2 Edk 6:16 - BAEBOLO ANZƐƐ BULUKU NWUANZANWUANZA

¹⁶ Yemɔti, O Ɛdɛnkɛma, Yizilayɛ Nyamenle, mesɛlɛ wɔ, di wɔ ɛwɔkɛ mɔɔ ɛha la azo, ɛwɔkɛ ne mɔɔ ɛbɔle me ze Devidi kɛ saa ɔ bo zo amra di wɔ mɛla ne mɔ azo na bɛyɛ tieyɛ bɛmaa wɔ kɛmɔ ɔdaye Devidi ɔyɛle la a, dahuu bɛ bie bali belemgbunli azie Yizilayɛma la.

2 Edk 6:16 ပူးပေါင်းရင်းမြစ်များ

1 Arl 2:4

Saa ɛyɛ ɛhye a yɛɛ Ɛdɛnkɛma ɛwɔkɛ ne mɔɔ ɔbɔle me la bayɛ nɔhalɛ a. Ɛdɛnkɛma zele me kɛ, ‘Saa ɛ mra ne mɔ nea boɛ na bɛfa bɛ ahonle nee bɛ ɛkɛla muala bɛtoa me bo zo nɔhalɛ nu a, yemɔ ɛ bo zo amra ɛnrɛvi Yizilayɛ belemgbunli ebia ne azo ɛlɛ.’

1 Arl 6:12

“Sua ye mɔɔ ɛlɛsi la, saa ɛdua me adenle ne anu, ɛdi me mɛla ne mɔ azo, ɛfa ɛsie na ɛfa ɛbɔ wɔ ɛbɛla a, yemɔ me nee wɔ balua, kɛmɔ me ɛwɔkɛ ne mɔɔ membɔle ɛ ze Devidi la se la.

2 Edk 13:5

Bɛdabɛ bɛze ye wienyi kɛ Yizilayɛ Ɛdɛnkɛma Nyamenle ne vale Yizilayɛ belemgbunlililɛ ne manle Devidi nee ɔ bo zo amra, na ɔ nee ye yɛle ngyekyeleɛ kɛ bɛbali ebia ne wɔ mekɛ mɔɔ ɛnlɛ awieleɛ la.

2 Edk 21:7

noko Ɛdɛnkɛma ambɔ Devidi sua nu amra abo zo, ɔboalekɛ ɛnee Ɛdɛnkɛma nee Devidi ɛyɛ ngyekyeleɛ, na yebɔ Devidi ɛwɔkɛ kɛ ɔbamaa kɛnlaneɛ ada ye nee ɔ bo zo amra sua nu dahuu.

2 Edk 23:3

Na bɛ muala bɛ nee Dwowahye yiale nu wɔ Nyamenle Ɛzonlenlɛ Sua ne anu bɛbɔle kpɔkɛ, bɛkyekyele ɔ bo. Sɛlɛvolɛ Gyɛhɔyada zele bɛ kɛ, “Bɛnlea, belemgbunli ne ara nrenya ne ɛne! Bɛboa bɛmaa ɔli belemgbunli, kɛmɔ Ɛdɛnkɛma hanle wɔ Devidi abo zo amra anwo la.

2 Edk 6:17

Yemɔti, O Ɛdɛnkɛma, Yizilayɛ Nyamenle, maa mɔɔ wɔha la biala ɛyɛ nɔhalɛ, kɛmɔ ɛvale ɛbɔle me ze Devidi ɛwɔkɛ la.

2 Edk 7:17

Na wɔmɔ, saa ɛ nee me dua, kɛmɔ ɛ ze Devidi nee me luale la, na ɛyɛ mɔɔ meze wɔ la amuala, ɛdi me mɛla nee me ngyehyɛlɛ ne mɔ azo a,

2 Edk 7:18

menwɔmaa wɔ belemgbunlililɛ ne kɛgyinla, kɛmɔ me nee ɛ ze Devidi kyekyele la kɛ, ‘Ɛ bo zo amra ala a bali Yizilayɛ ebia ne dahuu a.’

Edwɛndolɛ Buluku ne 119:1

Nyilalɛ ɛha bɛdabɛ mɔɔ bɛ ndenle nu ɛnlɛ ngehanleɛ, na bɛbɔ bɛ ɛbɛla kɛmɔ Ɛdɛnkɛma mɛla ne de la.

Edwɛndolɛ Buluku ne 119:9

Kɛ ɔkɛyɛ na kpavolɛ adenle nu ayɛ bɔkɔbɔkɔ ɛ? Kyesɛ ɔdua wɔ edwɛkɛ zo ɔsinza ɔ nwo.

Edwɛndolɛ Buluku ne 132:11

Ɛdɛnkɛma bɔle Devidi ɛwɔkɛ, na ɔnrɛhakyi ɔ nloa ɛlɛ. Ɔse, “Ɛ mra mrenya ne mɔ mɔɔ wɔwo bɛ la anu ko yɛɛ mebava meazie wɔ ebia ne azo a.

Edwɛndolɛ Buluku ne 132:12

Saa ɛ mra mrenya ne mɔ di me mɛla zo, bɛdi me ngilehilelɛ mɔɔ mebahilehile bɛ la azo a, bɛdabɛ noko bɛ mra mrenya badɛnla wɔ ebia ne azo mekɛ biala.”

Edwɛndolɛ Buluku ne 26:3

Ɔluakɛ wɔ ɛhulolɛ kpundii ne a gyi me nyunlu a, medi nɔhalɛ memaa wɔ.

Yizikeɛle Buluku ne 36:37

Awulae Nyamenle ne se, “Eza mebamaa Yizilayɛma abiza me bɛamaa meayɛ ɛhye meamaa bɛ. Mebamaa bɛ nwo azo kɛ mboane ekpunli.