2 Edk 6:20 - BAEBOLO ANZƐƐ BULUKU NWUANZANWUANZA

²⁰ “Mesɛlɛ wɔ, buke ɛ nye na sinza Ɛzonlenlɛ Sua ɛhye nɔɔzo nee ewiazo. Wɔbɔ ɛwɔkɛ kɛ ɛke yɛɛ bɛzonle wɔ a, yemɔti saa medame wɔ sonvolɛ, mekakyi me nye Ɛzonlenlɛ Sua ɛhye anwo na mesɛlɛ a, anrɛɛ tie me.

2 Edk 6:20 ပူးပေါင်းရင်းမြစ်များ

2 Arl 19:16

Na Ɛdɛnkɛma, ɛdawɔ nea mɔɔ akee ɛlɛsisi yɛ nwo zo a. Tie edwɛkɛ mɔɔ Sɛnakɛlebe ɛlɛkeha agua ɛdawɔ tease Nyamenle ne ɛ nyunlu aze a.

2 Edk 16:9

Ɔluakɛ Ɛdɛnkɛma fa ɔ nye bɔ ewiade ye anwo mgbɔlɔka, na ɔfa tumi ɔdie bɛdabɛ mɔɔ bɛdi nɔhalɛ bɛmaa ye la. Wɔli kɔnwɔne edwɛkɛ wɔ ɛhye anu, yemɔti ɔvi ɛnɛ mɔɔ kɔ la konle ɛnrɛkpa ɛ nwo ɛlɛ.”

2 Edk 20:9

saa munzule fa yɛ aze: konle, ndeanlɛ, ewule nzane anzɛɛ ɛhɔne ba a, yɛragyinla sua ɛhye anyunlu ɛke, wɔ ɛ nyunlu, kɛmɔ wɔ duma a la sua ye azo la, na yɛlua yɛ nyane ne anu yɛdea yɛvɛlɛ wɔ na ɛkɛdie yɛ.

2 Edk 6:19

Noko akee, Ɛdɛnkɛma me Nyamenle, tie wɔ akɛlɛ nzɛlɛlɛ nee ye modolɛ na yɛ mɔɔ mebiza la maa me.

2 Edk 6:40

“O me Nyamenle, maa ɛ nye ɛrɛla yɛ nwo zo na tie yɛ nzɛlɛlɛ mɔɔ yɛkɛyɛ wɔ ɛke la.

2 Edk 6:5

‘Sumunli kɛ menyele me menli ne menvile Yigyibiti azɛlɛ zo la, metɛneanle Yizilayɛ mbusua ekpunli ekpunli ne mɔ anu metɛtule suakpole ko metɛmanle me nwo kɛ bɛzi sua wɔ ɛkɛ ne na me duma ɛla zolɛ, eza metɛneanle nu metɛtule awie ko kɛ ɔli belemgbunli ɔnlea me menli Yizilayɛma anwo zo.

2 Edk 6:6

Noko kɛkala, menlea nu meye Gyɛlusalɛm kɛ ɛkɛ ne yɛɛ bɛzonle me a, yɛɛ meye Devidi kɛ ɔli belemgbunli ɔzie me menli Yizilayɛma.’ ”

2 Edk 7:15

Akee mebavede me nye meanlea Ɛzonlenlɛ Sua ɛhye kpalɛ na meabuke me nzo meadie nzɛlɛlɛ biala mɔɔ bɛbayɛ ye wɔ ɛke la.

Nihɛmaya Buluku ne 1:6

gyele ɛ nzo tie wɔ sonvolɛ ye nzɛlɛlɛ mɔɔ mefa meado ɛ nyunlu nɔɔzo nee ewiazo meamaa wɔ menli Yizilayɛma la, na nea yɛ. Ɛ mra Yizilayɛma ɛyɛ ɛtane ɛtia wɔ. Ɛhɛe, medame, me nee egya awuke nu amra bɔbɔ yɛyɛ ɛtane yɛtia wɔ.

Edwɛndolɛ Buluku ne 121:5

Ɛdɛnkɛma le wɔ sinzavolɛ; Ɛdɛnkɛma keda ɛ nwo zo, na ɔmaa wɔ anwosesebɛ.

Edwɛndolɛ Buluku ne 33:18

Bɛnlea, Ɛdɛnkɛma anye wɔ bɛdabɛ mɔɔ bɛsulo ye, yɛɛ bɛdabɛ mɔɔ bɛ nye la ye ɛhulolɛ kpundii ne azo la anwo zo,

Edwɛndolɛ Buluku ne 34:15

Ɛdɛnkɛma anye wɔ tenlenema anwo zo, yɛɛ ɔte bɛ ɛzunlɛ.

Daneɛle Buluku ne 6:10

Daneɛle nwunle kɛ bɛlie mɛla ne bɛdo nu na belemgbunli ɛva ɔ sa ɛwula ɔ bo la, ɔhɔle sua nu, ɔbukebukele ye nvɛnzɛlɛ ne mɔ mɔɔ kɔne Gyɛlusalɛm afoa nu la ɔguale nwolɛ, na kenle ko biala ɔhotole ɔzɛlɛle na ɔyɛle ye Nyamenle ne mo fane nsa, kɛmɔ ɛnee ɔyɛ ye dɛba ne la.

Mɛla 12:11

yɛɛ bɛbahɔ ɛleka mɔɔ ɔdaye Ɛdɛnkɛma bɛ Nyamenle ne kɛhile kɛ bɛva ye duma bɛvɛlɛ ye la, na bɛahɔzonle a. Ɛkɛ ne yɛɛ bɛbava mɔɔ meha mehile bɛ la amuala: bɛ ɛyelalɛ azubɔlɛ ninyɛne, bɛ azubɔlɛ ngakyile ne mɔ ninyɛne, bɛ ngyɛnu bulu ɛkpɔ ngoko ne mɔ, bɛ ahyɛlɛ ninyɛne nee bɛ ɛwɔkɛ mɔɔ bɛbɔ Ɛdɛnkɛma la ɛyelɛ kɔsɔɔti bɛahɔ a.

Mɛla 26:2

na bɛso ɛya a, bɛ aleɛ mɔɔ bɛbalumua bɛanyia ye wɔ azɛlɛ ne azo la, bɛwula ye kɛndɛne nu bɛva bɛhɔ ɛleka mɔɔ Ɛdɛnkɛma bɛ Nyamenle ne kɛhile kɛ bɛzonle ye la.

Kɔlɔ 2:9

Ɔluakɛ Nyamenle su ne de Kelaese sonlabaka ne nu,