2 Edk 36:5 - BAEBOLO ANZƐƐ BULUKU NWUANZANWUANZA

⁵ Gyɛhɔyakem lile ɛvolɛ abulanwiɔ nee nnu la yɛɛ ɔbɔle ɔ bo kɛ ɔdi belemgbunli a. Ɔdɛnlanle Gyɛlusalɛm, yɛɛ ɔlile ebia ne ɛvolɛ bulu nee ko. Ɛbɛla mɔɔ ɔbɔle la anzɔ Ɛdɛnkɛma ye Nyamenle ne anye.

2 Edk 36:5 ပူးပေါင်းရင်းမြစ်များ

Gyɛlɛmaya Buluku ne 1:3

Ɛdɛnkɛma dendɛle hilele Gyɛlɛmaya bieko wɔ Belemgbunli Gyɛhɔyakem mɔɔ le Dwuda Belemgbunli Dwosaya ara ne mekɛ zo. Ɔdendɛle ɔhilele ye toonwo Belemgbunli Zɛdikaya mɔɔ le Dwuda Belemgbunli Dwosaya ara ne lile ɛvolɛ bulu nee ko wɔ ebia zo, na bɛhyele Gyɛlusalɛmma nuokɛ bɛhɔle nlɔnu wɔ siane nnu ne anu la.

Gyɛlɛmaya Buluku ne 26:1

Mekɛ mɔɔ Dwuda Belemgbunli Dwosaya ara Gyɛhɔyakem bɔle ye belemgbunli ɛlilɛ bo la,

Gyɛlɛmaya Buluku ne 35:1

Ɛdɛnkɛma dendɛle hilele me wɔ mekɛ mɔɔ Dwuda Belemgbunli Dwosaya ara nrenya Gyɛhɔyakem de ebia ne azo la. Ɔse,

Gyɛlɛmaya Buluku ne 36:1

Mɔɔ Dwuda Belemgbunli Dwosaya ara nrenya Gyɛhɔyakem lile ɛvolɛ nna wɔ ebia zo la Ɛdɛnkɛma hanle nrɛlaleɛ ɛhye hilele Gyɛlɛmaya.

Gyɛlɛmaya Buluku ne 45:1

Dwuda Belemgbunli Gyɛhɔyakem, Dwosaya ara nrenya ne lile ɛvolɛ nna wɔ ebia ne azo la, Gyɛlɛmaya hanle edwɛkɛ manle Nilaya ara nrenya Bɛlɛke hɛlɛle wɔ buluku nu.

Daneɛle Buluku ne 1:1

Belemgbunli Nɛbukadenɛza mɔɔ vi Babelonia la vale ɛlɔne rabɔle yiale Gyɛlusalɛm wɔ mekɛ mɔɔ ɛnee Dwuda Belemgbunli Gyɛhɔyakem ɛli ɛvolɛ nsa wɔ ebia ne azo la.

Daneɛle Buluku ne 1:2

Na Awulae yele Belemgbunli Gyɛhɔyakem manle Nɛbukadenɛza lile ɔ nwo zo konim na ɔsesale Ɛzonlenlɛ Sua ne anu ninyɛne ne mɔ bie ɔhɔle. Ɔvale ninyɛne ne mɔ ɔhɔle Hyaenaa na ɔhɔguale bɛ ye bozonle ne abo.