2 Edk 32:31 - BAEBOLO ANZƐƐ BULUKU NWUANZANWUANZA

³¹ Yemɔti mɔɔ soanvolɛma mɔɔ Babelɔn mgbanyinli zoanle bɛ la rale kɛ bɛbabiza bɛanwu debie mɔɔ ɛlɛkɔ zolɛ wɔ ye maanle ne anu la, Nyamenle gyakyile debie biala manle ɔdaye, ɔvale ɔzɔle ye ɔnleanle, amaa yeanwu mɔɔ wɔ ye ahonle nu la.

2 Edk 32:31 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:1

Ɛhye mɔ anzi Nyamenle zɔle Ebileham nleanle na ɔzele ye kɛ, “Ebileham!” Na Ebileham liele zolɛ, “Mewɔ ɛke.”

2 Edk 32:24

Mekɛ ne anu Belemgbunli Hɛzikaya anwo dole ye mɔɔ ɔhale ye nee ewule a. Ɔzɛlɛle Ɛdɛnkɛma, na Ɛdɛnkɛma diele ye na ɔmanle ye sɛkɛlɛneɛ.

2 Edk 32:25

Noko kɛmɔ ɛnee mgbanyizonle ɛmaa Hɛzikaya andɛba ɛmemaa zolɛ la ati, yeanyɛ Nyamenle mo wɔ nyele ɛhye anwo. Yemɔti Nyamenle ɛya ne rale ɔdaye, Gyɛlusalɛmma, yɛɛ Dwudama amuala anwo zo.

2 Edk 32:32

Gyima mɔɔ hale mɔɔ Hɛzikaya lile, ye nyɛleɛ kpalɛ nee debie biala mɔɔ ɔyɛle la, bɛhɛlɛ bɛ muala wɔ Nyamenle Kpɔmanvolɛ Ayezaya mɔɔ le Emɔzo ara ne la Ɛnyelɛzodeɛnwunlɛ Buluku ne, yɛɛ Dwuda nee Yizilayɛ Arelemgbunli Buluku ne anu.

Edwɛndolɛ Buluku ne 27:9

Mmaye ɛ nye ɛto ɛbɔ nu. Mmafa ɛya ɛfoa wɔ sonvolɛ, wɔmɔ yɛɛ wɔyɛ me boavolɛ a. Mmato me lɔ, mmamaa ɛ rɛle fi me. O me ngoanelielɛ Nyamenle!

Mrɛlɛbulɛ Buluku ne 17:3

Bɛfa senle a bɛsɔ dwɛtɛ fufule nee ezukoa nvutuke bɛnea a, yɛɛ Ɛdɛnkɛma a sɔ ahonle kɔsɔɔti nea a.

Zɛkalaya Buluku ne 13:9

Ekpunli ko ne mɔɔ tɔ zolɛ nsa bɔbɔ la, mebagua bɛ senle nu meadu bɛ nuhua, kɛmɔ bɛtu dwɛtɛ fufule nu la, na meazɔ bɛ meanlea, kɛmɔ bɛsɔ ezukoa nvutuke bɛnea la. Bɛbabɔ me duma bɛavɛlɛ me, na mebalie bɛ zo. Mebaha kɛ, ‘Bɛle me menli’ na bɛbaha kɛ, ‘Ɛdɛnkɛma le me Nyamenle.’ ”

Dw 15:5

“Mame a mele vanye baka ne a, yɛɛ bɛmɛ a bɛle ye ngane ne mɔ a. Mɔɔ kɛdɛnla me nu na menwɔdɛnla ye nu la bazo ma dɔɔnwo; ɔluakɛ saa menle nu a bɛ ngome bɛnrɛhola ɛhwee yɛ.

Mɛla 13:3

bɛmmatie Nyamenle kpɔmanvolɛ zɔhane anzɛɛ ahenle ne mɔɔ hanle ɛlalɛ ne la edwɛkɛ biala. Ɔluakɛ ɛnee Ɛdɛnkɛma bɛ Nyamenle ne lɛ ye ɛlɛsɔ bɛ anlea saa bɛfa bɛ ahonle muala nee bɛ ɛkɛla muala bɛkulo ye a.

Mɛla 8:16

Ɔmanle bɛ mana mɔɔ bɛ ze mɔ anli bie ɛlɛ la ɔmanle bɛlile wɔ ɛsɛlɛ ne azo, amaa yeabɛlɛ bɛ aze na yeazɔ bɛ yeanlea na awieleɛ ne yeayɛ bɛ boɛ.

Mɛla 8:2

Bɛhakye adenle mɔɔ Ɛdɛnkɛma bɛ Nyamenle ne ɛva bɛ ɛlua nu ɛvolɛ abulanla ye anu mɔɔ bɛluolua fienemgbole ne anu la. Ɔyɛle ɛhye kɛ ɔfa yeazɔ bɛ yeanlea yeanwu mɔɔ wɔ bɛ ahonle nu la, saa bɛkɛyɛ mɛlɛbɛnwoaze, bɛkɛli ye mɛla ne mɔ azo anzɛɛ bɛnrɛli zo a.

Gyemise Kɛlata ne 1:13

Saa awie kɔ ngyegyelɛ nu a ɔmmaka kɛ, “Nyamenle ɛlɛsɔ me anlea.” Ɔluakɛ ɛtane ɛngola ɛnzɔ Nyamenle ɛnnea yɛɛ Nyamenle mumua ne ɛnzɔ awie biala ɛnnea.

1 Pit 1:7

Ninyɛne ɛhye mɔ wɔ ɛkɛ kɛ bɛfa bɛazɔ bɛ diedi bɛanlea saa ɔgyi kpundii a. Ezukoa nvutuke bɔbɔ mɔɔ sɛkye la, bɛfa senle a bɛnea kɛ ɔle kpalɛ a; zɔhane ala yɛɛ ɔwɔ kɛ bɛ diedi ne mɔɔ hyia tɛla ezukoa nvutuke la bɛsɔ ye bɛnea a, amaa yeava ayɛlɛyelɛ, anyunlunyia, yɛɛ enililɛ yearɛlɛ bɛ wɔ Kenle ne mɔɔ Gyisɛse bara la.

Maanlebuvolɛma Buluku ne 16:20

Dɛlaela zele ye kɛ, “Samesɛn, Filisitiama ɛva wɔ aze!” Ɔvi nafelɛ nu ɔdwazole na ɔhanle kɛ, “Mefinde meahɔkpundi me nwo, kɛmɔ meyɛ ye dɛba ne ala la.” Ɛnee ɔnze kɛ Ɛdɛnkɛma ɛhwe ɔ nwo ɛvi ɔ nwo.