2 Edk 6:14 - BAEBOLO ANZƐƐ BULUKU NWUANZANWUANZA

¹⁴ Akee ɔzɛlɛle kɛ, “O Ɛdɛnkɛma, Yizilayɛ Nyamenle, nyamenle biala nee wɔ ɛnzɛ wɔ anwuma anzɛɛ aze ɛke, mɔɔ di ye ngyekyeleɛ mɔɔ ɔ nee ye ngɛkɛlɛ kɛkyekye la azo, na ɔkile ye ɛhulolɛ ne mɔɔ ɛmbɔ aze ɛlɛ la wɔ ye ngɛkɛlɛ mɔɔ kɛyeye bɛ ahonle nu kɛyɛ tieyɛ kɛmaa ye la anwo a.

2 Edk 6:14 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:1

Mekɛ mɔɔ Ebilam lile ɛvolɛ abulahɔnla nee ngɔnla la, Ɛdɛnkɛma yele ɔ nwo hilele ye na ɔzele ye kɛ, “Medame a mele Nyamenle Bedevinli ne a; di me mɛla zo na mmamaa ɛ nwo nyia ngehanleɛ biala.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 33:20

Ɔzile azukponle wɔ ɛkɛ ne na ɔdonle ye Ɛle-Ɛlohee Yizilayɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:10

Nyamenle zele ye kɛ, “Bɛfɛlɛ wɔ Gyekɔbo; ɔvi ɛnɛ mɔɔ kɔ la, bɛnrɛvɛlɛ wɔ Gyekɔbo bieko. Wɔ duma a le Yizilayɛ.” Yemɔti bɛvɛlɛle ye Yizilayɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 5:24

Yinɔko nee Nyamenle luale na yeanwu, ɔminliminlinle, ɔboalekɛ Nyamenle vale ye hɔle.

2 Sam 7:22

O Ɛdɛnkɛma Nyamenle, ɛle kpole; nyamenle bieko ɛnle ɛkɛ mɔɔ le kɛ ɛdawɔ a, yɛɛ nyamenle bieko ɛnle ɛkɛ mɔɔ yɛdayɛ yɛde ye yɛ nzo nu kɛ ɛ ngome ala.

1 Arl 18:36

Ɔdwule mekɛ mɔɔ bɛfa bɛyɛ ewiazo nzɛlɛlɛ la, Yilaegya rale azukponle ne anwo na ɔzɛlɛle kɛ, “O Ɛdɛnkɛma, Ebileham, Ayezeke nee Yizilayɛ Nyamenle, maa bɛdabɛ mɔɔ bɛyia ɛke la ɛnwu ye ɛnɛ kenle ye kɛ wɔmɔ a ɛle Nyamenle wɔ Yizilayɛ a, yɛɛ wɔ sonvolɛ a le me, yɛɛ ɛdawɔ a wɔzoa me kɛ menyɛ ninyɛne ɛhye mɔ a.

1 Arl 3:6

Sɔlɔmɔn buale kɛ, “Kɛmɔ wɔ akɛlɛ, egya Devidi lile nɔhalɛ manle wɔ, ɔvale ye ahonle kɔsɔɔti ɔdiele ɛ ne, na ɔbɔle ɛbɛla mɔɔ sɔ ɛ nye la, ɛhulole ye edwɛkɛ bɔkɔɔ. Ɛhye ati wɔhyɛ ye ralɛ nrenya wɔmaa ɛnɛ mede ɔ bo zo ne.

1 Arl 6:12

“Sua ye mɔɔ ɛlɛsi la, saa ɛdua me adenle ne anu, ɛdi me mɛla ne mɔ azo, ɛfa ɛsie na ɛfa ɛbɔ wɔ ɛbɛla a, yemɔ me nee wɔ balua, kɛmɔ me ɛwɔkɛ ne mɔɔ membɔle ɛ ze Devidi la se la.

1 Arl 8:23

ɔzele kɛ, “O Ɛdɛnkɛma, Yizilayɛ Nyamenle, wɔmɔ, nyamenle biala nee wɔ ɛnzɛ wɔ anwuma anzɛɛ azɛlɛ ye azo; wɔmɔ, ɛdi wɔ ɛwɔkɛ zo, na ɛkile ɛhulolɛ kpole ɛmaa wɔ ngɛkɛlɛ mɔɔ fa bɛ ahonle kpokpoti yɛ tieyɛ maa wɔ la.

1 Edk 29:10

Belemgbunli Devidi yele Nyamenle ayɛlɛ wɔ menli ne kɔsɔɔti anyunlu hanle kɛ, “Yɛ nlenya Gyekɔbo Ɛdɛnkɛma Nyamenle, ayɛlɛyelɛ ɛha wɔ dahuu!

1 Edk 29:20

Akee Devidi zele ɛlɔne mɔɔ ɛyia la kɛ, “Bɛye Ɛdɛnkɛma bɛ Nyamenle ne ayɛlɛ.” Na menli ne amuala yeyɛle Ɛdɛnkɛma, bɛ nlenya mɔ Nyamenle ne. Bɛbɔle bɛ ti aze bɛzonlenle Ɛdɛnkɛma na bɛvale enililɛ bɛmanle belemgbunli ne.

2 Edk 20:6

na ɔzɛlɛle kɛ, “O Ɛdɛnkɛma, yɛ ze mɔ Nyamenle, wɔmɔ a ɛle Nyamenle mɔɔ ɛwɔ anwuma na ɛsie arelemgbunli maanle maanle kɔsɔɔti mɔɔ wɔ ewiade la a. Wɔmɔ yɛɛ ɛlɛ tumi nee anwosesebɛ mɔɔ awie ɛngola ɛ nyunlu gyinla a.

2 Edk 6:17

Yemɔti, O Ɛdɛnkɛma, Yizilayɛ Nyamenle, maa mɔɔ wɔha la biala ɛyɛ nɔhalɛ, kɛmɔ ɛvale ɛbɔle me ze Devidi ɛwɔkɛ la.

Nihɛmaya Buluku ne 1:5

menzele kɛ, “O Ɛdɛnkɛma Nyamenle mɔɔ wɔ anwuma, mɔɔ ɛle nwanwane, ɛle bedevinli a; wɔmɔ mɔɔ ɛsie wɔ ngyekyeleɛ ne nee wɔ ɛhulolɛ ne kpundii ɛmaa menli mɔɔ kulo wɔ na bɛdi wɔ mɛla zo la a,

Edwɛndolɛ Buluku ne 86:8

O Awulae, nyamenle biala nee wɔ ɛnzɛ, yɛɛ gyima biala ɛndɛla wɔ gyima ne mɔ.

Edwɛndolɛ Buluku ne 89:28

Mebahile me ɛhulolɛ kpundii ne ɔ nwo zo dahuu, yɛɛ me ngyekyeleɛ ne bagyinla ɛkɛ ne kpundii amaa ye.

Edwɛndolɛ Buluku ne 89:6

Nwane a wɔ anwuma lɔ mɔɔ nee Ɛdɛnkɛma sɛ a? Nwane a wɔ anwuma amra anu mɔɔ nee Ɛdɛnkɛma sɛ a?

Edwɛndolɛ Buluku ne 89:8

O Tumivolɛ Ɛdɛnkɛma Nyamenle, O Ɛdɛnkɛma, nwane a le tumivolɛ kɛ ɛdawɔ, mɔɔ nɔhalɛlilɛ ɛbɔ ɛyia wɔ a?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:11

“O Ɛdɛnkɛma, nwane a le kɛ ɛdawɔ wɔ awozonle avinli a? Nwane a le kɛ wɔmɔ, mɔɔ le kpole wɔ nwuanzanwuanzayɛlɛ nu, ye ayɛlɛyelɛ le kpole na ɔyɛ nwanwane ninyɛne a?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:15

Ka ɛhye kile Yizilayɛma kɛ, ‘Ɛdɛnkɛma, bɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne ɛzoa me bɛ nwo ɛke! Ɛhye a le me duma wɔ melɛ mɔɔ ɛnlɛ awieleɛ, na ɛhye yɛɛ ɔwɔ kɛ awolɛndoazo kɔsɔɔti fa fɛlɛ me a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:6

Yemɔti Aalɔn dendenle ɔ sa wɔ Yigyibiti azule ne mɔ azo, na ahɛlɛne vi bɛ nuhua ravale Yigyibiti azɛlɛ ne amuala bɔkɔɔ.

Gyɛlɛmaya Buluku ne 10:16

Gyekɔbo Nyamenle ne ɛnle kɛ nyamenle ɛhye mɔ, ɔluakɛ yemɔ a ɔbɔle ninyɛne kɔsɔɔti a, yɛɛ Yizilayɛ abusua ekpunli ne le ye agyadeɛ: ye duma a le Tumivolɛ Ɛdɛnkɛma.

Gyɛlɛmaya Buluku ne 10:6

O Ɛdɛnkɛma, awie nee wɔ ɛnzɛ; ɛle bedevinli, wɔ duma ne le kpole, tumi wɔ nu.

Daneɛle Buluku ne 9:4

Menzɛlɛle Ɛdɛnkɛma me Nyamenle ne na menganle me nee me menli ne ɛtane ne mɔ mendole gua. Mese: “O Awulae, Nyamenle Bedevinli anwo ɛzulolɛ mɔɔ di wɔ ngyekyeleɛ zo na ɛkile wɔ ɛhulolɛ kpundii ne wɔ menli mɔɔ kulo wɔ, na bɛdi wɔ mɛla nee wɔ ngyehyɛlɛ ne mɔ azo la anwo zo a,

Edwɛkpa ne kɛmɔ Luku hɛlɛle la 1:50

mekɛ biala ɔse bɛdabɛ mɔɔ bɛsulo ye la anwunvɔne.

Edwɛkpa ne kɛmɔ Luku hɛlɛle la 1:6

Bɛ mu nwiɔ bɛbɔle ɛbɛla kpalɛ mɔɔ nwolɛ te la wɔ Nyamenle anyunlu, na bɛlile Nyamenle mɛla ne mɔ azo bɔkɔɔ.

Edwɛkpa ne kɛmɔ Luku hɛlɛle la 1:72

Ɔhanle kɛ ɔbaze yɛ nlenya mɔ anwunvɔne, na ɔ rɛle ɛnrɛvi ye ngyekyeleɛ nwuanzanwuanza ne.

Mɛla 3:24

‘O Awulae Nyamenle, bɔ zo mɔɔ wɔbɔ ɔ bo ɛlɛkile wɔ sonvolɛ wɔ kpoleyɛlɛ nee wɔ tumi a. Ɔluakɛ nyamenle biala ɛnle anwuma anzɛɛ aze mɔɔ kola yɛ ninyɛne mgbole nee nwanwane gyima kɛ wɔmɔ ala.

Mɛla 4:39

Zɔhane ati bɛnwu ye ɛnɛ na bɛva bɛzie bɛ ti anu kɛ Ɛdɛnkɛma a le Nyamenle wɔ anwuma nee azɛlɛ ti anu a; nyamenle bieko ɛnle ɛkɛ.

Mɛla 7:9

Bɛnwu ye kɛ Ɛdɛnkɛma bɛ Nyamenle ne le Nyamenle, nɔhalɛ Nyamenle ne mɔɔ sie ye ngyekyeleɛ, na ɔkulo bɛdabɛ mɔɔ bɛkulo ye na bɛdi ye mɛla zo la, kɔdwu awolɛndoazo apenle nwo zo,

1 Tɛs 2:12

Yɛzile yɛ ahonle, yɛkyekyele bɛ rɛle, na yɛhɔle zolɛ yɛmanle bɛ anwosesebɛ kɛ bɛbɔ ɛbɛla mɔɔ fɛta Nyamenle ne mɔɔ fɛlɛ bɛ kɛ bɛrɛla ye anyunlunyia Belemgbunlililɛ ne anu la.