2 Edk 6:32 - BAEBOLO ANZƐƐ BULUKU NWUANZANWUANZA

³² “Zɔhane ala yɛɛ saa ɛyɛvolɛ mɔɔ ɛnle Yizilayɛnli la te wɔ nganeɛ wɔ ninyɛne mgbole mɔɔ wɔyɛ, wɔ tumi nee wɔ ɛlolɛ, na ɔvi ye maanle nu moa moa ɔba kɛ ɔbazonle wɔ wɔ Ɛzonlenlɛ Sua ye anu a,

2 Edk 6:32 ပူးပေါင်းရင်းမြစ်များ

2 Arl 5:15

Yemɔti ɔziale ɔrale Yilaehya ɛkɛ ne na ɔhanle kɛ, “Kɛkala, akee menwu kɛ Nyamenle ɛnle ɛleka biala kɛ Yizilayɛ ala; zɔhane ati, yɛmenle, die me sa nu ahyɛlɛdeɛ.”

2 Arl 5:3

Kenle ko kakula bɛlɛra ne zele ɔ menle raalɛ ne kɛ, “Saa me menle kɛhɔ Nyamenle kpɔmanvolɛ ne mɔɔ wɔ Samɛlea la anwo lɔ a, anrɛɛ ɔbayɛ ye kokobɛ ne ayile.”

2 Arl 5:8

Na mɔɔ Nyamenle kpɔmanvolɛ Yilaehya dele edwɛkɛ ne nee kɛ belemgbunli ne zile suosuanle ye tɛladeɛ mɔɔ ɔwula la anu la, ɔzoanle ɔmanle bɛhɔzele ye kɛ, “Na duzu ati yɛɛ wɔsuosua wɔ tɛladeɛ ne anu a? Maa ɔrɛla me nwo ɛke amaa yeanwu kɛ Nyamenle kpɔmanvolɛ wɔ Yizilayɛ.”

2 Edk 6:31

amaa bɛazulo wɔ na mekɛ biala bɛayɛ tieyɛ bɛamaa wɔ wɔ mekɛ mɔɔ bɛde azɛlɛ ye mɔɔ ɛvale ɛmanle bɛ nlenya mɔ la azo la.

Edwɛndolɛ Buluku ne 136:12

Ɔvale tumi kpole, ye tumi ɛsalɛ ne; ɔluakɛ ye ɛhulolɛ kpundii ne wɔ ɛkɛ dahuu.

Edwɛndolɛ Buluku ne 89:13

Ɛlɛ tumi kpole; ɛ nwo yɛ se, wɔ tumi le kpole.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:14

Saa kenle bie bɛ mra biza bɛ kɛ, ‘Ɛhye abo a le duzu?’ a, bɛha bɛhile bɛ kɛ, ‘Ɛdɛnkɛma vale tumi kpole a yele yɛ vile Yigyibiti wɔ akɛlɛzonlenlɛ nu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:6

Yemɔti ka kile Yizilayɛma kɛ, ‘Medame a mele Ɛdɛnkɛma ne a. Mebazokoɛ bɛ adesoa ne mɔɔ Yigyibitima ɛva ɛzoa bɛ la, mebaye bɛ meavi akɛlɛzonlenlɛ nu. Mebava tumi kpole mealie bɛ na meadua Yigyibitima kakɛ.

Ayezaya Buluku ne 66:20

Menli ɛhye mɔ bava bɛ mediema ne mɔ mɔɔ wɔ maanle maanle ne mɔ anu la wɔ mgbɔnwɔ zo, konle ehwili nee bonrane nu, wɔ mgbɔnwɔndua nee afunlumu zo bɛarɛlɛ me wɔ me boka nwuanzanwuanza ne azo, Gyɛlusalɛm, kɛ azubɔdeɛ; medame Ɛdɛnkɛma a mese a. Bɛbava bɛ bɛara, kɛmɔ Yizilayɛma fa bɛ ma azubɔdeɛ wɔ debie anu bɔkɔbɔkɔ nu ba Ɛdɛnkɛma Ɛzonlenlɛ Sua ne anu la.

Zɛkalaya Buluku ne 8:22

Maanle maanle mɔɔ anwo yɛ se nee menli ngakyile ngakyile barakpondɛ Tumivolɛ Ɛdɛnkɛma abo zo bɛazonle ye wɔ Gyɛlusalɛm, na bɛazɛlɛ ye moalɛ.

Edwɛkpa ne kɛmɔ Mateyu hɛlɛle la 12:42

Ndɛnebualɛ Kenle ne, Hyiba maanle nu belemgbunli raalɛ ne badwazo adoa bɛmɛ adwuleso amra, ɔboalekɛ ɔvi ye maanle nu wɔ nyiakɛ nehane ɔdiale dedee ɔradiele nrɛlɛbɛ ngilehilelɛ ɔvile Belemgbunli Sɔlɔmɔn ɛkɛ; noko meka meahile bɛ, awie mɔɔ le kpole tɛla Sɔlɔmɔn la wɔ ɛke!

Edwɛkpa ne kɛmɔ Mateyu hɛlɛle la 2:1

Bɛwole Gyisɛse wɔ sua ne mɔɔ bɛfɛlɛ ye Bɛtelɛhɛm la azo, wɔ Dwudiya maanzinli nu, wɔ mekɛ mɔɔ ɛnee Hɛlɔdo a di belemgbunli la. Nrɛlɛbɛvolɛma bie vi aduduleɛ rale Gyɛlusalɛm

Dw 10:16

Me mboane ne mɔ bie ɛnle mboane tunli ye anu. Ɔwɔ kɛ mekpondɛ bɛ bo zo; bɛbade me ne, na bɛ muala bɛbayɛ mboane ekpunli ko mɔɔ bɛ neavolɛ ko a.

Dw 12:20

Gilikima bie boka menli mɔɔ hɔle Gyɛlusalɛm kɛ bɛkazonle la anwo wɔ mekɛ mɔɔ bɛdi ɛvoyia ne la.

Ɛzoanvolɛma Gyima ne 2:10

Felegyea, Pamefelea, Yigyibiti nee Lebea maanzinli ne mɔɔ bikye Saelin. Yɛ bie mɔ noko vi Wulomu,

Dwɔhyua Buluku ne 2:9

na ɔzele bɛ kɛ, “Meze kɛ Ɛdɛnkɛma ɛva azɛlɛ ye ɛmaa bɛ. Awie biala mɔɔ wɔ yɛ maanle ye anu la sulo bɛ, yɛɛ menli te bɛ nganeɛ a ɛnee ɛzulolɛ ɛha bɛ.

Dwɔhyua Buluku ne 9:9

Na bɛhanle bɛhilele Dwɔhyua kɛ, “Yɛmenle, yɛvi moa kpalɛ a yɛra a, ɔboalekɛ yɛde Ɛdɛnkɛma bɛ Nyamenle ne anwo edwɛkɛ. Yɛde mɔɔ ɔyɛle ye wɔ Yigyibiti la amuala,

Wulu 1:16

Wulutu zele ye kɛ, “Mmafoa me kɛ mengyakyi wɔ mengɔ anzɛɛ menzia na memmatoa wɔ. Ɔluakɛ me nee wɔ yɛkɔ ɛleka mɔɔ ɛlɛkɔ la, mebadɛnla ɛleka mɔɔ ɛkɛdɛnla la. Wɔ menli bayɛ me menli, na wɔ Nyamenle ne ayɛ me Nyamenle.