2 Edk 6:11 - BAEBOLO ANZƐƐ BULUKU NWUANZANWUANZA

¹¹ Meva Ngyekyeleɛ Ɛlɛka ne mezie Ɛzonlenlɛ Sua ne anu. Nuhua yɛɛ awolɛ ndɛbandɛba ne mɔɔ Ɛdɛnkɛma nee Yizilayɛma ngyekyeleɛ ne mɔɔ bɛyɛle la wɔ zolɛ la wɔ a.”

2 Edk 6:11 ပူးပေါင်းရင်းမြစ်များ

1 Arl 8:21

Eza meyɛ ɛleka wɔ Ɛzonlenlɛ Sua ne anu meva Ɛdɛnkɛma Ngyekyeleɛ Ɛlɛka ne mɔɔ awolɛ ndɛbandɛba ne mɔ wɔ nu la mezie ɛkɛ. Ɔ nee yɛ nlenya mɔ a yɛle ngyekyeleɛ ne wɔ mekɛ mɔɔ ɔyele bɛ ɔvile Yigyibiti la a.”

1 Arl 8:9

Debie gyɛne biala ɛnle ɛlɛka ne anu kɛ awolɛ ndɛbandɛba nwiɔ ne mɔɔ Mosisi vale guale nu wɔ Saenae Boka ne azo, ɛleka mɔɔ Ɛdɛnkɛma nee Yizilayɛma yɛle ngyekyeleɛ ne la ala. Bɛyɛle ngyekyeleɛ ne wɔ mekɛ mɔɔ bɛvi Yigyibiti bɛlɛba la.

2 Edk 5:10

Ɛhwee ɛnle Ɛlɛka ne anu kɛ awolɛ ndɛbandɛba nwiɔ ne mɔɔ Mosisi vale guale nu wɔ Hɔlɛbe la. Hɔlɛbe a Ɛdɛnkɛma nee Yizilayɛma yɛle ngyekyeleɛ ne a, wɔ mekɛ mɔɔ ɔyele bɛ ɔvile Yigyibiti la.

2 Edk 5:7

Akee sɛlɛvolɛma ne vale Ɛdɛnkɛma Ngyekyeleɛ Ɛlɛka ne raziele ɛleka mɔɔ bɛziezie bɛmaa ye wɔ Ɛzonlenlɛ Sua ne anu, wɔ Nwuanzanwuanza Nu Nwuanzaanwu Ɛleka ne, wɔ abɔdeɛ nwiɔ ne mɔɔ lɛ ndɛbalɛ la abo.

2 Edk 6:10

“Kɛkala, Ɛdɛnkɛma ɛli ye ɛwɔkɛ ne azo. Medame yɛɛ meli egya agya meli Yizilayɛ belemgbunli a, yɛɛ mezi Ɛzonlenlɛ Sua kɛ bɛzonle Yizilayɛ Ɛdɛnkɛma Nyamenle ne wɔ nu.

2 Edk 6:12

Akee Sɔlɔmɔn ragyinlanle azukponle ne anyunlu ɛkɛ ne wɔ mekɛ mɔɔ Yizilayɛma amuala wɔ ɛkɛ ne la, na ɔdɛlɛle ɔ sa nu ɔzɛlɛle.

Edwɛndolɛ Buluku ne 50:5

Ɔse, “Bɛboɔboa me menli nɔhavoma ne anloa, bɛmɛ a bɛbɔle azu bɛ nee me yɛle ngyekyeleɛ a!

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:20

Akee ɔvale awolɛ ndɛbandɛba nwiɔ ne ɔguale Ngyekyeleɛ Ɛlɛka ne anu. Ɔvale Ɛlɛka ne mbaka ne mɔ ɔwulowulale ye ngɛba ne mɔ anu na ɔvale ɔ ti ne ɔduale zolɛ.

Kɛlata mɔɔ bɛhɛlɛle bɛhɔmanle Hibuluma la 9:4

Ɛke yɛɛ ezukoa azukponle ne mɔɔ bɛkpu ɛyɛlɛ zo yɛɛ Ngyekyeleɛ Ɛlɛka ne mɔɔ bɛva ezukoa nvutuke bɛyɛ ye sɔɔnwo la wɔ a. Ezukoa dwora ne mɔɔ mana wɔ nu la gyi Ɛlɛka ne anu. Aalɔn baka ne mɔɔ kpakyele nya, nee awolɛ ndɛbandɛba nwiɔ ne mɔɔ bɛhɛlɛ mɛla ne zolɛ la wɔ Ɛlɛka ne anu.