2 Edk 32:6 - BAEBOLO ANZƐƐ BULUKU NWUANZANWUANZA

⁶ Ɔyeyele safohyenlema mɔɔ nea ɛlɔnema ne mɔ anwo zo la, na ɔmanle bɛrayiale suakpole ne anlenkɛ kpole ne anloa ɛleka kpatawienyi ne na ɔdendɛle ɔmanle bɛ akɛnrazilɛ. Ɔzele bɛ kɛ,

2 Edk 32:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 34:3

Na Hyikɛm ahonle vale Gyekɔbo ara Daena. Ɔhulole ye na ɔdendɛle bɛtɛɛ ɔhilele ye.

2 Edk 30:22

Na Hɛzikaya yele Livaema ne mɔɔ hilele bɛ mɔdenlebɔ wɔ Ɛdɛnkɛma ɛzonlenlɛ ne anu la ayɛlɛ. Menli ne lile Akpabɛnwo Ɛvoyia ne toonwo kenle nsuu, bɛbɔle anzonudwolɛ azu na bɛyɛle Ɛdɛnkɛma, bɛ ze mɔ Nyamenle ne mo.

Ɛzela Buluku ne 10:9

Na bɛdabɛ mɔɔ bɛwɔ Dwuda nee Bɛngyaman maanzinli ne mɔ anu la amuala rayiale Gyɛlusalɛm kenle nsa ne azo. Kenle ne le siane ngɔnla ne ye kenle mɔɔ tɔ zolɛ abulanwiɔ la. Na menli ne amuala dɛnlanle aze wɔ ɛleka kpatawienyi ne mɔɔ wɔ Nyamenle Sua ne anyunlu la. Edwɛkɛ ne anwo ahunlundetelɛ nee ezule mɔɔ ɛnee ɛlɛtɔ kpole la manle bɛ nwo wozole bɛ.

Nihɛmaya Buluku ne 8:16

Yemɔti menli ne hɔpɛle mrɛlakɛ, bɛbubule nya nya bɛrasisile kpɔda kpɔda wɔ bɛ azua ne mɔ ati zo, wɔ bɛ awuke ne mɔ anu, wɔ Ɛzonlenlɛ Sua ne alie wienyi ne anwo yɛɛ ɛleka kpatawienyi ne mɔ mɔɔ wɔ Nzule Anlenkɛ Kpole ne nee Yifelaem Anlenkɛ Kpole ne mɔ anyunlu la.

Ayezaya Buluku ne 28:6

Ɔbamaa mɔɔ bua ndɛne la pɛlepɛlelilɛ ahonle yeamaa yeabua ndɛne fɔɔnwo, na yeamaa mɔɔ ka konlema gua wɔ anlenkɛ kpole ne anloa la anwosesebɛ.

Ayezaya Buluku ne 40:2

Bɛdendɛ bɛtɛɛ bɛhile Gyɛlusalɛmma, na bɛdea nu bɛze bɛ kɛ bɛ ɛbɛla nu konle ne ɛwie; bɛva bɛ ɛtane bɛhyɛ bɛ. Na mɔɔ bɛ ɛtane ne mɔ ati bɛminlinle ye la Ɛdɛnkɛma bamaa bɛanyia ye mɔnwo.”