2 Edk 34:8 - BAEBOLO ANZƐƐ BULUKU NWUANZANWUANZA

⁸ Mɔɔ Belemgbunli Dwosaya lile ɛvolɛ bulu nee mɔtwɛ wɔ ebia ne azo, mɔɔ ɛnee yedu awozonle ɛzonlenlɛ bo wɔ maanle ne anu nee Ɛzonlenlɛ Sua ne anu la, ɔyele menli nsa kɛ bɛyɛ Ɛdɛnkɛma Ɛzonlenlɛ Sua ne boɛ. Bɛmɛ a le Azalaya ara Hyeefan, Meeyasaya, mɔɔ le suakpole ne amɛnlado ne, yɛɛ Dwowahaze ara Dwowaa, mɔɔ le abɔlɔba kpanyinli wɔ belemgbunli suakunlu ɛkɛ ne la.

2 Edk 34:8 ပူးပေါင်းရင်းမြစ်များ

2 Sam 20:24

Adɔlam nea menli mɔɔ yɛ akɛlɛ gyima la anwo zo; Ahaelɛde ara Gyɛhɔhyafate kɛlɛhɛlɛ edwɛkɛ mɔɔ kɛsisi la.

2 Sam 8:16

Zɛluaya ara Dwowabe a nea ɛlɔnema ne anwo zo a; Gyɛhɔhyafate mɔɔ ɔ ze a le Ahaelɛde la a le maanle ne kɛlɛhɛlɛvolɛ a;

1 Edk 18:15

Abehyae adiema Dwowabe a le ɛlɔnema ne safohyenlema kpanyinli a. Ahaelɛde ara Gyɛhɔhyafate le kɛlɛhɛlɛvolɛ, ɔnea ɛlɔnema ne ninyɛne zo.

2 Edk 18:25

Yizilayɛ Belemgbunli Ehabe zele kɛ, “Bɛhye Maekaya na bɛva ye bɛhɔmaa Emɔn, mɔɔ le suakpole ye amɛnlado ne, nee belemgbunli ara Dwowahye;

2 Edk 24:12

Na belemgbunli ne nee Gyɛhɔyada vale ezukoa ne manle bɛdabɛ mɔɔ bɛnea Ɛdɛnkɛma Ɛzonlenlɛ Sua ne anwo gyimayɛlɛ zo la. Bɛdabɛ noko bɛvale ezukoa ne bɛbɔle kapentama nee belekyama, yɛɛ akee menli mɔɔ ze mbulalɛ nee kɔbele adwinli di la ɛkpa bɛmanle bɛyɛle Ɛdɛnkɛma Ɛzonlenlɛ Sua ne boɛ.

2 Edk 24:5

Ɔmanle sɛlɛvolɛma ne nee Livaema ne mɔ rayiale na ɔzele bɛ kɛ, “Bɛhɔ Dwuda azuamgbole ne mɔ azo, bɛhɔlielie ezukoa mɔɔ kɛza la bɛrɛla na ɛvolɛ biala bɛava bɛayɛ bɛ Nyamenle ne Ɛzonlenlɛ Sua ne boɛ. Bɛmaa ɛhye ɛhyia bɛ na bɛyɛ ye ndɛndɛ.” Noko ɛhye angyia Livaema ne.

Gyɛlɛmaya Buluku ne 21:1

Dwuda Belemgbunli Zɛdikaya zoanle Malekaya ara nrenya Pahyɛ nee Sɛlɛvolɛ Zɛfanaya, Meeyasaya ara nrenya ne wɔ Gyɛlɛmaya anwo ɛkɛ bɛhɔzele ye kɛ,

Gyɛlɛmaya Buluku ne 25:3

“Ye ɛvolɛ abulanwiɔ nee nsa ɛne, ɔvi mekɛ mɔɔ bɛvale Emɔn ara nrenya Dwosaya bɛziele belemgbunli wɔ Dwuda la, ye ɛvolɛ bulu nee nsa ne azo, yɛɛ Ɛdɛnkɛma dendɛle hilele me a, na meha mehile bɛ toonwo a yeradwu ɛnɛ a, noko bɛandie.

Gyɛlɛmaya Buluku ne 26:24

Na Hyeefan ara nrenya Ahaekam gyinlanle Gyɛlɛmaya anzi, yemɔti bɛanye ye bɛammaa menli ne kɛ bɛhu ye.

Gyɛlɛmaya Buluku ne 29:21

“Medame Tumivolɛ Ɛdɛnkɛma, Yizilayɛ Nyamenle ne, meha ɛhye noko wɔ Kolaya ara nrenya Ehabe nee Meeyasaya ara nrenya Zɛdikaya mɔɔ ɛlɛfa me duma aha adalɛ Nyamenle nrɛlaleɛ la anwo. Mese, bɛnlea, mebaye bɛ meamaa Babelonia Belemgbunli Nɛbukadenɛza, na ɔbahu bɛ wɔ bɛdabɛ bɛ nye zo.

Gyɛlɛmaya Buluku ne 29:3

Hyeefan ara nrenya Ɛleesa nee Helekaya ara nrenya Gɛmalaya a vale kɛlata ne hɔle a. Ɛnee Dwuda Belemgbunli Zɛdikaya ɛzoa bɛ Belemgbunli Nɛbukadenɛza anwo ɛkɛ wɔ Babelonia. Kɛlata ne se:

Gyɛlɛmaya Buluku ne 36:10

Na Bɛlɛke gengale Gyɛlɛmaya edwɛkɛ ne mɔɔ wɔ nwoma ne anu la hilele menli mɔɔ rayiale Ɛdɛnkɛma Ɛzonlenlɛ Sua ne anu la amuala. Ɔgengale ye wɔ kɛlɛhɛlɛvolɛ Hyeefan ara nrenya Gɛmalaya ekpumgbunli ɛdeɛ ne anu a ɔhilele bɛ a. Sua ekpumgbunli zɔhane wɔ Ɛdɛnkɛma Ɛzonlenlɛ Sua ne Anlenkɛ Kpole Fofolɛ ne anwuma.

Gyɛlɛmaya Buluku ne 39:14

zoanle manle bɛhɔvale Gyɛlɛmaya wɔ Nɛbuzaladan, sinzavolɛma sua nu ɛkɛ bɛhɔmanle bɛ. Bɛvale ye bɛwulale Hyeefan anlɔnra Gɛdalaya, Ahaekam ara nrenya ne asa anu kɛ ɔva ye ɔhɔ sua nu, na ɔnlea ye. Yemɔti ɔ nee menli ne mɔ dɛnlanle.

Gyɛlɛmaya Buluku ne 40:11

Dwuuma mɔɔ wɔ Mowabe, Amɔn, Yidɔm, yɛɛ maanle gyɛne gyɛne nu la dele kɛ Babelonia belemgbunli ne ɛmaa Dwuuma bie mɔ ɛha Dwuda maanle ne anu na yeyɛ Gɛdalaya amɛnlado kɛ ɔnlea bɛ nwo zo.

Yizikeɛle Buluku ne 8:11

Yizilayɛ mgbanyima abulasuu gyigyi ɛkɛ ne, na Hyeefan ara Gyeeyazanaya boka bɛ. Ko biala lɛ ɛyɛlɛ siase ɔ sa nu, na ɛyɛlɛ ne esike ne ɛlɛkpu ahɔ anwuma.