2 Edk 32:5 - BAEBOLO ANZƐƐ BULUKU NWUANZANWUANZA

⁵ Akee belemgbunli ne manle bɛliele suakpole ne bane ne mɔ mɔɔ ɛha ɛgua la, na bɛsisile tawa wɔ zolɛ; eza ɔmanle bɛmiemianle bane ne mɔɔ bɛlie bɛ wɔ suakpole ne aduduleɛ ɛleka mɔɔ ɛnee kuma kpole ne mɔɔ bɛduale ye la wɔ la anu. Eza ɔmanle bɛyɛle atwɛ nee bɛ sa nu enyinlike dɔɔnwo.

2 Edk 32:5 ပူးပေါင်းရင်းမြစ်များ

2 Sam 5:9

Devidi vale aranemgbole ne la ɔdɛnlanle nuhua na ɔvɛlɛle sua ne “Devidi Suakpole”. Devidi kyekyele suakpole ne yiale, ɔbɔle ye boka ne aduduleɛ ɛleka mɔɔ bɛdule ndɛtɛlɛ bɛduale ye kuma ne la.

1 Arl 11:27

Deɛ mɔɔ yemɔti Gyɛlɔbowam kpɔle Sɔlɔmɔn la ɛne. Sɔlɔmɔn tua Gyɛlusalɛm aduduleɛ kuma kpole ne yealie suakpole ne anwo bane la,

1 Arl 9:24

Akee Yigyibiti belemgbunli ne ara raalɛ ne mɔɔ Sɔlɔmɔn gyale ye la vile Devidi suakpole ne azo dule hɔdɛnlanle sua ne mɔɔ ɔ hu Sɔlɔmɔn zile manle ye la anu. Sɔlɔmɔn akee manle bɛzoale anwea bɛduale kuma ne mɔɔ la suakpole ne aduduleɛ la.

2 Arl 12:20

Belemgbunli Dwowahye safohyenlema ne hɔle ɔ ti akpamo, na nuhua nwiɔ, Hyemɛyate ara Dwozaka yɛɛ Hyomɛ ara Gyɛhozabade, hyele ye hunle ye wɔ sua bie mɔɔ gyi kuma ne mɔɔ bɛduale ye wɔ Gyɛlusalɛm aduduleɛ la azo la anwo wɔ Sela adenle zo. Na bɛziele ye wɔ arelemgbunli azie ne mɔɔ wɔ Devidi Suakpole zo la azo. Ɔ ra Amazaya a lile ebia ne a.

2 Arl 25:4

yɛɛ Babeloniama bule suakpole ne bane ne hɔle sua ne azo a. Ɛnee Babelonia ɛlɔnema ɛbɛnra ɛyia suakpole ne ɛdeɛ, noko Dwuda ɛlɔnema ne amuala holale nriandile hɔle nɔe ne. Bɛvale arelemgbunli tola ne anu bɛhɔvale anuhɔlɛ kpole ne mɔɔ wɔ suakpole ne bane nwiɔ ne ayia zo la, bɛvale Dwɔdan Bɔnza ne adenle zo bɛnriandile.

2 Edk 12:1

Mɔɔ Rilihɔbowam belemgbunlililɛ ne gyinlanle zo na ɔnyianle gyinlagyakɛ la, ɔkpole Ɛdɛnkɛma Mɛla ne mɔ na ɔmanle Yizilayɛma kɔsɔɔti kpole Ɛdɛnkɛma.

2 Edk 23:1

Atalaya lile Dwuda ebia ne ɛvolɛ nsia. Wɔ ye ɛvolɛ nsuu ne anu, sɛlɛvolɛ Gyɛhɔyada zile ɔ kɛnra ɔ nee safohyenlema mɔɔ nea ɛlɔnema ɛya ɛya nwo zo la yɛle ngyehyɛlɛ. Safohyenlema ne mɔ a le Gyɛloham ara Azalaya, Gyihɔheenan ara Yehyemeeyɛle, Obɛde ara Azalaya, Adaya ara Meeyasaya, yɛɛ Zekelae ara Yilaehyafate.

2 Edk 25:23

Yizilayɛ Belemgbunli Gyɛhowahye hyele Dwuda Belemgbunli Amazaya nuokɛ. Amazaya ɔ ze a le Dwowahye yɛɛ ɔ nlenya a le Ehazaya mɔɔ vi Bɛte Hyimɛhye la. Gyɛhowahye vale Amazaya rale Gyɛlusalɛm na ɔrabubule Gyɛlusalɛm bane ne foa ko mɔɔ vi Yifelaem Anuhɔlɛ ne kɔdwu Muleɛzo Anuhɔlɛ ne la ɔguale. Ye tendenle kɛyɛ mita ɛya nwiɔ.

2 Edk 26:8

Amɔnoma duale adwule manle Ɛzaya. Ɛhye manle Ɛzaya anwo yɛle ɛzulolɛ na ye nganeɛ dendenle dwule Yigyibiti ɛweɛne zo.

2 Edk 33:14

Ɛhye anzi, ɔliele bane ɔvale Devidi Suakpole ne bane ne anzi mɔɔ kɔne Gaehɔn adɔleɛ la bɔnza ne anu. Ɔliele bane ne ɔvale Fɛlɛ Anuhɔlɛ ne toonwo ɔhɔdwule suakpole Ofɛle afoa nu. Ɔmanle bane ne hɔle anwuma kpalɛ. Eza ɔvale safohyenlema nee bɛ ɛlɔnema ɔhɔguale Dwuda azuamgbole ne mɔ azo.

Mrɛlɛbulɛ Buluku ne 25:28

Sonla mɔɔ ɛngola ɔ nwo zo komo la le kɛ suakpole mɔɔ bɛbubu nwolɛ bane ne amuala bɛgua la.

Gyɛlɛmaya Buluku ne 39:4

Dwuda Belemgbunli Zɛdikaya nee ye ɛlɔnema ne nwunle bɛ la, bɛ kɔsɔɔti bɛnriandile bɛguale ɛbɔ nu. Bɛdule bɛ bo nɔe ne bɛluale belemgbunli tola ne anu. Bɛzenle anlenkɛ kpole ne mɔɔ dua bane nwiɔ ne la anu, bɛluale bane ne avinli bɛvale bɛ ti bɛbɔle Dwɔdan Bɔnza ne anu lɔ.

Dwowɛle Buluku ne 2:8

Bɛnzuhuzuhu bɛ nwo, biala dua ye adenle ɛdeɛ ne anu. Bɛbɔ bɛfa adendualɛ biala anu, yɛɛ debie biala ɛngola ɛnzi bɛ aze.

Maanlebuvolɛma Buluku ne 9:6

Hyikɛm ezuavolɛ ne nee Bɛtemelo ezuavolɛ ne kɔsɔɔti bɔle nu na bɛvale Abemɛlɛke bɛziele bɛ belemgbunli wɔ oku baka ne mɔɔ gyi Hyikɛm la abo.