2 Edk 6:4 - BAEBOLO ANZƐƐ BULUKU NWUANZANWUANZA

⁴ Na ɔzele bɛ kɛ, “Bɛye Yizilayɛ Ɛdɛnkɛma Nyamenle ne ayɛlɛ! Ɔluakɛ yeva ye tumi ne yeli ye ɛwɔkɛ ne mɔɔ ɔbɔle me ze Devidi la azo. Ɔzele ye kɛ,

2 Edk 6:4 ပူးပေါင်းရင်းမြစ်များ

1 Arl 8:15

ɔzele bɛ kɛ, “Bɛye Yizilayɛ Ɛdɛnkɛma Nyamenle ne ayɛlɛ. Yeli ye ɛwɔkɛ mɔɔ ɔbɔle Egya Devidi la azo. Ɔzele ye kɛ,

1 Edk 17:12

Yemɔ yɛɛ mebamaa yeazi Ɛzonlenlɛ Sua yeamaa me a, na mebanlea noko kɛ ye belemgbunlililɛ ne gyi kpundii dahuu.

1 Edk 29:10

Belemgbunli Devidi yele Nyamenle ayɛlɛ wɔ menli ne kɔsɔɔti anyunlu hanle kɛ, “Yɛ nlenya Gyekɔbo Ɛdɛnkɛma Nyamenle, ayɛlɛyelɛ ɛha wɔ dahuu!

1 Edk 29:20

Akee Devidi zele ɛlɔne mɔɔ ɛyia la kɛ, “Bɛye Ɛdɛnkɛma bɛ Nyamenle ne ayɛlɛ.” Na menli ne amuala yeyɛle Ɛdɛnkɛma, bɛ nlenya mɔ Nyamenle ne. Bɛbɔle bɛ ti aze bɛzonlenle Ɛdɛnkɛma na bɛvale enililɛ bɛmanle belemgbunli ne.

2 Edk 6:15

Wɔli wɔ ɛwɔkɛ mɔɔ ɛbɔle me ze Devidi la azo na wɔlua wɔ tumi zo wɔmaa ɛnɛ debie biala ɛyɛ zɔhane.

2 Edk 6:17

Yemɔti, O Ɛdɛnkɛma, Yizilayɛ Nyamenle, maa mɔɔ wɔha la biala ɛyɛ nɔhalɛ, kɛmɔ ɛvale ɛbɔle me ze Devidi ɛwɔkɛ la.

2 Edk 6:3

Akee belemgbunli ne hakyile ɔ nye menli ne anwo na ɔzɛlɛle Nyamenle nyilalɛ ɔmanle bɛ. Mekɛ ɛhye amuala, ɛnee Yizilayɛma amuala gyi nzisi.

2 Edk 6:5

‘Sumunli kɛ menyele me menli ne menvile Yigyibiti azɛlɛ zo la, metɛneanle Yizilayɛ mbusua ekpunli ekpunli ne mɔ anu metɛtule suakpole ko metɛmanle me nwo kɛ bɛzi sua wɔ ɛkɛ ne na me duma ɛla zolɛ, eza metɛneanle nu metɛtule awie ko kɛ ɔli belemgbunli ɔnlea me menli Yizilayɛma anwo zo.

Nihɛmaya Buluku ne 8:6

Na Ɛzela zele kɛ, “Bɛye Ɛdɛnkɛma, Nyamenle Bedevinli ne ayɛlɛ.” Menli ne kɔsɔɔti manle bɛ sa zo na bɛliele zolɛ, “Amen, Amen.” Akee bɛbɔle bɛ ti aze na bɛbutubutule bɛ nye aze bɛyeyɛle Ɛdɛnkɛma.

Edwɛndolɛ Buluku ne 41:13

Ayɛlɛyelɛ ɛha Ɛdɛnkɛma, Yizilayɛ Nyamenle ne, ɔvi aloamɔleɛ kɔdwu melɛ mɔɔ ɛnlɛ awieleɛ! Amen! Amen!

Edwɛndolɛ Buluku ne 68:4

Bɛdo edwɛne bɛmaa Nyamenle; bɛdo edwɛne bɛye ye duma ne ayɛlɛ; bɛdo edwɛne bɛmaa mɔɔ tɛnla amungu zo tia la; ye duma a le Ɛdɛnkɛma, bɛli wulupe wɔ ɔ nyunlu!

Edwɛkpa ne kɛmɔ Mateyu hɛlɛle la 24:35

Anwuma nee aze bapɛ nu aze, na me nloa edwɛkɛ ɛnrɛpɛ nu ɛlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:3

Yɛyɛ Nyamenle mɔɔ le yɛ Awulae Gyisɛse Kelaese ɔ Ze ne mo. Ɔluakɛ yelua yɛ koyɛlɛ ne mɔɔ yɛ nee Kelaese ɛyɛ la azo yeyila yɛ na yeva anwuma Sunsum nu ahyɛlɛdeɛ muala yemaa yɛ.