2 Edk 6:28 - BAEBOLO ANZƐƐ BULUKU NWUANZANWUANZA

²⁸ “Saa ɛhɔne ba azɛlɛ ye azo, anzɛɛ ahumu nee ngɛkɛba sɛkye bɛ aleɛ, saa bɛ kpɔvolɛma fa konle batoa bɛ, bɛbɛnra bɛ azuamgbole bɛyia mɔɔ awie ɛngola ɛnvi sua zo ɛnvinde la, anzɛɛ ewule nzane bie tɔ bɛ avinli, anwonyane biala mɔɔ kɛbɔ bɛ la,

2 Edk 6:28 ပူးပေါင်းရင်းမြစ်များ

2 Arl 8:1

Mekɛ bie Yilaehya hanle hilele raalɛ ne mɔɔ ɔ ra ne wule a ɔdunwuele ye la kɛ, “Dwazo na ɛ nee wɔ sua nu amra amuala bɛlɔ nu bɛhɔ ɛleka biala mɔɔ bɛkola la na Ɛdɛnkɛma ɛlɛmaa ɛhɔne ara azɛlɛ ye azo ɛvolɛ nsuu.”

2 Edk 32:1

Ɛhye mɔ anzi mɔɔ ɛnee Belemgbunli Hɛzikaya nee Dwudama sonle Nyamenle nɔhalɛ nu la, Aselea Belemgbunli Sɛnakɛlebe nee ye ɛlɔnema ravale Dwuda aze. Bɛyɛle bɛ azokoɛleɛ wɔ azuamgbole ne mɔ kandiba na bɛyɛle kɛ bɛko bɛava azuamgbole ne mɔ.

2 Edk 32:24

Mekɛ ne anu Belemgbunli Hɛzikaya anwo dole ye mɔɔ ɔhale ye nee ewule a. Ɔzɛlɛle Ɛdɛnkɛma, na Ɛdɛnkɛma diele ye na ɔmanle ye sɛkɛlɛneɛ.

2 Edk 6:29

nzɛlɛlɛ biala anzɛɛ modolɛ biala mɔɔ bɛ nuhua ko biala anzɛɛ wɔ menli Yizilayɛma amuala kɛbɔ nu, kɛva bɛ nyane ngakyile ne mɔ kɛdende bɛ sa wɔ Ɛzonlenlɛ Sua ɛhye anwo kɛzɛlɛ la,

2 Edk 7:13

Saa memaa ewia pe mɔɔ ezule ɛndɔ, anzɛɛ meye abɛbɛ kɛ bɛzɛkye bɛ aleɛ, anzɛɛ saa meye ewule nzane meto me menli ne anwo,

Dwowɛle Buluku ne 1:11

Bɛmɛ ɛyazonlɛma, bɛli nyane; bɛzu, bɛmɛ vanye egyinli zo neavolɛma, ɔboalekɛ hwiiti ne, baale ne, ɛya ne mɔ anu bɛyɔba ne mɔ ɛzɛkye.

Dwowɛle Buluku ne 2:25

Ɛvolɛ dodo ma mɔɔ abɛbɛ ne mɔ lile la mebava ɔ muala meamaa bɛ. Abɛbɛ bɛnyebɛnye, sɛkyera nee mɔɔ pɛ ma ne mɔ la, ɛlɔne kpole ne, medame a menzoanle ɛlɔne ɛhye bɛ nwo zo a.

Sɛlɛ 26:16

mɔɔ mebava meayɛ bɛ la ɛne: Mebamaa ɛzulolɛ kpole bie araheda bɛ nwo zo, meamaa ewule mɔɔ maa nwonane wie la, nee ebunlu fufule aha bɛ, azi bɛ nye na yeahu bɛ. Bɛbalua ma na bɛnrɛnyia bie, ɔluakɛ bɛ kpɔvolɛma barali.

Gyemise Kɛlata ne 5:13

Bɛ nuhua bie wɔ ngyegyelɛ nu ɔ? Bɛmaa ɔzɛlɛ. Bie ɛlɛdi fɛlɛko ɔ? Bɛmaa ɔdo ayɛlɛyelɛ edwɛne.

Wulu 1:1

Mekɛ mɔɔ ɛnee maanlebuvolɛma a bu Yizilayɛ maanle ne la, ɛhɔne kpole bie zile maanle ne anu. Zɔhane ati nrenya bie mɔɔ vi Bɛtelɛhɛm mɔɔ wɔ Dwuda maanle nu na ɔbɔ Ɛfelate abusua ne bie la vale ɔ ye nee ɔ mra mrenya nwiɔ mɔɔ ɔlɛ bɛ la lɔle nu hɔle Mowabe maanle nu. Bɛfɛlɛ nrenya ne Yilemɛlɛke, bɛfɛlɛ ɔ ye Nawome yɛɛ ɔ mra mrenya nwiɔ ne noko aluma a le Maalɔn yɛɛ Kaeleɔn. Bɛhɔle Mowabe maanle nu bɛhɔdɛnlanle ɛkɛ ne.