 30:26

Anyelielɛ kpole kpalɛ rale Gyɛlusalɛm, ɔluakɛ ɔvi Belemgbunli Sɔlɔmɔn, mɔɔ ɔ ze a le Yizilayɛ Belemgbunli Devidi la mekɛ zo toonwo mɔɔ ɛradwu mekɛ zɔhane la, debie zɛhae, bie ɛtɛsile Gyɛlusalɛm ɛlɛ.

2 Edk 6:41

Dwazo, O Ɛdɛnkɛma Nyamenle, na ɛ nee wɔ Ngyekyeleɛ Ɛlɛka ne mɔɔ kile wɔ tumi kpole ne la ɛwolo Ɛzonlenlɛ Sua ne anu na bɛlie bɛ ɛnwomenle wɔ ɛkɛ ne na bɛdɛnla ɛkɛ ne dahuu. Yila wɔ sɛlɛvolɛma wɔ debie biala mɔɔ bɛyɛ la anu na maa wɔ menli anye ɛlie kɛ ɛle kpalɛ ɛmaa bɛ a.

2 Edk 7:11

Mɔɔ Belemgbunli Sɔlɔmɔn wiele Ɛdɛnkɛma Ɛzonlenlɛ Sua ne si, ɔbule ye awuke ne na ɔwiele debie biala mɔɔ ɔhyehyɛle la yɛ la,

2 Edk 7:9

Bɛvale kenle nsuu bɛdule Ɛzonlenlɛ Sua ne bɛmanle Nyamenle yɛɛ bɛvale kenle nsuu noko bɛlile ɛvoyia ne. Ye kenle mɔtwɛ ne azo bɛyɛle nzɛlɛlɛ bɛvale ayia ne bɛrale awieleɛ.

Nihɛmaya Buluku ne 8:10

Akee Nihɛmaya zele bɛ kɛ, “Bɛhɔ sua nu na bɛhɔlie bɛ nye; bɛli debie mɔɔ yɛ fɛ na bɛnlo nwanye fɛlɛko. Bɛmaa menli mɔɔ ɛnlɛ bie la bie. Ɔluakɛ ɛnɛ le Ɛdɛnkɛma kenle nwuanzanwuanza. Bɛmmadi nyane, ɔluakɛ fɛlɛkolilɛ ne mɔɔ Ɛdɛnkɛma fa maa la le bɛ anwosesebɛ.”

Edwɛndolɛ Buluku ne 100:2

Bɛva fɛlɛkolilɛ bɛzonle Ɛdɛnkɛma! Bɛva edwɛndolɛ bɛrɛla ɔ nyunlu!

Edwɛndolɛ Buluku ne 105:3

Bɛli fɛlɛko wɔ ye duma nwuanzanwuanza ne ati; bɛmaa bɛdabɛ mɔɔ bɛsonle Ɛdɛnkɛma la anye ɛlie.

Edwɛndolɛ Buluku ne 106:5

amaa meanwu wɔ menli ne mɔɔ wɔkpa nu wɔye bɛ la ɛkpazilɛ; amaa me nye alie wɔ maanle ne fɛlɛkolilɛ nu, na me nee wɔ menli ne ali fɛlɛko.

Edwɛndolɛ Buluku ne 32:11

O pɛlepɛlema, Ɛdɛnkɛma ati, bɛli fɛlɛko na bɛmaa bɛ nye ɛlie, bɛdabɛ kɔsɔɔti mɔɔ bɛ ahonle nu te la, bɛva anyelielɛ bɛdeɛdea nuhua.

Edwɛndolɛ Buluku ne 92:4

Ɔluakɛ, O Ɛdɛnkɛma, wɔ gyima ne ɛmaa me nye ɛlie; ɛ sa anloa gyima ne mɔ maa mefa anyelielɛ meto edwɛne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:1

Sɛlɛvolɛ Gyɛtulo, Mosisi aye ne ɔ ze ne, mɔɔ vi Medean la dele mɔɔ Nyamenle ɛyɛ ɛmaa Mosisi nee Yizilayɛma, nee kɛ Ɛdɛnkɛma ɛzi ɛye Yizilayɛma ɛvi Yigyibiti la.

Yizikeɛle Buluku ne 45:25

“Siane nsuu ne, ye kenle bulu nee nnu ne azo mɔɔ bɛbɔ Kpɔda Bo Ɛdɛnlanlɛ Ɛvoyia ne ɛlilɛ bo la, ɔdaye noko ɔbayɛ zɔhane ala toonwo kenle nsuu ne adwu. Ɔwɔ kɛ ɔsesa ninyɛne zɔhane ala ɔmaa bɛbɔ ɛtane azu, ɛyelalɛ azu, yɛɛ ma azu ne mɔ, na ɔfa nwolɛ nwole noko ɔboka nwo.”

Ɛzoanvolɛma Gyima ne 16:34

Akee ɔvale bɛ ɔhɔle sua nu na ɔmanle bɛ debie bɛlile, na ɔ nee ye sua nu amra lile fɛlɛko kɛ bɛnyia diedi wɔ Nyamenle anu a.

Ɛzoanvolɛma Gyima ne 2:46

Kenle biala bɛyia nu wɔ Ɛzonlenlɛ Sua ne anu bɛyɛ nzɛlɛlɛ, bɛbɔ nu bɛdi debie wɔ koyɛlɛ nu,

Mɛla 12:12

Na bɛ nee bɛ mra mrenya nee mraalɛ, bɛ sonvolɛ mrenya nee mraalɛ yɛɛ Livaema mɔɔ wɔ bɛ azua ne mɔ azo, mɔɔ ɛnlɛ agyadeɛ la, bɛ nye balie wɔ Ɛdɛnkɛma anyunlu.

Mɛla 12:18

Saa bɛdi a, ɔwɔ kɛ bɛbadi ye wɔ Ɛdɛnkɛma bɛ Nyamenle ne anyunlu, wɔ ɛleka mɔɔ ɔdaye ɔkɛhile la. Ɔwɔ kɛ bɛ nee bɛ mra mrenya nee mraalɛ, bɛ sonvolɛ mrenya nee mraalɛ nee Livaema mɔɔ wɔ bɛ azua zo la a badi a, na bɛmaa bɛ nye die wɔ Ɛdɛnkɛma bɛ Nyamenle ne anyunlu, wɔ debie biala mɔɔ bɛyɛ la anu.

Mɛla 12:7

Na ɛkɛ ne, wɔ Ɛdɛnkɛma bɛ Nyamenle ne mɔɔ ɛyila bɛ la anyunlu, bɛ nee bɛ sua nu amra bali na bɛ nye alie wɔ ninyɛne kpalɛ mɔɔ Ɛdɛnkɛma ɛva ɛmaa bɛ la ati.

Mɛla 16:11

Bɛ nee bɛ mra mrenya nee mraalɛ, bɛ sonvolɛ mrenya nee mraalɛ, Livaema nee nyɛvolɛ mɔɔ wɔ bɛ azua ne mɔ azo, nrisa nee ahunlanvolɛ mɔɔ wɔ bɛ avinli la ɛbɔ nu ɛli ɛvoyia ne anyelielɛ nu, wɔ Ɛdɛnkɛma anyunlu, wɔ ɛleka ko ne mɔɔ Ɛdɛnkɛma bɛ Nyamenle ne kɛhile kɛ bɛzonle ye la.

Mɛla 16:14

Bɛ nee bɛ mra mrenya nee mraalɛ, bɛ sonvolɛ mrenya nee mraalɛ, nyɛvolɛ, Livaema, nrisa nee ahunlanvolɛ mɔɔ wɔ bɛ azua ne mɔ azo la ɛbɔ nu ɛli ɛvoyia ne anyelielɛ nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:4

Bɛmaa bɛ nye ɛlie dahuu kɛ bɛle Awulae ɛdeɛ a; mesi zo bieko: bɛmaa bɛ nye ɛlie!