2 Edk 6:30 - BAEBOLO ANZƐƐ BULUKU NWUANZANWUANZA

³⁰ tie bɛ wɔ anwuma lɔ, ɛleka mɔɔ ɛde la, na fa bɛ ɛtane ne mɔ kyɛ bɛ. Ɛ ngomekye yɛɛ ɛze sonla ahonle nu a, yɛ maa awie biala kɛmɔ bɛ nzɛlɛlɛ ne mɔ se la,

2 Edk 6:30 ပူးပေါင်းရင်းမြစ်များ

1 Arl 8:39

tie bɛ nzɛlɛlɛ wɔ anwuma lɔ, ɛleka mɔɔ ɛde la, fa bɛ ɛtane ne mɔ kyɛ bɛ na boa bɛ. Ɛ ngomekye yɛɛ ɛze ahonle nu a, yɛ maa awie biala, kɛmɔ bɛ nzɛlɛlɛ ne mɔ se la,

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

1 Edk 29:17

Meze kɛ ɛsɔ awie biala ɛnea na ɛ nye die mɔɔ di nɔhalɛ la anwo. Meyeye me ahonle nu, nɔhalɛ nu yɛɛ meva ɛhye mɔ amuala memaa wɔ a, yɛɛ menwu kɛ me menli ye ɛzi ɛva fɛlɛkolilɛ nee anyelielɛ ɛva ninyɛne ɛrabɔ azu ɛmaa wɔ a.

1 Edk 29:19

Maa me ra Sɔlɔmɔn ahonle kpalɛ maa ɔli debie biala mɔɔ ɛkɛze ye la azo na ɔzi Ɛzonlenlɛ Sua ne mɔɔ yemɔti meboɔboa ninyɛne ɛhye mɔ anloa la.”

2 Edk 6:29

nzɛlɛlɛ biala anzɛɛ modolɛ biala mɔɔ bɛ nuhua ko biala anzɛɛ wɔ menli Yizilayɛma amuala kɛbɔ nu, kɛva bɛ nyane ngakyile ne mɔ kɛdende bɛ sa wɔ Ɛzonlenlɛ Sua ɛhye anwo kɛzɛlɛ la,

2 Edk 6:31

amaa bɛazulo wɔ na mekɛ biala bɛayɛ tieyɛ bɛamaa wɔ wɔ mekɛ mɔɔ bɛde azɛlɛ ye mɔɔ ɛvale ɛmanle bɛ nlenya mɔ la azo la.

Edwɛndolɛ Buluku ne 62:12

O Awulae, wɔmɔ a ɛlɛ ɛhulolɛ kpundii a. Ɔluakɛ wɔmɔ yɛɛ ɛtua sonla kakɛ, kɛmɔ ye gyima si de la a.

Edwɛndolɛ Buluku ne 7:10

Me enyinlike a le Nyamenle, ɔdie menli mɔɔ bɛ ahonle nu te la.

Mrɛlɛbulɛ Buluku ne 15:11

Ɛbolɔ nee Abɛdɛn gua ɛkɛ ne wienyi wɔ Ɛdɛnkɛma anyunlu; mɔɔ vea ahonle nu la ɛnvea Ɛdɛnkɛma.

Gyɛlɛmaya Buluku ne 17:10

Medame Ɛdɛnkɛma a meneɛnlea sonla adwenle nu na meneɛnlea ye ahonle nu a. Meboa awie biala, kɛmɔ ye ndenle ne mɔ de la, kɛmɔ ye nyɛleɛ ne si kɔ ye la.”

Yizikeɛle Buluku ne 18:30

“Zɔhane ati Yizilayɛma, medame Awulae Nyamenle mese: Mebabua bɛ ndɛne, kɛmɔ sonla ko biala nyɛleɛ si de la. Bɛnlu bɛ nwo na bɛhwe bɛ nwo bɛvi bɛ mɛladonlɛ kɔsɔɔti anwo na yeanyɛ munzule wɔ bɛ adenle nu.

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Dw 2:25

Yeangyia kɛ awie kɛha sonla nwo edwɛkɛ kɛhile ye, ɔboalekɛ ɔdaye mumua ne ɔze mɔɔ wɔ sonla biala ahonle nu la.

Kɛlata mɔɔ bɛhɛlɛle bɛhɔmanle Hibuluma la 4:13

Wɔ Nyamenle anyunlu, debie biala ɛnvea; debie biala mɔɔ wɔ aleɛabo la la ɔ nyunlu wienyi, na yemɔ yɛɛ yɛbabu yɛ mgbonda yɛahile ye a.

Yekile 2:23

Eza menli mɔɔ li ɔ nzi la, mebahu bɛ muala na asɔnema ne amuala anwu kɛ medame a menwu sonla biala ati anu nee ye ahonle nu a. Me nee bɛ nuhua ko biala bali wɔ mɔɔ yeyɛ la anwo.

1 Sam 16:7

Na Ɛdɛnkɛma zele ye kɛ, “Mmanea ɔ nyunlu anzɛɛ ye anyinlima ne anwo, ɔboalekɛ tɛ yemɔ yɛɛ meye ye a, ɔluakɛ mennea sonla kɛmɔ dasanli si nea ye la. Dasanli nea sonla ɛnyelɛ zo ala, na mame, menea sonla ahonle nu.”