2 Edk 6:37 - BAEBOLO ANZƐƐ BULUKU NWUANZANWUANZA

³⁷ na bɛto bɛ nwo aze wɔ maanle ne mɔɔ bɛhye bɛ bɛhɔ nu la anu, na bɛnu bɛ nwo bɛsɛlɛ wɔ kɛ, ‘Ɛdɛnkɛma, yɛvo wɔ, yɛyɛ ninyɛne mɔɔ ɛnfɛta la yɛtia wɔ’,

2 Edk 6:37 ပူးပေါင်းရင်းမြစ်များ

2 Edk 6:36

“Kɛmɔ ɛtane ɛmkpa sonla nwo la, saa wɔ menli ne yɛ ɛtane tia wɔ, maa ɛfa bɛ nwo ɛya na ɛmaa bɛ kpɔvolɛma di bɛ nwo zo konim, kye bɛ donvula kɔ nlɔnu wɔ maanle gyɛne nu moa moa anzɛɛ amozi ɛke ala bie,

2 Edk 6:38

na bɛnu bɛ nwo wɔ maanle ne mɔɔ bɛhye bɛ bɛhɔ nu la anu, bɛyeye bɛ munli nu bɛkakyi bɛ nye wɔ bɛ azɛlɛ ye mɔɔ ɛvale ɛmanle bɛ ze mɔ la azo, nee suakpole ne mɔɔ wɔdu wɔmaa ɛ nwo la anwo, nee Ɛzonlenlɛ Sua ye mɔɔ mezi memaa wɔ la anwo a,

2 Edk 7:14

na saa me menli ne mɔɔ bɛfa me duma a bɛfɛlɛ bɛ la bɛlɛ bɛ nwo aze, sɛlɛ na bɛkpondɛ me bo zo, na bɛgyakyi bɛ ninyɛndane ne mɔ ɛyɛlɛ a, yemɔ mebadie bɛ wɔ anwuma lɔ, na meava bɛ ɛtane ne mɔ meahyɛ bɛ, na meamaa bɛ azɛlɛ ne ahye aleɛ.

Nihɛmaya Buluku ne 1:6

gyele ɛ nzo tie wɔ sonvolɛ ye nzɛlɛlɛ mɔɔ mefa meado ɛ nyunlu nɔɔzo nee ewiazo meamaa wɔ menli Yizilayɛma la, na nea yɛ. Ɛ mra Yizilayɛma ɛyɛ ɛtane ɛtia wɔ. Ɛhɛe, medame, me nee egya awuke nu amra bɔbɔ yɛyɛ ɛtane yɛtia wɔ.

Edwɛndolɛ Buluku ne 106:6

Yɛ nee yɛ nlenya mɔ yɛyɛ ɛtane; yɛyɛ ninyɛndane, yɛyɛ amumuyɛ.

Daneɛle Buluku ne 9:15

“O Awulae yɛ Nyamenle, mɔɔ ɛvale wɔ tumi kpole ne ɛyele wɔ menli ne ɛvile Yigyibiti, na wɔlie duma wɔmaa ɛ nwo toonwo a yeradwu ɛnɛ la, yɛyɛ ɛtane, O Awulae, yɛyɛ amumuyɛ mɔɔ bɛnyɛ a.