2 Edk 6:27 - BAEBOLO ANZƐƐ BULUKU NWUANZANWUANZA

²⁷ tie bɛ wɔ anwuma lɔ, fa wɔ menli Yizilayɛma ɛtane ne mɔ kyɛ bɛ, kilehile bɛ maa bɛli boɛ na tɔ ezule gua azɛlɛ ye mɔɔ wɔva wɔmaa bɛ kɛ bɛ ɛdeɛ ɔ la azo.

2 Edk 6:27 ပူးပေါင်းရင်းမြစ်များ

2 Edk 7:14

na saa me menli ne mɔɔ bɛfa me duma a bɛfɛlɛ bɛ la bɛlɛ bɛ nwo aze, sɛlɛ na bɛkpondɛ me bo zo, na bɛgyakyi bɛ ninyɛndane ne mɔ ɛyɛlɛ a, yemɔ mebadie bɛ wɔ anwuma lɔ, na meava bɛ ɛtane ne mɔ meahyɛ bɛ, na meamaa bɛ azɛlɛ ne ahye aleɛ.

Edwɛndolɛ Buluku ne 119:33

O Ɛdɛnkɛma, kilehile me wɔ mɛla ne mɔ ndenle, na mebalua nu meahɔ awieleɛ.

Edwɛndolɛ Buluku ne 25:12

Nwane a le sonla ne mɔɔ sulo Ɛdɛnkɛma la? Yemɔ yɛɛ Ɛdɛnkɛma bahilehile ye adenle mɔɔ ɔwɔ kɛ ɔfa nu la a.

Edwɛndolɛ Buluku ne 25:8

Ɛdɛnkɛma le kpalɛ nee tenlene, yemɔti ɔkilehile ɛtanema ye adenle ne.

Edwɛndolɛ Buluku ne 68:9

O Nyamenle, ɛmanle ezule dɔle dɔɔnwo wɔ ɛleka biala. na ɛmanle agyadeɛ mɔɔ ɛlɛsɛkye la yɛle boɛ.

Edwɛndolɛ Buluku ne 94:12

O Ɛdɛnkɛma, nyilalɛ ɛha sonla ne mɔɔ ɛtea ye, na ɛfa wɔ mɛla ne ɛkilehile ye,

Ayezaya Buluku ne 30:21

Bɛbade edwɛkɛ wɔ bɛ nzi kɛ ɔlɛka yeahile bɛ kɛ, “Adenle ne ɛne, bɛlua nuhua” wɔ mekɛ mɔɔ bɛkɛminli bɛkɛva bɛne anzɛɛ fema zo la.

Gyɛlɛmaya Buluku ne 14:22

Asoo maanle maanle ne mɔ nyamenle ne mɔ kola tɔ ezule? Asoo anwomanyunlu angome kola tɔ ezule? Tɛ wɔmɔ Ɛdɛnkɛma yɛ Nyamenle ne a tɔ ezule a? Yɛ anyelazo a le wɔ, ɔluakɛ ɛdawɔ a ɛyɛ ninyɛne ɛhye mɔ amuala a.

Gyɛlɛmaya Buluku ne 42:3

Yemɔti sɛlɛ maa Ɛdɛnkɛma wɔ Nyamenle ne ɛhile yɛ adenle mɔɔ yɛva zo, nee debie mɔɔ ɔwɔ kɛ yɛyɛ la.”

Gyɛlɛmaya Buluku ne 5:24

Bɛnga ye bɛ ahonle nu bɔbɔ kɛ, ‘Bɛmaa yɛzulo Ɛdɛnkɛma yɛ Nyamenle ne mɔɔ tɔ ezule nee nyenyensuo wɔ bɛ ɛlobɔ nloa, na ɛbuhenle dwu a ɔmaa yɛ bɛyɔba la.’

Gyɛlɛmaya Buluku ne 6:16

Ɛdɛnkɛma zele ye menli ne kɛ, “Bɛgyinlegyinla ndenle ne mɔ azo na bɛnlea. Bɛbizebiza mɔmoane ndenle ne mɔ, ɛleka mɔɔ adenle kpalɛ kpalɛ ne la la. Bɛlua nuhua na bɛkɛnyia anzonudwolɛ.” Na bɛbuale kɛ, “Kyɛkyɛ, yɛnrɛlua nuhua fee.”

Yizikeɛle Buluku ne 34:26

“Mebayila bɛ na meayila ɛleka ne mɔ mɔɔ ɛbɔ ɛyia me boka nwuanzanwuanza ne la amuala. Mebamaa ezule anyenye wɔ bɛ ɛlobɔ ne mɔ anloa ayɛ nyilalɛ amaa bɛ.

Dwowɛle Buluku ne 2:12

Ɛdɛnkɛma se, “Kɛkala bɔbɔ, awie biala ɛva ɛhɔnehyelɛ, ɛzunlɛ nee nyanelilɛ, yɛɛ ye ahonle kɔsɔɔti ɛzia ɛrɛla me nwo ɛke.

Dwowɛle Buluku ne 2:13

Bɛtete bɛ ahonle nu na tɛ bɛ adɛladeɛ nu ɔ.” Bɛzia bɛhɔ Ɛdɛnkɛma bɛ Nyamenle ne ɛkɛ, ɔluakɛ ɔle dovolɛ nee anwunvɔnezelɛnli; ɔnva ɛya mgbane mgbane, ye ɛhulolɛ kpundii ne le kpole, yɛɛ dahuu ɔfa ɛtane ɔkyɛ.

Dwowɛle Buluku ne 2:23

“Bɛli fɛlɛko, O Zayɔnoma, na bɛmaa bɛ nye ɛlie Ɛdɛnkɛma bɛ Nyamenle ne anwo, ɔluakɛ yemaa ezule ɛdɔ ndɛ ɛbua bɛ benle, yemaa ezule ɛdɔ, nzule ɛbu bɛ nwo zo, alumua nee amozi ezule ɛdɔ kɛ dɛba ne ala la.

Maeka Buluku ne 4:2

na menli dɔɔnwo baraha kɛ, “Bɛrɛla bɛmaa yɛhɔ Ɛdɛnkɛma Boka ne azo, yɛhɔ Gyekɔbo Nyamenle ne sua nu, amaa yeahilehile yɛ ye ndenle ne mɔ, na yɛalua ye ndenle ne mɔ anu. Ɔluakɛ Zayɔn yɛɛ mɛla ne vi bara a, Ɛdɛnkɛma edwɛkɛ ne vi Gyɛlusalɛm a bara a.”

Zɛkalaya Buluku ne 10:1

Bɛbiza Ɛdɛnkɛma kɛ ɔmaa ezule ɛdɔ wɔ nyenyensuo mekɛ nu. Ɛdɛnkɛma a maa anwomanyunlu yɛ dukuduku na ɔtɔ ezule ɔmaa menli, na ɔmaa awie biala egyinli kye a.

Dw 6:45

Nyamenle kpɔmanvolɛma hɛlɛle kɛ, ‘Nyamenle a kilehile menli kɔsɔɔti a.’ Awie biala mɔɔ te Selɛ ne ane na ɔtietia ɔ gyakɛ abo zo la ba me ɛkɛ.