2 Edk 33:9 - BAEBOLO ANZƐƐ BULUKU NWUANZANWUANZA

⁹ Belemgbunli Manasɛ lile Dwudama nee Gyɛlusalɛmma anyunlu manle bɛyɛle bɛkyi ninyɛne kpalɛ bɛdɛlale maanle maanle mɔɔ Ɛdɛnkɛma zɛkyele bɛ wɔ mekɛ mɔɔ Yizilayɛma ɛlɛba la anu amra.

2 Edk 33:9 ပူးပေါင်းရင်းမြစ်များ

1 Arl 14:16

Gyɛlɔbowam ɛyɛ ɛtane yemaa Yizilayɛma amuala ɛyɛ ɛtane. Zɔhane ati Ɛdɛnkɛma baye ɔ nye wɔ Yizilayɛma anwo zo.”

1 Arl 15:26

Ɔvale ɔ ze agyakɛ, ye ɛbɛla anzɔ Ɛdɛnkɛma anye. Ɔmanle Yizilayɛma yɛle ɛtane ko ne ala mɔɔ ɔ ze manle bɛyɛle la bie.

2 Arl 21:16

Manasɛ hunle menli dɔɔnwo mɔɔ ɛnze nwolɛ bie la ɔmanle Gyɛlusalɛm gua bile ne mɔ azo yɛle mogya ngome. Ɔyɛle ɛhye na eza ɔmanle menli ne zonlenle awozonle, bɛzɔle mmonle, na bɛyɛle ɛtane bɛtiale Ɛdɛnkɛma.

2 Arl 23:26

Noko akee Belemgbunli Manasɛ ɛtane mɔɔ yɛle tiale Ɛdɛnkɛma la ati Ɛdɛnkɛma vale Dwuda anwo ɛya kpole, na ɛya zɔhane ɛtɛdwole.

2 Edk 28:19

Ɔlua Ehaze ati, Ɛdɛnkɛma manle Dwuda yɛle kɛ maanle mgbane bie la, ɔboalekɛ Ehaze ɛkpo Ɛdɛnkɛma na yeyɛ Dwudama mgbane mgbane.

2 Edk 33:10

Ɛdɛnkɛma hakyele Belemgbunli Manasɛ nee menli ne mɔ wɔ bɛ nyɛleɛ nwo, noko bɛandie.

2 Edk 33:2

Mɔɔ ɔyɛle la anzɔ Ɛdɛnkɛma anye. Ɔbɔle bɛkyi ɛbɛla ne mɔɔ maanle maanle mɔɔ Ɛdɛnkɛma voanle bɛ vale bɛ azɛlɛ ne manle Yizilayɛma la bɔle la bie.

2 Edk 33:8

Saa bɛnea boɛ na bɛyɛ mɔɔ meze bɛ la amuala, bɛdi me mɛla nee me ngyehyɛlɛ ne mɔ mɔɔ menvale memanle Mosisi la azo a, yemɔ menrɛmaa bɛnrɛdu Yizilayɛma bɛnrɛvi azɛlɛ ne mɔɔ menvale memanle bɛ ze mɔ la azo.”

Mrɛlɛbulɛ Buluku ne 29:12

Saa maanlebuvolɛ di adalɛ ngehanleɛ nzi a, ye mgbanyima yɛ amumuyɛ.

Yizikeɛle Buluku ne 5:7

Yemɔti kɛ medame, Awulae Nyamenle, mese la ɛne: Suzuamgba ala mɔɔ ɛ nzo yɛ se tɛla maanle maanle mɔɔ ɛbɔ ɛyia wɔ, na wɔanli me ngyehyɛlɛ nee me mɛla ne mɔ azo, na wɔva ɛ nwo wɔtolo maanle maanle zɔhane mɔ la,

Sɛlɛ 18:24

“Bɛmmayɛ ɛhye mɔ anu biala bie na bɛgua bɛ nwo evinli, ɔluakɛ zɔhane ninyɛne yɛɛ maanle maanle mɔɔ melɛtu bɛ wɔ azɛlɛ ne azo meava meamaa bɛ la yɛle vale zɛkyele bɛ nwo a.

Maeka Buluku ne 6:16

Ɔluakɛ Belemgbunli Ɔmelae nee ɔ ra Belemgbunli Ehabe amumuyɛ mɛla ne mɔ nee bɛ folɛdulɛ ne a bɛli zolɛ a, amaa meanyia adenle meayɛ suakpole ne suadu na zolɛ menli kɔsɔɔti anrese. Yemɔti ɛbazoa me menli ne mɔ kɔsɔɔti ndeanlɛ ne.”

Mɛla 2:21

Bɛ somaa nee bɛ ndendenle nee bɛ mgbole le kɛ Anakema la, noko Ɛdɛnkɛma manle Lɔɔto abo zo amra ne hunle bɛ, bɔle bɛ bo zo na bɛvale azɛlɛ ne bɛdɛnlanle zolɛ.

Dwɔhyua Buluku ne 24:8

Akee menvale bɛ membale Amɔlema azɛlɛ zo wɔ Dwɔdan aduduleɛ. Amɔlema nee bɛ honle, noko memanle bɛlile Amɔlema anwo zo konim. Bɛvale Amɔlema azɛlɛ ne, na mɔɔ bɛkɛze kɛ bɛkɔ bɛ nyunlu la ɛnee melɛsɛkye bɛ kpɔvolɛma ne meamaa bɛ.