2 Edk 33:4 - BAEBOLO ANZƐƐ BULUKU NWUANZANWUANZA

⁴ Ɔsisile azukponle gyɛne gyɛne wɔ Ɛdɛnkɛma Ɛzonlenlɛ Sua ne anu, wɔ mekɛ mɔɔ Ɛdɛnkɛma ɛha kɛ, “Gyɛlusalɛm ala yɛɛ ɔwɔ kɛ bɛsonle me dahuu a” la.

2 Edk 33:4 ပူးပေါင်းရင်းမြစ်များ

2 Sam 7:13

Yemɔ yɛɛ ɔbazi ɛzonlenlɛ sua yeamaa me a, na mebanlea kɛ ye belemgbunli maanle ne ɛgyinla kpundii dahuu.

1 Arl 8:29

Sinza Ɛzonlenlɛ Sua ye alehyenlɛ nee aledwolɛ, ɔluakɛ ɛke yɛɛ wɔhile kɛ bɛzonle wɔ a, amaa wɔadie wɔ akɛlɛ nzɛlɛlɛ mɔɔ ɔyɛ wɔ ɛke la.

1 Arl 9:3

Ɛdɛnkɛma zele ye kɛ, “Mede wɔ nzɛlɛlɛ nee wɔ modolɛ mɔ ɛyɛle wɔ ɛke la, yemɔti medu Ɛzonlenlɛ Sua ɛhye mɔɔ wɔzi kɛ bɛzonle me wɔ nuhua la memaa me nwo kɛ ɛkɛ ne a bɛzonle me dahuu a. Mebanlea zolɛ na meabɔ nwolɛ bane.

2 Arl 16:11

Yemɔti Sɛlɛvolɛ Yulaya zile azukponle ne bie mɔɔ le kɛ ɛhendeɛ ne la pɛpɛ. Ɔzile ɔwiele na Ehaze vi Dɛmasekɛse azia ara.

2 Arl 16:16

Na sɛlɛvolɛ Yulaya yɛle, kɛmɔ belemgbunli ne zele la.

2 Edk 28:24

Ehaze sesale Nyamenle sua ne anu ninyɛne kɔsɔɔti, ahyɛnze nee dwora ne mɔ, na ɔpepɛle bɛ nu azinli azinli, ɔtotole Ɛdɛnkɛma Ɛzonlenlɛ Sua ne nlenkɛ ne mɔ anu, na ɔyɛle azukponle dɔɔnwo wɔ Gyɛlusalɛm ɛleka biala.

2 Edk 32:19

Na bɛhanle Gyɛlusalɛm Nyamenle ne anwo edwɛkɛ ɛtane ɛtane, kɛmɔ bɛka wɔ maanle gyɛne gyɛne nu nyamenle ne mɔ mɔɔ le mmonle na menli a nwonle la, anwo la.

2 Edk 33:15

Ɔyeyele nyamenle gyɛne gyɛne ne mɔ nee ananze mmonle ne mɔ ɔvile Ɛdɛnkɛma Ɛzonlenlɛ Sua ne anu, na ɔbubule azukponle ne mɔ mɔɔ yesisi wɔ Ɛdɛnkɛma Ɛzonlenlɛ Sua ne boka ne azo nee Gyɛlusalɛm amuala la, na ɔvuandinle bɛ ɔguale suakpole ne kandiba.

2 Edk 33:7

Manasɛ vale ye bozonle ne mɔɔ ɔsonle ye la ananze ne ziele Nyamenle Ɛzonlenlɛ Sua ne anu, wɔ mekɛ mɔɔ Nyamenle ɛha ɛhile Devidi nee ɔ ra Sɔlɔmɔn kɛ, “Sua ɛhye anu, wɔ Gyɛlusalɛm ɛke, mɔɔ mekpa nu meye ye mevi Yizilayɛ mbusua ekpunli ekpunli ne mɔ anu la azo yɛɛ mefa me duma meado kɛ bɛzonle me wɔ mekɛ mɔɔ ɛnlɛ awieleɛ la a.

2 Edk 34:11

Bɛmanle kapentama nee belekyama bie kɛ bɛva bɛdɔ awolɛ nee ndaboa bɛhakyihakyi mgbunla ne mɔ mɔɔ Dwuda arelemgbunli annea bɛ boɛ bɛmaa bɛzɛkye la.

2 Edk 6:5

‘Sumunli kɛ menyele me menli ne menvile Yigyibiti azɛlɛ zo la, metɛneanle Yizilayɛ mbusua ekpunli ekpunli ne mɔ anu metɛtule suakpole ko metɛmanle me nwo kɛ bɛzi sua wɔ ɛkɛ ne na me duma ɛla zolɛ, eza metɛneanle nu metɛtule awie ko kɛ ɔli belemgbunli ɔnlea me menli Yizilayɛma anwo zo.

2 Edk 6:6

Noko kɛkala, menlea nu meye Gyɛlusalɛm kɛ ɛkɛ ne yɛɛ bɛzonle me a, yɛɛ meye Devidi kɛ ɔli belemgbunli ɔzie me menli Yizilayɛma.’ ”

2 Edk 7:16

Ɔluakɛ kɛkala, meva Ɛzonlenlɛ Sua ɛhye na medu ye mezie ɛkɛ memaa me nwo mekɛ biala kɛ nuhua yɛɛ ɔwɔ kɛ bɛsonle me a. Me nye nee me ahonle bawoa ɛkɛ ne mekɛ biala.

Gyɛlɛmaya Buluku ne 7:30

“Ɔluakɛ Dwudama ɛyɛ ɛtane ɛtia me. Bɛzie bɛ bɛkyi ninyɛne ne mɔ wɔ Ɛzonlenlɛ Sua ne mɔɔ bɛfa me duma bɛfɛlɛ ye la anu, bɛva evinli bɛha ye.

Mɛla 12:11

yɛɛ bɛbahɔ ɛleka mɔɔ ɔdaye Ɛdɛnkɛma bɛ Nyamenle ne kɛhile kɛ bɛva ye duma bɛvɛlɛ ye la, na bɛahɔzonle a. Ɛkɛ ne yɛɛ bɛbava mɔɔ meha mehile bɛ la amuala: bɛ ɛyelalɛ azubɔlɛ ninyɛne, bɛ azubɔlɛ ngakyile ne mɔ ninyɛne, bɛ ngyɛnu bulu ɛkpɔ ngoko ne mɔ, bɛ ahyɛlɛ ninyɛne nee bɛ ɛwɔkɛ mɔɔ bɛbɔ Ɛdɛnkɛma la ɛyelɛ kɔsɔɔti bɛahɔ a.