2 Edk 4:1 - BAEBOLO ANZƐƐ BULUKU NWUANZANWUANZA

¹ Belemgbunli Sɔlɔmɔn manle bɛyɛle kɔbele azukponle mɔɔ ye tɛtɛlɛ nee ye tendenle sɛ la. Ye tɛbanu ko biala le mita ngɔnla, yɛɛ ye anwumahɔlɛ le mita nna nee foa ko.

2 Edk 4:1 ပူးပေါင်းရင်းမြစ်များ

1 Arl 8:22

Akee Belemgbunli Sɔlɔmɔn gyinlanle Ɛdɛnkɛma azukponle ne anyunlu, ɔhakyile ɔ nye wɔ Yizilayɛma amuala anwo na ɔmanle ɔ sa zo

1 Arl 8:64

Kenle ko ne ala eza Sɔlɔmɔn bukele alie wienyi ne mɔɔ la Ɛzonlenlɛ Sua ne anyunlu la. Ɛkɛ ne noko, ɔyelale nane ɛnlome ɔbɔle azu yɛɛ ɔbɔle anzonudwolɛ azu. Ɔboalekɛ kɔbele azukponle ne mɔɔ wɔ Ɛdɛnkɛma Ɛzonlenlɛ Sua ne anu la le ekyi maa ninyɛne ne mɔ.

1 Arl 9:25

Ɛvolɛ biala Sɔlɔmɔn ku nane yela bɛ bɔ azu na ɔbɔ anzonudwolɛ azu fane nsa ɔmaa Ɛdɛnkɛma wɔ ye azukponle ne mɔɔ yezi la azo. Eza ɔyelale ɛyɛlɛ noko ɔmanle Ɛdɛnkɛma. Ɛnee kɛ Sɔlɔmɔn zile yɛle sua ne anwo gyima dwulale la ɛne.

2 Edk 1:5

Eza kɔbele azukponle ne mɔɔ Huuli ara Yulae ara Bɛzalii zile ziele Ɛdɛnkɛma Ndanlɛ Sua ne anyunlu wɔ Gebɛyɔn la tɛbɔ ɛkɛ. Na Sɔlɔmɔn nee menli ne amuala zonlenle Ɛdɛnkɛma wɔ ɛkɛ.

2 Edk 15:8

Mɔɔ Belemgbunli Esa dele Nyamenle kpɔmanvolɛ Azalaya Nyamenle nrɛlaleɛ ne la, ɔzile ahonle na ɔmanle bɛyeyele mmonle mɔɔ wɔ Dwuda nee Bɛngyaman maanzinli ne mɔ anu la amuala, nee azuamgbole mɔɔ yeho yeva bɛ wɔ Yifelaem awoka ne mɔ azo lɔ la amuala azo. Akee ɔyɛle Ɛdɛnkɛma azukponle ne mɔɔ wɔ Ɛdɛnkɛma Ɛzonlenlɛ Sua ne anyunlu ɛkɛ ne la boɛ.

2 Edk 29:18

Akee bɛhɔle Belemgbunli Hɛzikaya ɛkɛ ne na bɛhɔhanle bɛhilele ye kɛ, “Yɛnlua Ɛzonlenlɛ Sua ne yɛwie, yɛnlua ɛyelalɛ azukponle ne nee nwolɛ ahyɛnze nee dwora ne mɔ amuala, yɛɛ ɛkponle ne mɔɔ bɛfa kpanwo nwuanzanwuanza ne bɛgua zolɛ la nee nwolɛ ahyɛnze ne mɔ amuala.

2 Edk 7:7

Akee Sɔlɔmɔn dule Ɛdɛnkɛma Ɛzonlenlɛ Sua ne anyunlu alie ne anwo avinli ɛkɛ ne manle Nyamenle, na ɔbɔle nane mumua ɛyelalɛ, ma ɛyelalɛ, nee anzonudwolɛ azubɔdeɛ ne mɔ ɛnlome azu wɔ ɛkɛ, ɔboalekɛ ɛnee ɛyelalɛ azubɔlɛ ninyɛne ne, ma azubɔdeɛ ne, nee nane ɛnlome azubɔdeɛ ne mɔ ɛnzo kɔbele azukponle ne mɔɔ Sɔlɔmɔn zile la azo.

2 Edk 8:12

Sɔlɔmɔn bɔle ɛyelalɛ azu wɔ Ɛdɛnkɛma azukponle ne mɔɔ yezi ye wɔ Ɛzonlenlɛ Sua ne anyunlu ɛkɛ ne la azo manle Ɛdɛnkɛma.