2 Edk 5:1 - BAEBOLO ANZƐƐ BULUKU NWUANZANWUANZA

¹ Mɔɔ Belemgbunli Sɔlɔmɔn wiele Ɛzonlenlɛ Sua ne anwo gyima biala di la, ɔvale ninyɛne mɔɔ ɔ ze Devidi ɛdu ɛzie ɛkɛ ɛmaa Ɛdɛnkɛma la: dwɛtɛ fufule, ezukoa nvutuke, nee ninyɛne mɔɔ ɛha la amuala ɔhɔziele Ɛzonlenlɛ Sua ne ekpumgbunli ne mɔ mɔɔ bɛfa ninyɛne bɛsie nu la anu.

2 Edk 5:1 ပူးပေါင်းရင်းမြစ်များ

2 Sam 8:11

Belemgbunli Devidi dule ahyɛlɛdeɛ ne nee mɔɔ ɔnyianle bɛ wɔ maanle maanle mɔɔ ɔlile bɛ nwo zo konim la anu la manle Ɛdɛnkɛma.

1 Arl 7:39

Ɔvale kɔbele ehwili ne mɔ anu nnu ɔzieziele Ɛzonlenlɛ Sua ne foa ko mɔɔ kɔne ɛnweazo la, yɛɛ ɔvale nnu ɔzieziele mɔɔ kɔne ɛbɔ nu afoa nu la. Akee ɔvale kɔbele angola ne ɔziele Ɛzonlenlɛ Sua ne aduduleɛ-nyiakɛ.

1 Arl 7:51

Mɔɔ Belemgbunli Sɔlɔmɔn wiele Ɛzonlenlɛ Sua ne anwo debie biala yɛ la, ɔvale ninyɛne mɔɔ ɔ ze Devidi ɛva ɛgua ɛkɛ ɛmaa Ɛdɛnkɛma la amuala ɔhɔziele ekpumgbunli ne mɔ mɔɔ wɔ Ɛzonlenlɛ Sua ne anu la bie mɔ anu. Ɛhye mɔ le dwɛtɛ fufule, ezukoa nvutuke, nee ninyɛne dɔɔnwo bie.

1 Edk 18:11

Belemgbunli Devidi dule ninyɛne ɛhye mɔ ziele ahane kɛ bɛva bɛboka ezukoa nvutuke nee dwɛtɛ fufule mɔɔ ɔzale maanle maanle mɔɔ ɔlile bɛ nwo zo konim la ɔliele la anwo bɛva bɛzonle Nyamenle. Ɔliele ezukoa nvutuke ne nee dwɛtɛ fufule ne mɔ ɔvile maanle maanle ɛhye mɔ ɛkɛ: Yidɔm, Mowabe, Amɔn, Filisitia, yɛɛ Amalɛke.

1 Edk 22:14

Mɔɔ fane Ɛzonlenlɛ Sua ne ɛzilɛ nwo, mebɔ mɔdenle mezie ezukoa nvutuke ala mɔɔ ɛsuzu a ɔto tone nu tɔno apenle nsa, ɛya nna, yɛɛ dwɛtɛ fufule tɔno apenle ngoko abulasa nee nna. Ɛye ɛhye ɛsie ahane a, kɔbele nee mbulalɛ dɔɔnwo wɔ ɛkɛ mɔɔ ɛmbangyia bieko anwo a. Melɛ mbaka nee awolɛ, noko ɔwɔ kɛ ɛkpondɛ bie dɔɔnwo ɛboka nwolɛ.

2 Edk 4:22

mbaka mɔɔ bɛfa bɛnua ahɛnlaneɛ, ahyɛnze akunlu kuloonwu, ɛyɛba mɔɔ bɛyela ɛyɛlɛ wɔ nu, yɛɛ ahyɛnze mɔɔ bɛfa bɛfula samɛnlankɛ la. Bɛvale ezukoa nvutuke kpalɛ a bɛyɛle ninyɛne ɛhye mɔ a. Ɛzonlenlɛ Sua ne findezo nlenkɛ ne mɔ nee Nwuanzanwuanza Nu Nwuanzaanwu Ɛleka ne anlenkɛ ne, bɛholole ezukoa nvutuke bɛguale nwolɛ.