2 Edk 6:10 - BAEBOLO ANZƐƐ BULUKU NWUANZANWUANZA

¹⁰ “Kɛkala, Ɛdɛnkɛma ɛli ye ɛwɔkɛ ne azo. Medame yɛɛ meli egya agya meli Yizilayɛ belemgbunli a, yɛɛ mezi Ɛzonlenlɛ Sua kɛ bɛzonle Yizilayɛ Ɛdɛnkɛma Nyamenle ne wɔ nu.

2 Edk 6:10 ပူးပေါင်းရင်းမြစ်များ

1 Arl 2:12

Sɔlɔmɔn lile ɔ ze Devidi agya na ye belemgbunlililɛ ne hɔle zolɛ.

1 Edk 17:11

Saa ɛwu a, mebamaa ɛ kunlu mralɛ mrenya ne mɔ ko ayɛ belemgbunli, na ye belemgbunlililɛ ne bayɛ kpole.

1 Edk 22:11

“Zɔhane ati, me ra, Ɛdɛnkɛma nee wɔ ɛdɛnla, amaa wɔahola wɔazi Ɛdɛnkɛma wɔ Nyamenle ne Ɛzonlenlɛ Sua ne wɔawie, kɛmɔ yeha ye wɔ ɛ nwo la.

1 Edk 28:5

Ɔmanle me mralɛ mrenya dɔɔnwo, na ɔnleanle nu ɔyele Sɔlɔmɔn kɛ yemɔ a ɔzie Yizilayɛ, Ɛdɛnkɛma ɔdaye ye belemgbunli maanle ne a.

1 Edk 29:15

O Ɛdɛnkɛma, ɛdawɔ ɛze kɛ yɛle nyɛvolɛ wɔ ɛbɛla ɛsɛlɛ ye azo na yɛle kɛ menli mɔɔ ɛra nlɔnu wɔ azɛlɛ ye azo a, kɛmɔ yɛ nlenya mɔ yɛle la. Yɛ mekɛ wɔ azɛlɛ ye azo le kɛ ɛlawolɛ mɔɔ ɛlɛse, ɔngyɛ ɛnee yepɛ nuhua.

1 Edk 29:23

Yemɔti Sɔlɔmɔn lile ɔ ze Devidi agya wɔ belemgbunli ebia ne mɔɔ Ɛdɛnkɛma ɔdaye yehyehyɛ la azo. Ɔyɛle belemgbunli kpole, na Yizilayɛma kɔsɔɔti yɛle tieyɛ manle ye.

2 Edk 1:1

Devidi ara Sɔlɔmɔn agyakɛ dwule aze na ɔ sa yiale ye belemgbunli maanle ne. Ɛdɛnkɛma ye Nyamenle ne nee ye luale na ɔmanle ɔyɛle sonlakpole.

2 Edk 6:11

Meva Ngyekyeleɛ Ɛlɛka ne mezie Ɛzonlenlɛ Sua ne anu. Nuhua yɛɛ awolɛ ndɛbandɛba ne mɔɔ Ɛdɛnkɛma nee Yizilayɛma ngyekyeleɛ ne mɔɔ bɛyɛle la wɔ zolɛ la wɔ a.”

2 Edk 6:9

Noko akee tɛ wɔmɔ yɛɛ ɛsi sua wɔamaa me a. Ɛ ra nrenya, ɛdawɔ ɛ kunlu ralɛ nrenya yɛɛ bazi sua ne amaa me a.’

Nolo 1:4

Awolɛndoazo ko kɔ, awolɛndoazo ko ba, noko kɛ ewiade ne de ala la a ɔde a.