2 Edk 7:1 - BAEBOLO ANZƐƐ BULUKU NWUANZANWUANZA

¹ Belemgbunli Sɔlɔmɔn wiele nzɛlɛlɛ ne yɛ la, senle vi anwuma rayelale ɛyelalɛ azubɔdeɛ ne nee azubɔdeɛ mɔɔ ɛha la, na wienyi kpole bie mɔɔ kile Ɛdɛnkɛma anyunlunyia la rayile Ɛzonlenlɛ Sua ne.

2 Edk 7:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:17

Mɔɔ sɛnzɛne ne dɔle na maanle nu yɛle awozinli la, senle siase mɔɔ ɛlɛkpu esike nee tɛkɛ mɔɔ ɛlɛsɔ gbolamgbolam la razenle nane ebule ebule ne mɔ avinli.

1 Arl 18:24

Saa yɛyɛ ɛhye na ɔwie a akee bɛvɛlɛ bɛ nyamenle ne, na medame mebavɛlɛ Ɛdɛnkɛma me Nyamenle ne, na Nyamenle ne mɔɔ kɛrazɔ senle kɛyela nane ne la, yemɔ a le Nyamenle a.” Menli ne kɔsɔɔti zulole zolɛ kɛ “Ɛhɛe, yɛdie yɛto nuhua. Ɔdaye ne ala ɛne”

1 Arl 18:38

Na ɛkɛ ne ala Ɛdɛnkɛma manle senle vi anwuma radɔle azubɔdeɛ ne anu yelale nane ne, ɛyɛne ne, awolɛ ne mɔ nee azɛlɛ ne manle nzule ne mɔɔ gyi kuma ne anu la sesanle bɔkɔɔ.

1 Arl 9:1

Belemgbunli Sɔlɔmɔn wiele Ɛdɛnkɛma sua ne si, ɔwiele ɔdaye ye awuke ne bu nee debie biala mɔɔ ɔkulo kɛ ɔyɛ la yɛ bɔkɔɔ la,

1 Edk 21:26

Ɔzile azukponle ɔmanle Ɛdɛnkɛma wɔ ɛkɛ na ɔyelale nane ɔbɔle azu nee anzonudwolɛ azu wɔ zolɛ. Ɔzɛlɛle Ɛdɛnkɛma na Ɛdɛnkɛma diele ye na ɔmanle senle vi anwuma radɔle ɛyelalɛ azubɔdeɛ ne anu wɔ azukponle ne azo.

Edwɛndolɛ Buluku ne 26:8

O Ɛdɛnkɛma, mekulo wɔ sua ne mɔɔ ɛde nu la, ɛleka mɔɔ wɔ anyunlunyia ne wɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:18

Na esike hedale Boka Saenae azo, ɔboalekɛ Ɛdɛnkɛma dwule zo kɛ senle la, na esike ne hɔle anwuma kɛ fonlomo esike la, na boka mumua ne kpusule kpole bie.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:43

Ɛkɛ ne yɛɛ mebayia Yizilayɛma, na me anyunlunyia ne bada ade bɛ nwo.

Ayezaya Buluku ne 65:24

Bɛnrɛvɛlɛ bɔbɔ na mealie bɛ zo; mebade bɛ edwɛkɛ wɔ mekɛ mɔɔ bɛ nloa wɔ zo bɛlɛsɛlɛ la.

Yizikeɛle Buluku ne 43:5

Ɛdɛnkɛma Sunsum ne kpogyale me zo, na ɔ nee me hɔle Ɛzonlenlɛ Sua ne akunlu lɔ alie ne anwo, na menwunle kɛ Ɛdɛnkɛma anyunlunyia ne ɛyi Ɛzonlenlɛ Sua ne tɛkɛɛ.

Yizikeɛle Buluku ne 44:4

Akee nrenya ne vale me luale Ɛzonlenlɛ Sua ne sɔlɔ anlenkɛ kpole ne anu rale sua ne anyunlu. Memanle me nye zo la, menwunle kɛ Ɛdɛnkɛma anyunlunyia ne ɛyi Ɛdɛnkɛma Ɛzonlenlɛ Sua ne tɛkɛɛ. Membutule mutule nu.

Daneɛle Buluku ne 9:20

Mekɛ mɔɔ megua zolɛ melɛka me ɛtane nee Yizilayɛma kɔsɔɔti ɛtane, na melɛbodo meazɛlɛ Ɛdɛnkɛma me Nyamenle ne wɔ me Nyamenle ne boka nwuanzanwuanza ne ati la,

Malakae Buluku ne 3:4

Ɛhye bamaa Dwudama nee Gyɛlusalɛmma azubɔlɛ ninyɛne ayɛ anyenzɔlɛ amaa Ɛdɛnkɛma, kɛmɔ ɛnee ɔde wɔ ɛvolɛ dɔɔnwo mɔɔ ɛraze ɛhɔ la.

Ɛzoanvolɛma Gyima ne 4:31

Mɔɔ bɛwiele nzɛlɛlɛ ne yɛ la, ɛleka mɔɔ bɛyiale nu la kpusule. Na Sunsum Nwuanzanwuanza ne rawolole bɛ na bɛnyianle akɛnrasesebɛ kɛ akee bɛka Nyamenle edwɛkɛ ne kpalɛ.

Yekile 21:23

Suakpole ne azo amra ɛngyia sɛnzɛne anzɛɛ siane nwo, ɔluakɛ Nyamenle anyunlunyia ne a le zolɛ wienyi ne a, yɛɛ Boaneralɛ ne a le ye kɛnlaneɛ a.

Maanlebuvolɛma Buluku ne 6:21

Akee Ɛdɛnkɛma soanvolɛ ne vale ye kpɔma ne mɔɔ ɔlɛ la ati hanle nane ne nee kpanwo ne, na senle vi bolɛ ne anu zɔle yelale nane ne nee kpanwo ne. Na Ɛdɛnkɛma soanvolɛ ne minliminlinle ɔ nye zo.