2 Edk 5:5 - BAEBOLO ANZƐƐ BULUKU NWUANZANWUANZA

⁵ na bɛ nee ye rale Ɛzonlenlɛ Sua ne anu. Eza sɛlɛvolɛma ne nee Livaema ne mɔ yeyele Ɛdɛnkɛma Ndanlɛ Sua ne, bɛdudule nwolɛ debie biala na bɛvale bɛraguale Sua ne anu.

2 Edk 5:5 ပူးပေါင်းရင်းမြစ်များ

1 Arl 8:4

na bɛvale bɛvindele. Sɛlɛvolɛma ne nee Livaema ne mɔ yeyele Ndanlɛ Sua ne mɔɔ ɛnee bɛyia nu la nee nuhua ninyɛne nwuanzanwuanza ne mɔ amuala.

1 Arl 8:6

Akee sɛlɛvolɛma ne mɔ vale Ɛdɛnkɛma Ngyekyeleɛ Ɛlɛka ne raziele Ɛzonlenlɛ Sua ne Nwuanzanwuanza Nu Nwuanzaanwu Ɛleka ne wɔ abɔdeɛ nwiɔ ne mɔɔ lɛ ndɛbalɛ la abo.

2 Edk 1:3

Sɔlɔmɔn lile bɛ ti na ɔ nee menli ne hɔle Gebɛyɔn, ɔluakɛ ɛkɛ ne yɛɛ Ndanlɛ Sua ne mɔɔ bɛsonle Nyamenle wɔ nu, mɔɔ Ɛdɛnkɛma sonvolɛ Mosisi zile wɔ fienemgbole ne anu la wɔ a.

2 Edk 23:18

Na Gyɛhɔyada manle menli zinzale Ɛzonlenlɛ Sua ne na ɔvale bɛ ɔwulale sɛlɛvolɛma nee Livaema mɔɔ Devidi hyehyɛle kɛ bɛnlea Ɛzonlenlɛ Sua ne gyimayɛlɛ zo la asa anu. Akee ɔzele bɛ kɛ bɛbɔ ɛyelalɛ azu bɛmaa Ɛdɛnkɛma, kɛmɔ bɛhɛlɛ ye wɔ Mosisi mɛla ne anu la, na bɛdo edwɛne bɛmaa bɛ nye ɛlie, kɛmɔ Belemgbunli Devidi hyehyɛle la.

2 Edk 5:4

Mɔɔ mgbanyima ne mɔ amuala wiele yia la, akee Livaema ne hɔmanle Ngyekyeleɛ Ɛlɛka ne zo

2 Edk 5:6

Belemgbunli Sɔlɔmɔn nee Yizilayɛma amuala yiale Ngyekyeleɛ Ɛlɛka ne anyunlu ɛkɛ na bɛhunle mboane nee nlankɛ dɔɔnwo kpalɛ mɔɔ bɛngola bɛ tia la bɛbɔle azu.