2 Edk 5:11 - BAEBOLO ANZƐƐ BULUKU NWUANZANWUANZA

^11-14 Sɛlɛvolɛma mɔɔ rale la amuala dule bɛ nwo manle Ɛdɛnkɛma, bɛandwenle bɛ ekpunli ngakyile ne mɔ anwo. Akee Livae edwɛndolɛma mɔɔ le Esafe, Himan, nee Gyɛdutɛn, nee bɛ mbusuafoɔ ne mɔ amuala wulowulale adɛladeɛ fufule. Edwɛndolɛma ɛhye mɔ gyinlanle azukponle ne aduduleɛ afoa nu, bɛdedɛ sɔnwosɔnwo nee getaa, yɛɛ sɛlɛvolɛma ɛya ko abulanwiɔ ɛlɛbɔ aweɛne ndendenle. Aweɛnebɔlɛ ne, sɔnwosɔnwobɔlɛ ne, nee ninyɛne mɔɔ ɛha la nee edwɛndolɛ ne kɔ zolɛ pɛpɛ, na bɛyele Ɛdɛnkɛma ayɛlɛ kɛ, “Bɛye Ɛdɛnkɛma ayɛlɛ, ɔboalekɛ ɔle kpalɛ, yɛɛ ye ɛhulolɛ ɛmbɔ aze ɛlɛ.” Mɔɔ sɛlɛvolɛma ne vi Ɛzonlenlɛ Sua ne anu ɛlɛfinde la, arɛlevilɛ nu ala, amungu nwohyee rayile sua ne na ɔmanle Ɛdɛnkɛma anyunlunyia dale hilele kɛ Ɛdɛnkɛma wɔ ɛkɛ. Na sɛlɛvolɛma ne angola bɛ gyima ne di bieko.

2 Edk 5:11 ပူးပေါင်းရင်းမြစ်များ

1 Edk 15:14

Na sɛlɛvolɛma ne nee Livaema ne ziele bɛ nwo nwuanzanwuanza, amaa bɛahɔva Yizilayɛ Ɛdɛnkɛma Nyamenle ne Ngyekyeleɛ Ɛlɛka ne.

2 Edk 29:15

Menli ɛhye mɔ boɔboale bɛ sa zo ne mɔ anloa, bɛnluanle bɛ nwo, na kɛmɔ Ɛdɛnkɛma anloa edwɛkɛ ne mɔɔ belemgbunli ne hanle hilele bɛ la se la, bɛhɔle kɛ bɛkanlua Ɛdɛnkɛma Ɛzonlenlɛ Sua ne.

2 Edk 29:34

Na kɛmɔ sɛlɛvolɛma ne anwo anzo la ati, ɛnee bɛngola ɛyelalɛ azubɔlɛ ninyɛne ne mɔ anwo gyima di. Yemɔti bɛmanle Livaema ne boale bɛ toonwo ɔhɔdwule kɛ gyima ne wiele na sɛlɛvolɛma mɔɔ ɛha la noko nluanle bɛ nwo la; nɔhalɛ, ɛnee Livaema ne ahonle nu te wɔ bɛ nwo ɛnluanlɛ ne anu tɛla sɛlɛvolɛma ne.

2 Edk 29:5

na ɔzele bɛ kɛ, “Livaema, bɛdie me! Bɛdu bɛ nwo bɛmaa Nyamenle, na bɛnlua Ɛdɛnkɛma, bɛ ze mɔ Nyamenle ne Ɛzonlenlɛ Sua ye, na bɛdu nuhua evinli ne kɔsɔɔti.

2 Edk 30:15

Akee bɛhunle Akpabɛnwo boane ne wɔ siane nwiɔ ne kenle bulu nee nna ne azo. Nyiane hunle sɛlɛvolɛma nee Livaema ne mɔɔ ɛnee anwo ɛnde la kpole, na ɔlua zolɛ bɛdabɛ noko bɛnluanle bɛ nwo, na bɛvale ɛyelalɛ azubɔlɛ ninyɛne ne mɔ bɛrale Ɛdɛnkɛma Ɛzonlenlɛ Sua ne anu.

2 Edk 35:4

Bɛboɔboa bɛ nloa wɔ bɛ ekpunli ekpunli ne mɔ anu, kɛmɔ bɛ ze mɔ mbusua ne mɔ de la, na bɛyɛ bɛ gyima ne, kɛmɔ Yizilayɛ Belemgbunli Devidi nee ɔ ra Sɔlɔmɔn hyehyɛle dole ɛkɛ ne la.

2 Edk 35:6

Bɛhu Akpabɛnwo mboane ne mɔ na bɛnlua bɛ nwo, na bɛboa bɛ mediema ne mɔ bɛmaa bɛyɛ Ɛdɛnkɛma edwɛkɛ ne mɔɔ ɔluale Mosisi anwo zo ɔhanle la.”

Dwobu Buluku ne 1:5

Saa bɛto ɛkponle ne toonwo na ɔyia bɛ ti a, Dwobu fɛlɛ bɛ na ɔnua bɛ. Ɔdwazo aleɛbahye na ɔbɔ bɛ ti ngoko ɔfa nane ɔyela ɔbɔ azu, ɔluakɛ Dwobu edwɛkɛ a le kɛ, “Wɔannea a ɛnee me mra ne mɔ ɛyɛ ɛtane wɔ bɛ ahonle nu na bɛdendɛ ɛtane bɛtia Nyamenle.” Dwobu yɛle ɛhye mekɛ biala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:10

Na Ɛdɛnkɛma zele Mosisi kɛ, “Kɔ na kɔnlua menli ne ɛnɛ nee ɛhyema, bɛkpo bɛ nwo ninyɛne,