2 Edk 6:6 - BAEBOLO ANZƐƐ BULUKU NWUANZANWUANZA

⁶ Noko kɛkala, menlea nu meye Gyɛlusalɛm kɛ ɛkɛ ne yɛɛ bɛzonle me a, yɛɛ meye Devidi kɛ ɔli belemgbunli ɔzie me menli Yizilayɛma.’ ”

2 Edk 6:6 ပူးပေါင်းရင်းမြစ်များ

2 Arl 21:4

Ɔsisile awozonle azukponle wɔ Ɛzonlenlɛ Sua ne mɔɔ Ɛdɛnkɛma ɛha kɛ nuhua yɛɛ ɔwɔ kɛ bɛsonle ye la anu.

2 Arl 21:7

Ɔvale bozonle raalɛ Ahyela ne ananze ne ɔziele Ɛzonlenlɛ Sua ne anu ɛleka mɔɔ Ɛdɛnkɛma zele Devidi nee ɔ ra Sɔlɔmɔn kɛ, “Wɔ Gyɛlusalɛm ɛke Ɛzonlenlɛ Sua ɛhye anu yɛɛ mekpa nu meye ye wɔ Yizilayɛ mbusua ekpunli bulu nee nwiɔ ne anu, kɛ ɔle ɛleka mɔɔ bɛsonle me a.”

1 Edk 17:5

Ɔluakɛ ɔvi mekɛ mɔɔ menyele Yizilayɛma menvile Yigyibiti toonwo mɔɔ yeradwu ɛnɛ la, metɛtɛnlanle ɛzonlenlɛ sua nu ɛlɛ. Ndanlɛ sua nu ala yɛɛ dahuu mede a, yɛɛ bɛtwili me bɛba a.

1 Edk 17:7

“Yemɔti ka kile me sonvolɛ Devidi kɛ, ‘Medame, Tumivolɛ Ɛdɛnkɛma, meka meahile ye kɛ: Ɛnee ɛka mboane wɔ fienemgbole nu yɛɛ menvale wɔ kɛ ɛrazie me menli Yizilayɛma a.

1 Edk 28:4

Ɛdɛnkɛma, Yizilayɛ Nyamenle ne, nleanle nu yele me nee me bo zo amra kɛ yɛli belemgbunli wɔ Yizilayɛma anwo zo dahuu. Ɔnleanle nu ɔyele Dwuda abusua ekpunli ne kɛ bɛli Yizilayɛma kɔsɔɔti ati, yɛɛ ɔnleanle nu ɔyele egya abusua ekpulike ne ɔvile Dwudama amuala avinli. Akee ɔnleanle abusua ekpulike zɔhane anu la, ɔyele me, ɔ nye liele kɛ ɔkɛye me ɔkɛvi egya awuke nu ɔkɛzie me Yizilayɛma belemgbunli.

2 Edk 12:13

Belemgbunli Rilihɔbowam dɛnlanle Gyɛlusalɛm a lile ye ebia ne a. Ɔlile ɛvolɛ abulanla nee ko la yɛɛ ɔbɔle ɔ bo kɛ ɔdi belemgbunli a, yɛɛ ɔlile ebia ne ɛvolɛ bulu nee nsuu. Gyɛlusalɛm yɛɛ Ɛdɛnkɛma ɛkpa nu ɛye ɛvi Yizilayɛ mbusua ekpunli ekpunli ne mɔ anu kɛ yemɔ ala a ɔle suakpole mɔɔ ye duma ɛla zolɛ a. Bɛfɛlɛ Rilihɔbowam ɔ nli Neeyama. Ɔ nli le Amɔnonli.

2 Edk 20:8

Bɛdɛnla zo mekɛ dɔɔnwo na bɛzi ɛleka nwuanzanwuanza bɛmaa wɔ, na bɛzɛlɛ wɔ kɛ,

2 Edk 30:8

Bɛmmayɛ anzosesebɛ kɛmɔ bɛ ze mɔ yɛle la. Bɛva bɛ nwo bɛmaa Ɛdɛnkɛma na bɛrɛla ye Ɛzonlenlɛ Sua ye mɔɔ yede nwolɛ wɔ melɛ mɔɔ ɛnlɛ awieleɛ la anu, na bɛrazonle Ɛdɛnkɛma bɛ Nyamenle ne, na ye ɛya kpole ne avi bɛ nwo zo.

2 Edk 33:4

Ɔsisile azukponle gyɛne gyɛne wɔ Ɛdɛnkɛma Ɛzonlenlɛ Sua ne anu, wɔ mekɛ mɔɔ Ɛdɛnkɛma ɛha kɛ, “Gyɛlusalɛm ala yɛɛ ɔwɔ kɛ bɛsonle me dahuu a” la.

2 Edk 6:20

“Mesɛlɛ wɔ, buke ɛ nye na sinza Ɛzonlenlɛ Sua ɛhye nɔɔzo nee ewiazo. Wɔbɔ ɛwɔkɛ kɛ ɛke yɛɛ bɛzonle wɔ a, yemɔti saa medame wɔ sonvolɛ, mekakyi me nye Ɛzonlenlɛ Sua ɛhye anwo na mesɛlɛ a, anrɛɛ tie me.

2 Edk 6:5

‘Sumunli kɛ menyele me menli ne menvile Yigyibiti azɛlɛ zo la, metɛneanle Yizilayɛ mbusua ekpunli ekpunli ne mɔ anu metɛtule suakpole ko metɛmanle me nwo kɛ bɛzi sua wɔ ɛkɛ ne na me duma ɛla zolɛ, eza metɛneanle nu metɛtule awie ko kɛ ɔli belemgbunli ɔnlea me menli Yizilayɛma anwo zo.

2 Edk 7:16

Ɔluakɛ kɛkala, meva Ɛzonlenlɛ Sua ɛhye na medu ye mezie ɛkɛ memaa me nwo mekɛ biala kɛ nuhua yɛɛ ɔwɔ kɛ bɛsonle me a. Me nye nee me ahonle bawoa ɛkɛ ne mekɛ biala.

Ɛzela Buluku ne 7:16

Akee fa ezukoa nvutuke nee dwɛtɛ fufule biala mɔɔ ɛkɛnyia ye wɔ Babelonia nee azubɔdeɛ biala mɔɔ Yizilayɛma nee bɛ sɛlɛvolɛma ne ɛbɔ bɛ Nyamenle ne mɔɔ wɔ Gyɛlusalɛm la Ɛzonlenlɛ Sua ne ati ɛyeye bɛ ahonle nu ɛva ɛmaa la amuala kɔ.

Edwɛndolɛ Buluku ne 122:2

O Gyɛlusalɛm, yɛra! Yɛgyi wɔ nlenkɛ mgbole ne mɔ anloa.

Edwɛndolɛ Buluku ne 132:13

Ɛdɛnkɛma ɛnlea nu ɛye Zayɔn; yehulo kɛ ɛkɛ ne a ɔtɛnla a:

Edwɛndolɛ Buluku ne 48:1

Ɛdɛnkɛma le kpole, ɔwɔ kɛ bɛye ye ayɛlɛ kpole wɔ yɛ Nyamenle ne suakpole ne azo!

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:24

Bɛzi ndɛtɛlɛ azukponle bɛmaa me na bɛva bɛ mboane nee nlankɛ azubɔdeɛ ne mɔ bɛbɔ ɛyelalɛ azu nee anzonudwolɛ azu wɔ zolɛ bɛmaa me. Ɛleka biala mɔɔ menwɔze bɛ kɛ bɛzonle me la, mebara mearayila bɛ.

Ayezaya Buluku ne 14:32

Duzu mualɛ yɛɛ sonla bava amaa maanle ne soanvolɛma a? “Ɛdɛnkɛma ɛkyekye Zayɔn, na ɛkɛ ne yɛɛ ye menli mɔɔ ɛlɛnwu amaneɛ la anwo badɔ bɛ a.”

Zɛkalaya Buluku ne 2:12

Ɛdɛnkɛma bava Dwuda ayɛ ye ɛdeɛ wɔ azɛlɛ nwuanzanwuanza ne azo, na yeanlea nu yeaye Gyɛlusalɛm bieko kɛ ye ɛdeɛ ɔ.

Zɛkalaya Buluku ne 3:2

Na Ɛdɛnkɛma soanvolɛ ne zele Seetan kɛ, “O Seetan! Ɛdɛnkɛma ɛdua wɔ kakɛ! Ɛdɛnkɛma mɔɔ ɛnlea nu ɛye Gyɛlusalɛm ɛyɛ ye ɛdeɛ la ɛdua wɔ kakɛ! Asoo tɛ ɛyɛzinli a wɔdu wɔvi senle nu la?”

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”