2 Edk 33:2 - BAEBOLO ANZƐƐ BULUKU NWUANZANWUANZA

² Mɔɔ ɔyɛle la anzɔ Ɛdɛnkɛma anye. Ɔbɔle bɛkyi ɛbɛla ne mɔɔ maanle maanle mɔɔ Ɛdɛnkɛma voanle bɛ vale bɛ azɛlɛ ne manle Yizilayɛma la bɔle la bie.

2 Edk 33:2 ပူးပေါင်းရင်းမြစ်များ

2 Arl 17:11

Bɛkpunle ɛyɛlɛ wɔ ɛleka ɛhye mɔ, na bɛyɛle ninyɛne mɔɔ menli mɔɔ Ɛdɛnkɛma dule bɛ la yɛle la bie. Bɛyɛle ninyɛndane bɛmanle Ɛdɛnkɛma vale ɛya,

2 Arl 17:15

Bɛkpole ye mɛla ne mɔ, bɛanli ngyekyeleɛ ne mɔɔ ɔ nee bɛ nlenya mɔ kyekyele la azo yɛɛ bɛambu ye kɔkɔbɔlɛ ne mɔ bie. Bɛzonlenle mmonle mɔɔ nvasoɛ biala ɛnle zo la na bɛdabɛ mumua ne bɛyɛle mgbane. Bɛlile maanle maanle mɔɔ zuozua bɛ la amaamuo zo, na bɛyɛle anzosesebɛ wɔ Ɛdɛnkɛma Mɛla ne mɔɔ ɔvale ɔmanle bɛ kɛ bɛmmasukoa bɛyɛ mɔɔ menli zɔhane mɔ yɛ la bie la anwo.

2 Arl 21:2

Ɔyɛle ninyɛne mɔɔ menli mɔɔ Ɛdɛnkɛma dule bɛ azɛlɛ ne azo wɔ mekɛ mɔɔ Nyamenle menli ne ba la bie na ɔyɛle ɛtane ɔtiale Ɛdɛnkɛma.

2 Arl 21:9

Noko Dwudama anyɛ tieyɛ ammaa Ɛdɛnkɛma, yɛɛ Manasɛ bɔbɔ akee manle menli ne yɛle ɛtane kpole bole mɔɔ maanle maanle mɔɔ ɛnee de azɛlɛ ne azo la yɛle la azo. Ɛdɛnkɛma dule menli zɔhane wɔ mekɛ mɔɔ Yizilayɛma ba la.

2 Edk 28:3

ɔkpunle ɛyɛlɛ ɔbɔle azu wɔ Henɔm Bɔnza, na ɔyelale ɔ mra mrenya ɔbɔle azu. Ɔbɔle ɛbɛla mgbane mgbane ne mɔ mɔɔ menli mɔɔ ɛnee de azɛlɛ ne azo la bɔle a Ɛdɛnkɛma dule bɛ vile Yizilayɛma anyunlu la bie.

2 Edk 33:22

Ɔyɛle ɛtane ɔtiale Ɛdɛnkɛma, kɛmɔ ɔ ze Manasɛ yɛle la. Emɔn bɔle azu manle ananze ne mɔ mɔɔ ɔ ze yɛle la amuala, na ɔzonlenle bɛ.

2 Edk 36:14

Sɛlɛvolɛma mgbanyinli ne mɔ nee menli kɔsɔɔti bɔle zɔhane ɛbɛla ne bie na bɛzukoale bɛyɛle munzule ninyɛne ne mɔ mɔɔ maanle maanle ne mɔ yɛ la bie. Bɛvale evinli bɛhanle Ɛdɛnkɛma Ɛzonlenlɛ Sua ne mɔɔ wɔ Gyɛlusalɛm, mɔɔ yeyɛ ye nwuanzanwuanza la.

Ɛzela Buluku ne 9:14

Saa ye zɛhae a ɛnee yɛbulu wɔ mɛla ne azo bieko na yɛsia yɛ nee amumuyɛma ɛhye mɔ gyigya yɛ nwo a ɔnrɛyɛ boɛ. Yɛyɛ ye zɔhane a ɛbava ɛya kpole na wɔazɛkye yɛ mɔɔ yɛ nuhua ko bɔbɔ ɛnrɛha a.

Gyɛlɛmaya Buluku ne 15:4

Mebamaa maanle maanle mɔɔ wɔ aleɛabo la kɔsɔɔti ahonle adu wɔ bɛ ti wɔ mɔɔ Hɛzikaya ara nrenya Manasɛ, Dwuda belemgbunli ne yɛle wɔ Gyɛlusalɛm la ati.”

Yizikeɛle Buluku ne 11:12

na bɛanwu kɛ medame a mele Ɛdɛnkɛma a. Ɔluakɛ bɛanli me mɛla ne mɔ azo, yɛɛ bɛanli me ngyehyɛlɛ zo, na bɛli maanle maanle mɔɔ zuozua bɛ la maamɛla zo.”

Mɛla 12:29

“Ɛdɛnkɛma bɛ Nyamenle ne bali maanlema mɔɔ de azɛlɛ ne azo la anwo zo konim na bɛahɔva azɛlɛ ne bɛadɛnla zolɛ.

Mɛla 12:31

Bɛmmasonle Ɛdɛnkɛma bɛ Nyamenle ne, kɛmɔ menli zɔhane mɔ si sonle bɛ awozonle ne mɔ la. Ɔluakɛ ninyɛne mɔɔ Ɛdɛnkɛma kyi la angome a bɛyɛ bɛmaa bɛ awozonle ne mɔ a. Bɛyela bɛ mra mrenya nee mraalɛ bɔbɔ bɛmaa bɛ awozonle ne mɔ.

Mɛla 18:14

Akee Mosisi zele bɛ kɛ, “Maanlema ɛhye mɔ mɔɔ bɛbahɔ bɛahɔdu bɛ la tie ngonyiama nee menli mɔɔ biza bɔ awie munzule la edwɛkɛ, na bɛmɛ, Ɛdɛnkɛma bɛ Nyamenle ne ɛmkpondɛ kɛ bɛyɛ ɛhye bie.

Mɛla 18:9

“Saa bɛdwu azɛlɛ ne mɔɔ Ɛdɛnkɛma bɛ Nyamenle ne bava amaa bɛ la azo a, bɛmmasukoa bɛyɛ bɛkyi ninyɛne ne mɔ mɔɔ maanle maanle ne mɔ yɛ la bie.