2 Edk 5:2 - BAEBOLO ANZƐƐ BULUKU NWUANZANWUANZA

² Akee Belemgbunli Sɔlɔmɔn dole ɛsalɛ vɛlɛle mbusua ekpunli ekpunli ne mɔ mgbanyinli, Yizilayɛ mgbanyima, mbusua mgbanyinli mɔɔ gyigyi bɛ ze mɔ awuke ti la manle bɛ muala bɛrayiale Gyɛlusalɛm, kɛ bɛkava Ɛdɛnkɛma Ngyekyeleɛ Ɛlɛka ne wɔ Devidi Suakpole zo, Zayɔn bɛ nee ye ara Ɛzonlenlɛ Sua ne anu.

2 Edk 5:2 ပူးပေါင်းရင်းမြစ်များ

2 Sam 5:7

(Noko Devidi vale Zayɔn suakpole ne aranemgbole ne na bɛvɛlɛle ye “Devidi Suakpole.”)

2 Sam 6:12

Na bɛrahanle bɛhilele Belemgbunli Devidi kɛ, “Ɛdɛnkɛma ɛyila Obɛde Yidɔm, ye awuke nu amra nee debie biala mɔɔ ɔlɛ la, ɔboalekɛ Nyamenle Ngyekyeleɛ Ɛlɛka ne wɔ ye ɛkɛ.” Yemɔti Devidi vale fɛlɛkolilɛ hɔyele Nyamenle Ngyekyeleɛ Ɛlɛka ne vile Obɛde Yidɔm sua nu hɔle Devidi Suakpole zo.

1 Edk 15:1

Devidi sisile ɔdaye ɔ ti anwo azua wɔ Devidi Suakpole zo. Eza ɔzieziele ɛleka mɔɔ ɔbava Nyamenle Ngyekyeleɛ Ɛlɛka ne yeazie la, na ɔzile ndanlɛ sua wɔ ɛkɛ ne mɔɔ bɛbava Ɛlɛka ne bɛazie nu a.

1 Edk 15:12

Ɔzele Livaema ne mɔ kɛ, “Bɛmɛ a bɛle Livae mbusua mgbanyinli a, bɛzie bɛ nwo nwuanzanwuanza na bɛnlea bɛmaa bɛ mediema Livaema mɔɔ ɛha la ɛzie bɛ nwo nwuanzanwuanza na bɛhɔva Ɛdɛnkɛma, Yizilayɛ Nyamenle ne Ngyekyeleɛ Ɛlɛka ne bɛrazie ɛleka mɔɔ meziezie memaa ye la.

1 Edk 15:25

Yemɔti Belemgbunli Devidi, Yizilayɛ mbusua mgbanyinli, yɛɛ ɛlɔnema safohyenle mgbanyinli hɔle Obɛde Yidɔm sua nu kɛ bɛkava Ngyekyeleɛ Ɛlɛka ne, na ɔdɛlale ɛvoyialilɛ.

1 Edk 15:3

Akee Devidi boɔboale Yizilayɛma amuala anloa wɔ Gyɛlusalɛm kɛ bɛkava Nyamenle Ngyekyeleɛ Ɛlɛka ne bɛarazie ye ɛleka ne mɔɔ yeziezie yemaa ye la.

1 Edk 16:1

Bɛvale Ngyekyeleɛ Ɛlɛka ne bɛhɔziele ndanlɛ sua ne mɔɔ Devidi ɛzi ɛmaa ye la anu. Na bɛbɔle ɛyelalɛ azu nee anzonudwolɛ azu bɛmanle Nyamenle.

1 Edk 24:31

Abusua kpanyinli ne nee ɔ mediema ngakula ne mɔ ko a guale nzeleba hyɛle gyima ne a, kɛmɔ bɛ busuanli Aalɔn abo zo amra sɛlɛvolɛma ne yɛle la. Belemgbunli Devidi, Sɛlɛvolɛ Zeedɔko, Ahemɛlɛke, yɛɛ sɛlɛvolɛma mbusua mgbanyinli nee Livae mbusua mgbanyinli ne mɔ a nleanle manle bɛguale nzeleba ne bɛyɛle ngyehyɛlɛ ne a.

1 Edk 24:6

Saa bɛgua Ɛlieza abo zo amra ne mɔ ati nzeleba ko a, bɛgua Yetamaa ɔdaye ɔ bo zo amra ne mɔ ɛdeɛ ko. Livaenli kɛlɛhɛlɛvolɛ Nɛtanɛle ara Hyɛmaya a kɛlɛhɛlɛ bɛ aluma wɔ buluku nu sie a. Belemgbunli Devidi safohyenle mgbanyinli, sɛlɛvolɛ Zeedɔko, Abayata ara Ahemɛlɛke, yɛɛ sɛlɛvolɛ mbusua ekpulike ekpulike ne mɔ mgbanyinli nee Livae mbusua mgbanyinli a nleanle lile nwolɛ daselɛ manle bɛyɛle a.

1 Edk 26:26

Hyɛlomete nee ye awuke nu amra a nea ninyɛne mɔɔ Belemgbunli Devidi, mbusua mgbanyinli, safohyenlema mɔɔ nea ɛlɔnema apenle nee ɛya nwo zo, yɛɛ Safohyenlema Mgbanyinli ɛdu ɛzie ɛkɛ ɛmaa Nyamenle la a.

1 Edk 28:1

Belemgbunli Devidi akee yɛle kɛ Yizilayɛ mgbanyima kɔsɔɔti ɛrayia Gyɛlusalɛm. Yemɔti mbusua ekpunli ekpunli ne mɔ mgbanyinli, mgbanyima mɔɔ maanle ne anu gyima nwo amaamuo wɔ bɛ sa nu, mbusua mgbanyinli, bɛdabɛ mɔɔ bɛnea belemgbunli nee ɔ mra ne mɔ nyɛmoa nee gya zo, suakunlu ɛkɛ ne mgbanyima kɔsɔɔti, safohyenle mgbanyinli mɔɔ nea ɛlɔnema apenle nee ɛlɔnema ɛya nwo zo, yɛɛ maanle ne anu adile adile rayiale Gyɛlusalɛm.

2 Edk 1:4

(Belemgbunli Devidi ɛnee ɛva Nyamenle Ngyekyeleɛ Ɛlɛka ne ɛvi Keleate Gyialem ɛra Ndanlɛ Sua ne mɔɔ yezi yemaa ye wɔ Gyɛlusalɛm la anu.)

2 Edk 5:1

Mɔɔ Belemgbunli Sɔlɔmɔn wiele Ɛzonlenlɛ Sua ne anwo gyima biala di la, ɔvale ninyɛne mɔɔ ɔ ze Devidi ɛdu ɛzie ɛkɛ ɛmaa Ɛdɛnkɛma la: dwɛtɛ fufule, ezukoa nvutuke, nee ninyɛne mɔɔ ɛha la amuala ɔhɔziele Ɛzonlenlɛ Sua ne ekpumgbunli ne mɔ mɔɔ bɛfa ninyɛne bɛsie nu la anu.

Edwɛndolɛ Buluku ne 2:6

Ɔse, “Wɔ Zayɔn, me boka nwuanzanwuanza ne azo, yɛɛ mezie me belemgbunli ne a.”

Edwɛndolɛ Buluku ne 87:2

Ɛdɛnkɛma kulo Zayɔn nlenkɛ mgbole ne mɔ tɛla ɛleka biala mɔɔ wɔ Yizilayɛ la.

Sɛlɛ 9:5

Na bɛvale ninyɛne mɔɔ Mosisi zele bɛ kɛ bɛsesa la bɛrale Ɛdɛnkɛma Ndanlɛ Sua ne anyunlu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:33

Mɔɔ menli ne vile boka nwuanzanwuanza Saenae la, bɛdiale kenle nsa adenle. Ɛdɛnkɛma Ngyekyeleɛ Ɛlɛka ne lumuale bɛ nyunlu kenle nsa kɛ ɔkakpondɛ ɛleka mɔɔ bɛbadɛnla la yeamaa bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:36

Mekɛ biala noko mɔɔ amungu ne kɛgyinla la, ɔka kɛ, “O Ɛdɛnkɛma, sia bɛla Yizilayɛma mgbe mgbe ne mɔ avinli.”