2 Edk 32:8 - BAEBOLO ANZƐƐ BULUKU NWUANZANWUANZA

⁸ Yemɔ, ɔ nee menli a lua a, na yɛmɛ, yɛ nee Ɛdɛnkɛma, yɛ Nyamenle ne a lua a; ɔbaboa yɛ na yeaho konle ne yeamaa yɛ.” Na Dwuda Belemgbunli Hɛzikaya ɛdendɛlɛ ne manle menli ne anwosesebɛ.

2 Edk 32:8 ပူးပေါင်းရင်းမြစ်များ

2 Arl 18:5

Hɛzikaya vale ɔ rɛle wulale Ɛdɛnkɛma, Yizilayɛ Nyamenle ne anu. Dwuda annyia belemgbunli bieko mɔɔ le kɛ ɔdaye la, yɛɛ bie anlumua ɔ nyunlu mɔɔ le kɛ ɔdaye la.

2 Arl 6:16

Yilaehya zele ye kɛ, “Mmasulo, ɛlɔnema mɔɔ nee yɛ lua la zonle tɛla bɛ.”

1 Edk 5:22

Bɛhunle bɛ kpɔvolɛma ne anu dɔɔnwo, ɔboalekɛ ɛnee konle ne le Nyamenle konle. Na bɛdɛnlanle maanle zɔhane anu toonwo ɔhɔdwule mekɛ mɔɔ bɛhyele Yizilayɛma nuokɛ bɛhɔle nlɔnu la.

2 Edk 13:12

Bɛnlea o, na Nyamenle nee yɛ a lua a, yɛɛ yemɔ yɛɛ li yɛ ti a. Ye sɛlɛvolɛma ne babɔ bɛ aweɛne ndendenle ne mɔ anu bɛamaa konle ne atia bɛ. O Yizilayɛma, bɛ nee bɛ ze mɔ Ɛdɛnkɛma Nyamenle ne mmako, ɔluakɛ bɛnrɛhola ɔ nyunlu gyinla.”

2 Edk 14:10

Belemgbunli Esa hɔyiale bɛ, na bɛvale konle ne bɛbɔle zo wɔ Zɛfata bɔnza ne mɔɔ wɔ Malihyaa la anu.

2 Edk 14:11

Na Belemgbunli Esa zɛlɛle Ɛdɛnkɛma ye Nyamenle ne kɛ, “O Ɛdɛnkɛma, awie biala ɛnle ɛkɛ mɔɔ kola boa, kɛ ɛdawɔ ala yɛɛ ɛkɛgyinla tumima nee koahweabanema avinli a. Boa yɛ, O Ɛdɛnkɛma yɛ Nyamenle, ɔluakɛ wɔmɔ yɛɛ yɛ rɛle wɔ wɔ nu a, yɛɛ wɔ duma nu a yɛra yɛbadoa menli pemgbenleamgbe ɛhye mɔ yɛ nee bɛ aho a. O Ɛdɛnkɛma, wɔmɔ a ɛle yɛ Nyamenle a. Mmamaa dasanli di ɛ nwo zo konim.”

2 Edk 16:7

Mekɛ zɔhane anu ala, Nyamenle sonla Haneenae rale Dwuda Belemgbunli Esa ɛkɛ ne razele ye kɛ, “Kɛmɔ ɛvale ɛ rɛle ɛwulale Selea belemgbunli ne anu na wɔanva ɛ rɛle wɔanwula Ɛdɛnkɛma wɔ Nyamenle ne anu la ati, Selea belemgbunli ne ɛlɔnema ɛnriandi wɔ ɛwie ala ɛne.

2 Edk 20:15

Gyaheezeɛle zele kɛ, “Bɛdie, Dwudama amuala nee Gyɛlusalɛmma, yɛɛ Belemgbunli Gyɛhɔhyafate, bɛdie! Ɛdɛnkɛma se, ‘Bɛmmasulo, yɛɛ bɛmmamaa bɛ rɛle bɔ kɛ menli ɛwolaa ɛhye ɛlɛba bɛ nwo zo a. Ɔluakɛ konle ne ɛnle bɛ konle. Ɔle Nyamenle ɔdaye ye konle.

2 Edk 20:17

Dwudama nee Gyɛlusalɛmma, ɔnrɛhyia kɛ bɛkɛho bɔbɔ wɔ konle ɛhye anu. Bɛmɛ bɛgyinla bɛ bo zo ne, bɛmmatu bɛ bo, na bɛnlea kɛ Ɛdɛnkɛma bazi aho bɛ ti ali konim la.’ Bɛmmasulo, yɛɛ bɛmmamaa bɛ rɛle bɔ. Ɛhyema bɛhɔteta bɛ na Ɛdɛnkɛma nee bɛ bahɔ.”

2 Edk 20:20

Bɛdwazole ndɛndɛ wɔ aleɛbahye ne ala na bɛhɔle Tɛkowa fienemgbole ne anu. Mɔɔ bɛkɔ la, Belemgbunli Gyɛhɔhyafate ragyinlanle adenle ne anloa na ɔzele bɛ kɛ, “Dwudama nee Gyɛlusalɛmma, bɛdie me! Bɛlie Ɛdɛnkɛma bɛ Nyamenle ne bɛli, na bɛbali konim. Bɛlie Nyamenle kpɔmanvolɛma ne bɛli, na bɛbaho bɛadɔ zolɛ.”

2 Edk 32:15

Zɔhane ati bɛmmamaa Hɛzikaya bɛlɛbɛla bɛ na ɔfa ɛhye ɔta bɛ nye zo. Bɛmmadie ye bɛdi, ɔluakɛ maanle biala anu nyamenle ɛtɛkolale ɛtɛdiele ye menli anzɛɛ ye maanle ɛtɛfile me anzɛɛ egya asa anu. Ɛnee kɛ ɔkɛyɛ na bɛ Nyamenle ne ahola alie bɛ avi me sa nu ɛ?”

Dwobu Buluku ne 40:9

Asoo ɛlɛ anwosesebɛ kɛ Nyamenle, yɛɛ ɛkɛhola ɛkɛva ɛnelɛ ɛkɛhulu kɛ ye ɛdeɛ ne la?

Edwɛndolɛ Buluku ne 118:8

Ɔle kpalɛ kɛ sonla kɛvea Ɛdɛnkɛma akɛnra anu, tɛla kɛ ɔkɛva ɔ rɛle ɔkɛwula dasanli nu.

Edwɛndolɛ Buluku ne 20:7

Bie mɔ fa konle ehwili tu bɛ nloa anu, yɛɛ bie mɔ fa mgbɔnwɔ; na yɛmɛ, yɛfa Ɛdɛnkɛma yɛ Nyamenle ne duma a yɛtu yɛ nloa anu a.

Edwɛndolɛ Buluku ne 46:11

Tumivolɛ Ɛdɛnkɛma nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 46:7

Tumivolɛ Nyamenle ne nee yɛ de; Gyekɔbo Nyamenle ne le yɛ ɛvealeka.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:31

Na menli ne liele lile. Mɔɔ bɛdele kɛ Ɛdɛnkɛma ɛrakpɔla ye menli Yizilayɛma na yenwu bɛ amaneɛnwunlɛ ne la, bɛbɔle bɛ ti aze bɛyeyɛle ye.

Mrɛlɛbulɛ Buluku ne 12:25

Adwenleadwenle maa sonla yɛ basaa, na edwɛkɛ kpalɛ maa sonla di fɛlɛko.

Ayezaya Buluku ne 30:32

Mɔɔ Ɛdɛnkɛma ɛlɛfa ye ndeanlɛ baka ne abɔ Aseleama la ɛnee ye menli ne lɛ akɛya nee getaa ɛlɛdielie zolɛ. Nyamenle ɔdaye ɔbava tumi kpole yeaho yeamaa ye menli ne.

Ayezaya Buluku ne 31:3

Yigyibitima le menli, bɛnle Nyamenle. Bɛ mgbɔnwɔ ne mɔ lɛ nwonane, bɛnle sunsum. Saa Ɛdɛnkɛma tenrɛ ɔ sa a, boavolɛ ne nee mɔɔ bɛboa ye la amuala badu agua, na bɛ muala bɛ bo zo baminli.

Ayezaya Buluku ne 36:18

Bɛnlea na Hɛzikaya ambɛlɛbɛla bɛ anga kɛ Ɛdɛnkɛma balie bɛ. Maanle maanle dɔɔnwo awozonle angola anlie bɛ anvi Aselea belemgbunli ne asa anu.

Ayezaya Buluku ne 41:10

Bɛmmasulo, ɔluakɛ me nee bɛ lua; bɛmmamaa bɛ ahonle tu, medame a mele bɛ Nyamenle a. Mebamaa bɛ anwosesebɛ, mebaboa bɛ, mebava me konimlilɛ tumi ɛsalɛ ne meazɔ bɛ.

Ayezaya Buluku ne 8:10

Bɛyia nu bɛva adwenle, noko ɔnrɛyɛ boɛ; bɛbɔ nu bɛbɔ kpɔkɛ, noko ɔnrɛyɛ boɛ, ɔluakɛ Nyamenle nee yɛ de.

Gyɛlɛmaya Buluku ne 17:5

Ɛdɛnkɛma se: “Munzule ɛha sonla ne mɔɔ fa ɔ rɛle wula sonla nu, ɔkpo me na ɔfa ɔ rɛle ɔwula sonla anwosesebɛ nu la.

Gyɛlɛmaya Buluku ne 42:11

Bɛmmasulo Babelonia belemgbunli ne mɔɔ bɛsulo ye la bieko. Bɛmmasulo ye, ɔluakɛ medame Ɛdɛnkɛma, me nee bɛ lua yɛɛ mebalie bɛ meavi ɔ sa nu.

Zɛkalaya Buluku ne 4:6

Na ɔzele me kɛ, “Edwɛkɛ mɔɔ Ɛdɛnkɛma ɛlɛka ahile Zɛlubabɛle la ɛne: Tɛ anwosesebɛ anzɛɛ tumi, na me Sunsum ne yɛɛ ɛbava wɔali konim a, medame Tumivolɛ Ɛdɛnkɛma a mese a.

Ɛzoanvolɛma Gyima ne 18:10

na mezua ɛ nzi. Awie biala ɛnrɛhola wɔ ɛhwee yɛ, ɔluakɛ menli dɔɔnwo wɔ sua ye azo mɔɔ bɛle me ɛdeɛ a.”

Mɛla 20:1

“Saa bɛkɔ konle nloa kɛ bɛ nee bɛ kpɔvolɛma kaho, na bɛnwu kɛ kpɔvolɛma ɛlɔnema ne anwo zonle tɛla bɛ na bɛlɛ mgbɔnwɔ nee konle ehwili dɔɔnwo a, bɛmmasulo bɛ, ɔluakɛ Ɛdɛnkɛma bɛ Nyamenle ne mɔɔ nee bɛ vi Yigyibiti rale la nee bɛ a lua a.

Mɛla 20:3

‘Yizilayɛma, bɛdie! Ɛnɛ kenle ye bɛra kɛ bɛ nee bɛ kpɔvolɛma baho. Bɛmmamaa bɛ ahonle tu, bɛmmasulo anzɛɛ bɛmmamaa bɛ nwo wozo bɛ bɛmaa bɛ kpɔvolɛma ne anwo yɛ ɛzulolɛ.

Mɛla 20:4

Ɔluakɛ Ɛdɛnkɛma bɛ Nyamenle ne, yemɔ yɛɛ ɔ nee bɛ kɔ ɔ nee bɛ kpɔvolɛma ne ahɔho na yeamaa bɛali konim a.’

2 Tem 4:17

Awulae gyinlanle me nzi, na ɔmanle me anwosesebɛ. Zɔhane ati mengolale membɔle Edwɛkpa ne nolo memanle bɛdabɛ mɔɔ bɛnle Dwuuma la amuala dele bie; na Nyamenle yele me vile awenade ne anloa anu.

2 Tem 4:22

Awulae nee wɔ sunsum ɛdɛnla. Nyamenle ɛlo bɛ muala.

Dwɔhyua Buluku ne 10:42

Dwɔhyua lile arelemgbunli ɛhye mɔ amuala anwo zo konim, ɔvale bɛ azɛlɛ ne, ɔboalekɛ Ɛdɛnkɛma, Yizilayɛ Nyamenle ne, honle manle Yizilayɛma.

1 Dw 4:4

Me mra ngakula, bɛmɛ bɛle Nyamenle ɛdeɛ, na bɛli Nyamenle kpɔmanvolɛma adalɛ ɛhye mɔ anwo zo konim, ɔluakɛ sunsum ne mɔɔ wɔ bɛ nu la le kpole tɛla sunsum ne mɔɔ wɔ ɛtane ewiade ye amra anu la.

1 Sam 17:45

Devidi buale Filisitianli ne kɛ, “Wɔmɔ, ɛ nee konle dadeɛ, atwɛ yɛɛ akuma a ɛra a, na mame, me nee Tumivolɛ Ɛdɛnkɛma, Yizilayɛ ɛlɔnema Nyamenle ne mɔɔ ɛmbu ye la a rale a.