2 Edk 6:13 - BAEBOLO ANZƐƐ BULUKU NWUANZANWUANZA

¹³ (Mekɛ ne anu ɛnee Sɔlɔmɔn ɛva kɔbele ɛbo sɛlɛdwee wɔ alie nwo ɛkɛ ne avinli. Sɛlɛdwee ne anwumahɔlɛ le asɛɛ mita ko nee foa yɛɛ ye tɛtɛlɛ nee ye tendenle sɛ; biala le mita nwiɔ nee ekyi. Ɔvole sɛlɛdwee ne azo mɔɔ awie biala nwu ye la na akee ɔhotole, ɔmanle ɔ sa zo anwuma.)

2 Edk 6:13 ပူးပေါင်းရင်းမြစ်များ

1 Arl 6:36

Bɛzile edwɛkɛlilɛ ɛleka wɔ Ɛzonlenlɛ Sua ne anyunlu na bɛliele nwolɛ bane bɛyiale. Sua ne bane ne mɔ, bɛvale awolɛ bɛdole ye fadum ɛhonlone nsa yɛɛ bɛvale sida mbaka bɛdoale zolɛ ɛhonlone ko.

1 Arl 7:12

Suakunlu ɛkɛ ne nee Ɛdɛnkɛma Ɛzonlenlɛ Sua ne findezo ekpumgbunli ne bane ne mɔ anwo, bɛyɛle bɛ mɔɔ saa awolɛ ngɛnlɛma ne mɔ pɛ ɛhonlone nsa a, sida ndaboa ne mɔ noko pɛ ɛhonlone ko. Zɔhane ala noko yɛɛ Ɛdɛnkɛma Ɛzonlenlɛ Sua ne atɛ ne anu de a.

1 Arl 8:54

Sɔlɔmɔn hotole Ɛdɛnkɛma azukponle ne anyunlu, ɔmanle ɔ sa zo anwuma, ɔdɛlɛle nuhua na yeazɛlɛ. Ɔwiele la ɔdwazole.

2 Edk 4:9

Bɛyɛle alie nwo ko bɛmanle sɛlɛvolɛma ne angome, wɔ awuke ne akunlu, yɛɛ bɛyɛle kpole kpalɛ ko wɔ awuke wienyi ne anu. Nlenkɛ mɔɔ duodua anuhɔlɛ ne mɔ mɔɔ wɔ alie nwo nwiɔ ne avinli la, bɛholole kɔbele bɛguale nwolɛ.

2 Edk 6:12

Akee Sɔlɔmɔn ragyinlanle azukponle ne anyunlu ɛkɛ ne wɔ mekɛ mɔɔ Yizilayɛma amuala wɔ ɛkɛ ne la, na ɔdɛlɛle ɔ sa nu ɔzɛlɛle.

Ɛzela Buluku ne 9:5

Ɔdwule nɔsolɛ azubɔlɛ mekɛ ne la, menvile ɛleka mɔɔ ɛnee mede melɛkye ɛhɔne ne la mendwazole, menvale me tɛladeɛ suosuanlera ne ala mengotole, mendɛlɛle me sa nu na menzɛlɛle Ɛdɛnkɛma me Nyamenle ne kɛ,

Nihɛmaya Buluku ne 1:4

Mɔɔ mendele edwɛkɛ ɛhye la, mendɛnlanle aze na menzunle menyele awolɛ kpalɛ na menlile nyane kenle dɔɔnwo; mengɔle zolɛ mengyele ɛhɔne menzɛlɛle Nyamenle

Nihɛmaya Buluku ne 8:4

Ɛzela gyinlanle sɛlɛdwee bie mɔɔ ayia ne ati bɛva ndaboa bɛbo la azo a gengale Mɛla ne a. Matetaya, Hyima, Anaya, Yulaya, Helekaya yɛɛ Meeyasaya gyinlanle ɔ sa fema zo, yɛɛ Pɛdaya, Maehyeeyɛle, Malekaya, Hahyɛm, Hahyebadeena, Zɛkalaya, yɛɛ Mɛhyɛlam gyinlanle ye bɛne zo.

Edwɛndolɛ Buluku ne 95:6

O bɛrɛla, bɛmaa yɛbɔ yɛ ti aze yɛzonle ye; bɛmaa yɛhoto Ɛdɛnkɛma, yɛ Bɔvolɛ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:29

Mosisi hanle kɛ, “Saa meye me nwo suakpole ye azo a, mebamaa me sa zo meazɛlɛ Ɛdɛnkɛma, na maanle nu ɛhululɛ ne bagyakyi, yɛɛ ezuawolɛ ne ɛnrɛdɔ bieko, amaa wɔanwu kɛ azɛlɛ ye le Ɛdɛnkɛma ɛdeɛ.

Daneɛle Buluku ne 6:10

Daneɛle nwunle kɛ bɛlie mɛla ne bɛdo nu na belemgbunli ɛva ɔ sa ɛwula ɔ bo la, ɔhɔle sua nu, ɔbukebukele ye nvɛnzɛlɛ ne mɔ mɔɔ kɔne Gyɛlusalɛm afoa nu la ɔguale nwolɛ, na kenle ko biala ɔhotole ɔzɛlɛle na ɔyɛle ye Nyamenle ne mo fane nsa, kɛmɔ ɛnee ɔyɛ ye dɛba ne la.

Edwɛkpa ne kɛmɔ Luku hɛlɛle la 22:41

Akee ɔvile bɛ nwo ɛkɛ ne ɔhɔle ɔ nyunlu ekyii na ɔhotole ɔzɛlɛle kɛ,

Ɛzoanvolɛma Gyima ne 20:36

Mɔɔ Pɔɔlo wiele la, ɔ nee bɛ bɛ muala bɛhotole na bɛyɛle nzɛlɛlɛ.

Ɛzoanvolɛma Gyima ne 21:5

Noko yɛ mekɛ mɔɔ yɛdi ye bɛ nwo ɛkɛ ne la wiele la, yɛvile ɛkɛ ne na yɛzɔle yɛ adendulɛ ne azo. Bɛ muala bɛ nee bɛ ye mɔ nee bɛ mra bɛhɔzɔhonle yɛ wɔ suakpole ne kandiba, na yɛ muala yɛhotole ɛnwea ne azo yɛyɛle nzɛlɛlɛ.