2 Edk 34:2 - BAEBOLO ANZƐƐ BULUKU NWUANZANWUANZA

² Ɔyɛle mɔɔ sɔ Ɛdɛnkɛma anye la, na ɔvale ɔ ze Devidi agyakɛ. Yeangyea ɔ nye yeangɔ fema anzɛɛ bɛne zo.

2 Edk 34:2 ပူးပေါင်းရင်းမြစ်များ

1 Arl 14:8

Menliele belemgbunlililɛ ne menvile Devidi abo zo amra asa anu menvale memanle wɔ. Na kɛkala, wɔanva me akɛlɛ Devidi agyakɛ. Devidi lile nɔhalɛ manle me, ɔlile me mɛla zo na ɔyɛle mɔɔ sɔ me nye la.

1 Arl 15:5

Ɔboalekɛ Devidi nyɛleɛ zɔle Ɛdɛnkɛma anye yɛɛ ɔyɛle debie biala mɔɔ Ɛdɛnkɛma zele ye la. Ɛleka mɔɔ ɔvonle la a le edwɛkɛ ne mɔɔ fane Hɛtenli Yulaya anwo la ala.

2 Arl 22:2

Dwosaya yɛle mɔɔ sɔ Ɛdɛnkɛma anye la. Ɔvale ɔ nlenya Devidi agyakɛ na ɔlile Nyamenle Mɛla ne mɔ azo kpalɛ kpalɛ.

2 Edk 14:2

Esa yɛle mɔɔ le kpalɛ la na ɔzɔle Ɛdɛnkɛma ye Nyamenle ne anye.

2 Edk 17:3

Ɛdɛnkɛma nee Gyɛhɔhyafate luale, ɔboalekɛ ɔbɔle ɔ ze Esa ɛbɛla ne mɔɔ ɔlumuale ɔbɔle la bie, yeandoa bozonle Beeyale ne mɔ abo zo.

2 Edk 17:4

Ɔzonlenle ɔ ze mɔ Nyamenle ne na ɔlile ye mɛla ne mɔ azo. Yeanyɛ ye kɛmɔ Yizilayɛma yɛle la.

2 Edk 29:2

Ɔvale ɔ nlenya Devidi agyakɛ, ɔyɛle mɔɔ sɔ Ɛdɛnkɛma anye la.

2 Edk 34:3

Belemgbunli Dwosaya lile ɛvolɛ mɔtwɛ wɔ ebia ne azo la, ɛnee ɔtɛde kakula bɔbɔ ɛdeɛ, noko ɔmanle ɔ nye bolole kɛ ɔsonle ɔ ze Devidi Nyamenle ne. Ɔlile ɛvolɛ bulu nee nwiɔ wɔ ebia ne azo la, ɔbɔle ɔ bo kɛ ɔtu awozonle ɛzonlenlɛ bo wɔ Dwuda nee Gyɛlusalɛm amuala, na ɔyeyele bɛ bozonle raalɛ Ahyela ne ananze ne mɔ, nee ananze ngakyile mɔɔ bɛgua nee mɔɔ bɛze la amuala.

Mrɛlɛbulɛ Buluku ne 4:27

Mmatɔ ɛkɔ fema zo anzɛɛ bɛne zo; twe ɛ gyakɛ fi ɛtane adenle zo.

Mɛla 17:11

Edwɛkɛ biala mɔɔ bɛkɛha bɛkɛhile bɛ nee kɛ bɛkɛzi bɛkɛbua ndɛne ne biala la, ɔwɔ kɛ bɛdie bɛto nu na bɛdi zolɛ; ɔnle kɛ bɛkyea ye bɛkɔ fema anzɛɛ bɛne zo.

Mɛla 17:20

Ɛhye bazi ye adenle amaa yeammemaa ɔ nwo zo yeangile ɔ mediema ne mɔ. Eza ɔnrɛmaa ɔnrɛvi mɛla ne nee ngyehyɛlɛ ne mɔ anwo ɔnrɛhɔ fema zo anzɛɛ bɛne zo, na ɔdaye nee ɔ mra bɛali belemgbunli wɔ Yizilayɛ bɛahyɛ.

Mɛla 28:14

Noko akee bɛnlea boɛ na bɛangoati me edwɛkɛ ne mɔ mɔɔ melɛka meahile bɛ ɛnɛ la anwo, bɛangɔ bɛne zo anzɛɛ fema zo, bɛangɔnzonle awozonle.

Mɛla 5:32

“Zɔhane ati bɛnlea boɛ na bɛyɛ kɛmɔ Ɛdɛnkɛma bɛ Nyamenle ne ɛze bɛ la, bɛmmakɔ fema zo anzɛɛ bɛne zo.

Dwɔhyua Buluku ne 1:7

Mmasulo, gyinla kpundii na di mɛla ne mɔɔ me sonvolɛ Mosisi vale manle wɔ la azo. Mmabu ɛ nye ɛgua zolɛ ɛkɔ bɛne anzɛɛ fema zo, amaa ɛleka biala mɔɔ ɛkɛhɔ la wɔali konim.

Dwɔhyua Buluku ne 23:6

Yemɔti bɛnlea boɛ na bɛli debie biala mɔɔ bɛhɛlɛ ye wɔ Mosisi Mɛla ne anu la azo. Bɛmmabu bɛ nye bɛgua ye kpɔkɛ ko bɔbɔ azo.