2 Edk 33:8 - BAEBOLO ANZƐƐ BULUKU NWUANZANWUANZA

⁸ Saa bɛnea boɛ na bɛyɛ mɔɔ meze bɛ la amuala, bɛdi me mɛla nee me ngyehyɛlɛ ne mɔ mɔɔ menvale memanle Mosisi la azo a, yemɔ menrɛmaa bɛnrɛdu Yizilayɛma bɛnrɛvi azɛlɛ ne mɔɔ menvale memanle bɛ ze mɔ la azo.”

2 Edk 33:8 ပူးပေါင်းရင်းမြစ်များ

2 Sam 7:10

Mekpondɛ ɛleka memaa me menli Yizilayɛma na mebɔ bɛ atɛnlase. Gyegyeravolɛma ɛnrɛgyegye bɛ bieko, maamɔvoma ɛnrɛnwunlonwunla bɛ bieko, kɛmɔ bɛyɛle ye dɛba ne la. Sumunli kɛ bɛradɛnlanle azɛlɛ ye azo la, maamɔvoma ɛgyegye bɛ toonwo, na ɛhye ɛnrɛzi bieko. Mebɔ bɛ ɛwɔkɛ kɛ mebapepɛ mealie bɛ wɔ bɛ kpɔvolɛma asa anu na meamaa bɛ bo zo adɛlɛ.

1 Edk 17:9

Meva ɛleka memaa me menli Yizilayɛma na meva bɛ megua zolɛ kɛ bɛdɛnla ɛkɛ, mɔɔ awie ɛnrɛsisi bɛ bieko ɛlɛ a. Sumunli kɛ bɛradɛnlanle azɛlɛ ye azo la, menli atisesebɛma bie kɛ zo konle doa bɛ ala ɛne. Ɛhye ɛnrɛzi bieko. Mebɔ wɔ ɛwɔkɛ kɛ mebamaa wɔali wɔ kpɔvolɛma anwo zo konim na meamaa ɛ bo zo amra adɛlɛ.

2 Edk 33:9

Belemgbunli Manasɛ lile Dwudama nee Gyɛlusalɛmma anyunlu manle bɛyɛle bɛkyi ninyɛne kpalɛ bɛdɛlale maanle maanle mɔɔ Ɛdɛnkɛma zɛkyele bɛ wɔ mekɛ mɔɔ Yizilayɛma ɛlɛba la anu amra.

Gyɛlɛmaya Buluku ne 7:7

menwɔmaa bɛkɛdɛnla ɛke, wɔ azɛlɛ ne mɔɔ menvale memanle bɛ ze mɔ bɔkɔɔ la azo.

Sɛlɛ 10:11

Eza ɔwɔ kɛ bɛkilehile Yizilayɛma mɛla ne mɔ mɔɔ Ɛdɛnkɛma ɛlua Mosisi anwo zo ɛva ɛmaa bɛ la amuala.”

Sɛlɛ 8:36

Na Aalɔn nee ɔ mra ne mɔ yɛle ninyɛne mɔɔ Ɛdɛnkɛma luale Mosisi anwo zo zele bɛ la kɔsɔɔti.

Edwɛkpa ne kɛmɔ Luku hɛlɛle la 1:6

Bɛ mu nwiɔ bɛbɔle ɛbɛla kpalɛ mɔɔ nwolɛ te la wɔ Nyamenle anyunlu, na bɛlile Nyamenle mɛla ne mɔ azo bɔkɔɔ.

Mɛla 27:26

“ ‘Munzule ɛha sonla mɔɔ yeanli mɛla ɛhye mɔ azo la.’ “Menli ne amuala baha kɛ, ‘Amen!’

Mɛla 4:40

Yemɔti bɛli ye mɛla nee ye ngyehyɛlɛ ne mɔ mɔɔ melɛfa meamaa bɛ ɛnɛ la azo, amaa yeayɛ kpalɛ yeamaa bɛ nee bɛ bo zo amra mɔɔ bara la. Bɛyɛ ye zɔhane a, bɛbanyi bɛahyɛ wɔ azɛlɛ ne mɔɔ Ɛdɛnkɛma bɛ Nyamenle ne ɛlɛfa amaa bɛ bɔkɔɔ la azo.”

Mɛla 5:1

Mosisi manle Yizilayɛma amuala rayiale na ɔzele bɛ kɛ, “Yizilayɛma, bɛdie mɛla nee ngyehyɛlɛ ne mɔ mɔɔ meka meahile bɛ ɛnɛ kenle ye la. Bɛzukoa na bɛli bɛ muala azo boɛ.

Mɛla 5:31

Na wɔmɔ, gyinla me nwo ɛke na mebaha mɛla nee ngyehyɛlɛ ne mɔ mɔɔ ɛbava wɔahilehile bɛ la meahile wɔ, amaa bɛali zolɛ wɔ azɛlɛ ne mɔɔ mebava meamaa bɛayɛ bɛ ɛdeɛ la azo.’

Mɛla 8:1

“Bɛli mɛla mɔɔ meva memaa bɛ ɛnɛ demua ye la azo kpalɛ, amaa bɛanyia ngoane na bɛ nwo azo, na bɛahɔ bɛahɔva azɛlɛ ne mɔɔ Ɛdɛnkɛma vale bɔle bɛ ze mɔ ɛwɔkɛ la.