2 Edk 6:5 - BAEBOLO ANZƐƐ BULUKU NWUANZANWUANZA

⁵ ‘Sumunli kɛ menyele me menli ne menvile Yigyibiti azɛlɛ zo la, metɛneanle Yizilayɛ mbusua ekpunli ekpunli ne mɔ anu metɛtule suakpole ko metɛmanle me nwo kɛ bɛzi sua wɔ ɛkɛ ne na me duma ɛla zolɛ, eza metɛneanle nu metɛtule awie ko kɛ ɔli belemgbunli ɔnlea me menli Yizilayɛma anwo zo.

2 Edk 6:5 ပူးပေါင်းရင်းမြစ်များ

1 Arl 8:16

‘Sumunli kɛ menyele me menli Yizilayɛma menvile Yigyibiti la, metɛyele suakpole biala wɔ abusua ekpunli biala maanzinli nu kɛ bɛzi sua bɛmaa me na me duma adɛnla ɛkɛ; noko meye Devidi kɛ yemɔ yɛɛ ɔzie me menli ne na ɔnlea bɛ nwo zo a.’ ”

2 Arl 21:4

Ɔsisile awozonle azukponle wɔ Ɛzonlenlɛ Sua ne mɔɔ Ɛdɛnkɛma ɛha kɛ nuhua yɛɛ ɔwɔ kɛ bɛsonle ye la anu.

1 Edk 17:5

Ɔluakɛ ɔvi mekɛ mɔɔ menyele Yizilayɛma menvile Yigyibiti toonwo mɔɔ yeradwu ɛnɛ la, metɛtɛnlanle ɛzonlenlɛ sua nu ɛlɛ. Ndanlɛ sua nu ala yɛɛ dahuu mede a, yɛɛ bɛtwili me bɛba a.

2 Edk 12:13

Belemgbunli Rilihɔbowam dɛnlanle Gyɛlusalɛm a lile ye ebia ne a. Ɔlile ɛvolɛ abulanla nee ko la yɛɛ ɔbɔle ɔ bo kɛ ɔdi belemgbunli a, yɛɛ ɔlile ebia ne ɛvolɛ bulu nee nsuu. Gyɛlusalɛm yɛɛ Ɛdɛnkɛma ɛkpa nu ɛye ɛvi Yizilayɛ mbusua ekpunli ekpunli ne mɔ anu kɛ yemɔ ala a ɔle suakpole mɔɔ ye duma ɛla zolɛ a. Bɛfɛlɛ Rilihɔbowam ɔ nli Neeyama. Ɔ nli le Amɔnonli.

2 Edk 20:8

Bɛdɛnla zo mekɛ dɔɔnwo na bɛzi ɛleka nwuanzanwuanza bɛmaa wɔ, na bɛzɛlɛ wɔ kɛ,

2 Edk 20:9

saa munzule fa yɛ aze: konle, ndeanlɛ, ewule nzane anzɛɛ ɛhɔne ba a, yɛragyinla sua ɛhye anyunlu ɛke, wɔ ɛ nyunlu, kɛmɔ wɔ duma a la sua ye azo la, na yɛlua yɛ nyane ne anu yɛdea yɛvɛlɛ wɔ na ɛkɛdie yɛ.

2 Edk 30:8

Bɛmmayɛ anzosesebɛ kɛmɔ bɛ ze mɔ yɛle la. Bɛva bɛ nwo bɛmaa Ɛdɛnkɛma na bɛrɛla ye Ɛzonlenlɛ Sua ye mɔɔ yede nwolɛ wɔ melɛ mɔɔ ɛnlɛ awieleɛ la anu, na bɛrazonle Ɛdɛnkɛma bɛ Nyamenle ne, na ye ɛya kpole ne avi bɛ nwo zo.

2 Edk 33:4

Ɔsisile azukponle gyɛne gyɛne wɔ Ɛdɛnkɛma Ɛzonlenlɛ Sua ne anu, wɔ mekɛ mɔɔ Ɛdɛnkɛma ɛha kɛ, “Gyɛlusalɛm ala yɛɛ ɔwɔ kɛ bɛsonle me dahuu a” la.

2 Edk 33:7

Manasɛ vale ye bozonle ne mɔɔ ɔsonle ye la ananze ne ziele Nyamenle Ɛzonlenlɛ Sua ne anu, wɔ mekɛ mɔɔ Nyamenle ɛha ɛhile Devidi nee ɔ ra Sɔlɔmɔn kɛ, “Sua ɛhye anu, wɔ Gyɛlusalɛm ɛke, mɔɔ mekpa nu meye ye mevi Yizilayɛ mbusua ekpunli ekpunli ne mɔ anu la azo yɛɛ mefa me duma meado kɛ bɛzonle me wɔ mekɛ mɔɔ ɛnlɛ awieleɛ la a.

2 Edk 6:20

“Mesɛlɛ wɔ, buke ɛ nye na sinza Ɛzonlenlɛ Sua ɛhye nɔɔzo nee ewiazo. Wɔbɔ ɛwɔkɛ kɛ ɛke yɛɛ bɛzonle wɔ a, yemɔti saa medame wɔ sonvolɛ, mekakyi me nye Ɛzonlenlɛ Sua ɛhye anwo na mesɛlɛ a, anrɛɛ tie me.

2 Edk 6:4

Na ɔzele bɛ kɛ, “Bɛye Yizilayɛ Ɛdɛnkɛma Nyamenle ne ayɛlɛ! Ɔluakɛ yeva ye tumi ne yeli ye ɛwɔkɛ ne mɔɔ ɔbɔle me ze Devidi la azo. Ɔzele ye kɛ,

2 Edk 6:6

Noko kɛkala, menlea nu meye Gyɛlusalɛm kɛ ɛkɛ ne yɛɛ bɛzonle me a, yɛɛ meye Devidi kɛ ɔli belemgbunli ɔzie me menli Yizilayɛma.’ ”

2 Edk 7:16

Ɔluakɛ kɛkala, meva Ɛzonlenlɛ Sua ɛhye na medu ye mezie ɛkɛ memaa me nwo mekɛ biala kɛ nuhua yɛɛ ɔwɔ kɛ bɛsonle me a. Me nye nee me ahonle bawoa ɛkɛ ne mekɛ biala.

Ɛzela Buluku ne 7:16

Akee fa ezukoa nvutuke nee dwɛtɛ fufule biala mɔɔ ɛkɛnyia ye wɔ Babelonia nee azubɔdeɛ biala mɔɔ Yizilayɛma nee bɛ sɛlɛvolɛma ne ɛbɔ bɛ Nyamenle ne mɔɔ wɔ Gyɛlusalɛm la Ɛzonlenlɛ Sua ne ati ɛyeye bɛ ahonle nu ɛva ɛmaa la amuala kɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:24

Bɛzi ndɛtɛlɛ azukponle bɛmaa me na bɛva bɛ mboane nee nlankɛ azubɔdeɛ ne mɔ bɛbɔ ɛyelalɛ azu nee anzonudwolɛ azu wɔ zolɛ bɛmaa me. Ɛleka biala mɔɔ menwɔze bɛ kɛ bɛzonle me la, mebara mearayila bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:21

Bɛdie ye na bɛyɛ tieyɛ bɛmaa ye. Bɛmmate ɔ nwo atua, ɔluakɛ ɔnrɛva bɛ mɛladonlɛ biala ɔnrɛhyɛ bɛ, ɔboalekɛ ɔgyi me gyakɛ anu.

Daneɛle Buluku ne 9:19

O Awulae, tie yɛ; O Awulae fa yɛ ɛtane kyɛ yɛ; O Awulae, tie yɛ na keha ɛ nwo. Wɔ duma ne ati, O me Nyamenle, mmasi aze, ɔboalekɛ bɛfa wɔ duma a bɛfɛlɛ wɔ suakpole ne nee wɔ menli ne a.”

Zɛkalaya Buluku ne 3:2

Na Ɛdɛnkɛma soanvolɛ ne zele Seetan kɛ, “O Seetan! Ɛdɛnkɛma ɛdua wɔ kakɛ! Ɛdɛnkɛma mɔɔ ɛnlea nu ɛye Gyɛlusalɛm ɛyɛ ye ɛdeɛ la ɛdua wɔ kakɛ! Asoo tɛ ɛyɛzinli a wɔdu wɔvi senle nu la?”

Mɛla 12:11

yɛɛ bɛbahɔ ɛleka mɔɔ ɔdaye Ɛdɛnkɛma bɛ Nyamenle ne kɛhile kɛ bɛva ye duma bɛvɛlɛ ye la, na bɛahɔzonle a. Ɛkɛ ne yɛɛ bɛbava mɔɔ meha mehile bɛ la amuala: bɛ ɛyelalɛ azubɔlɛ ninyɛne, bɛ azubɔlɛ ngakyile ne mɔ ninyɛne, bɛ ngyɛnu bulu ɛkpɔ ngoko ne mɔ, bɛ ahyɛlɛ ninyɛne nee bɛ ɛwɔkɛ mɔɔ bɛbɔ Ɛdɛnkɛma la ɛyelɛ kɔsɔɔti bɛahɔ a.

Mɛla 12:5

Ɛdɛnkɛma bɛ Nyamenle ne banlea aye ɛleka ko avi bɛ mbusua ekpunli ekpunli ne azɛlɛ ne mɔ anu, na yeava ye duma yeado zolɛ, yɛadɛnla ɛkɛ, na ɛkɛ ne yɛɛ ɔwɔ kɛ bɛkɔ bɛkɔsonle ye a.

1 Sam 10:24

Na Samoɛle zele menli ne kɔsɔɔti kɛ, “Sonla ne mɔɔ Ɛdɛnkɛma ɛye ye ɛmaa bɛ la ɛne, bɛnwu ye ɔ? Awie biala ɛnle menli ye avinli mɔɔ nee ye sɛ a.” Na menli ne kɔsɔɔti deanle nuhua kɛ, “Belemgbunli ne ɛnyi ɛhyɛ.”

1 Sam 15:23

Atuadelɛ le kɛ mizemiza ɛtaneyɛlɛ, yɛɛ anzosesebɛ le ɛtane kɛ amumuyɛ ɛyɛlɛ nee awozonle ɛzonlenlɛ. Kɛmɔ wɔkpo Ɛdɛnkɛma edwɛkɛ ne la, ɔdaye noko yekpo wɔ kɛ ɛnle belemgbunli.”