2 Edk 35:3 - BAEBOLO ANZƐƐ BULUKU NWUANZANWUANZA

³ Akee ɔzele Livaema ne mɔɔ bɛmɛ bɛle menli mɔɔ bɛ nwo te wɔ Ɛdɛnkɛma anyunlu, na bɛkilehile Yizilayɛma la kɛ, “Bɛva Ɛdɛnkɛma Ngyekyeleɛ Ɛlɛka nwuanzanwuanza ne bɛzie sua ne mɔɔ Yizilayɛ Belemgbunli Devidi ara Sɔlɔmɔn zile la anu. Ɔngyia kɛ bɛkɛzoa ye bɛ kɔme zo bieko. Akee bɛbɔ mɔdenle bɛzonle Ɛdɛnkɛma bɛ Nyamenle ne nee ye menli Yizilayɛma amuala.

2 Edk 35:3 ပူးပေါင်းရင်းမြစ်များ

1 Edk 23:26

Yemɔti ɔngyia kɛ eza Livaema ne kɛzoa Ɛdɛnkɛma Ndanlɛ Sua ne nee ninyɛne mɔɔ bɛfa bɛyɛ ɛzonlenlɛ la kɛkpɔsa.”

2 Edk 17:7

Mɔɔ Gyɛhɔhyafate lile ɛvolɛ nsa wɔ ebia ne azo la, ɔzoanle ye mgbanyima Bɛneheli, Obadaya, Zɛkalaya, Nɛtaniile, yɛɛ Maekaya kɛ bɛhɔhilehile wɔ Dwuda azuamgbole ne mɔ azo.

2 Edk 30:22

Na Hɛzikaya yele Livaema ne mɔɔ hilele bɛ mɔdenlebɔ wɔ Ɛdɛnkɛma ɛzonlenlɛ ne anu la ayɛlɛ. Menli ne lile Akpabɛnwo Ɛvoyia ne toonwo kenle nsuu, bɛbɔle anzonudwolɛ azu na bɛyɛle Ɛdɛnkɛma, bɛ ze mɔ Nyamenle ne mo.

2 Edk 34:14

Mɔɔ bɛye ezukoa ne mɔɔ bɛva bɛra Ɛdɛnkɛma Ɛzonlenlɛ Sua ne anu bɛavinde la, Sɛlɛvolɛ Kpanyinli Helekaya nwunle buluku ne mɔɔ Ɛdɛnkɛma Mɛla ne mɔɔ ɔluale Mosisi anwo zo ɔvale ɔmanle la wɔ nu la.

2 Edk 5:7

Akee sɛlɛvolɛma ne vale Ɛdɛnkɛma Ngyekyeleɛ Ɛlɛka ne raziele ɛleka mɔɔ bɛziezie bɛmaa ye wɔ Ɛzonlenlɛ Sua ne anu, wɔ Nwuanzanwuanza Nu Nwuanzaanwu Ɛleka ne, wɔ abɔdeɛ nwiɔ ne mɔɔ lɛ ndɛbalɛ la abo.

2 Edk 8:11

Sɔlɔmɔn vale Yigyibiti belemgbunli ne ara raalɛ ne mɔɔ ɛnee yegya ye la rale Devidi suakpole zo wɔ sua ne mɔɔ yezi yemaa ye la anu. Ɔzele kɛ, “Ɔnle kɛ me ye tɛnla awuke ne mɔɔ Yizilayɛ Belemgbunli Devidi ɛbu la anu, ɔluakɛ ɛleka biala mɔɔ Ɛdɛnkɛma Ngyekyeleɛ Ɛlɛka ne ɛhɔ ɛlɛ la le nwuanzanwuanza.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:29

Na Mosisi hanle kɛ, “Ɛnɛ, awie biala ɛva ɔ ra nrenya nee ɔ diema mogya ɛnlua ɔ nwo ɛwula ɔ nwo sɛlɛvolɛ wɔ Ɛdɛnkɛma ɛzonlenlɛ nu, amaa Ɛdɛnkɛma awola ye nyilalɛ agua bɛ nwo zo.”

Malakae Buluku ne 2:7

Ɔluakɛ ɔwɔ kɛ ndelebɛbo finde sɛlɛvolɛ biala anloa edwɛkɛ nu, yɛɛ ɔwɔ kɛ menli fa ɛzukoalɛdeɛ wɔ ye ɛdendɛlɛ nu, ɔboalekɛ ɔle Tumivolɛ Ɛdɛnkɛma soanvolɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:19

Meye Livaema mevi Yizilayɛma anu meva bɛ mehyɛ Aalɔn nee ɔ mra mrenya kɛ bɛyɛ gyima bɛmaa Yizilayɛma ne wɔ Ndanlɛ Sua ne anu, amaa saa ngyengyene nu bie menli ne bikye Ɛleka Nwuanzanwuanza ne a, bɛayɛ mgbɔdalɛ nzɛlɛlɛ bɛakpa ewulenzane mɔɔ anrɛɛ kɛra bɛ nwo zo la bɛagua.”

2 Kɔl 4:5

Yɛmbɔ yɛdayɛ yɛ ngome yɛ nwo nolo; yɛbɔ Gyisɛse Kelaese anwo nolo kɛ ɔle Awulae, yɛɛ Gyisɛse ati yɛmɛ yɛle bɛmɛ bɛ sonvolɛma.

Mɛla 33:10

Bɛbahilehile Gyekɔbo abo zo amra wɔ ngyehyɛlɛ ne mɔ; bɛahilehile Yizilayɛma wɔ mɛla ne mɔ; bɛbakpu ɛyɛlɛ bɛamaa wɔ, bɛayela nane mumua bɛabɔ azu bɛamaa wɔ.