2 Edk 32:29 - BAEBOLO ANZƐƐ BULUKU NWUANZANWUANZA

²⁹ Eza noko ɔkyekyele azuamgbole mɔɔ le ye ɛdeɛ, na nlankɛ nee mboane ɛdeɛ bɛnga. Nyamenle manle ɔnyianle ɔ nwo kpole kpalɛ.

2 Edk 32:29 ပူးပေါင်းရင်းမြစ်များ

1 Edk 29:12

Anwonyia nee ezukoa kɔsɔɔti vi wɔ ɛkɛ; ɛfa wɔ anwosesebɛ nee tumi ɛsie debie biala. Ɛkola ɛmaa awie nyia anwosesebɛ na ɔyɛ kpole.

1 Edk 29:28

Ɔyɛle nwosonwoso na yeawu, ɔnyianle ɔ nwo yɛɛ bɛlile ye eni. Ɔ ra Sɔlɔmɔn a lile ye agya a.

2 Edk 17:5

Zɔhane ati Ɛdɛnkɛma manle maanle ne gyinlanle wɔ ye mekɛ zo, na Dwudama amuala rahyɛle ye ninyɛne. Ɔnyianle ɔ nyunlu na ɔnyianle anwonyia dɔɔnwo noko.

2 Edk 25:9

Amazaya bizale Nyamenle kpɔmanvolɛ ne kɛ, “Ɛnee akee dwɛtɛ fufule kilo apenle nsa ɛya nna ne mɔɔ medua memaa Yizilayɛ ɛlɔnema ne la, kɛ menyɛ ye ɛ?” Nyamenle kpɔmanvolɛ ne zele ye kɛ, “Ɛdɛnkɛma kola maa wɔ ɛhye anwo mɔnwo kɛyɛ nyɛ.”

2 Edk 26:10

Akee ɔsisile bie noko wɔ fienemgbole ne anu, na ɔdudule bula dɔɔnwo mɔɔ ko biala se kɔgua ko anu la, ɔboalekɛ ɛnee ɔlɛ nlankɛ dɔɔnwo wɔ adɔleɛ awoka ne mɔ abo nee fienemgbole ne anu. Ɔyɛle ɛhye, ɔboalekɛ ɔkulo egyinliyɛlɛ. Ɔlɛ ye ɛyazonlɛma yɛɛ menli mɔɔ nea yɛ ye vanye egyinli ne mɔ mɔɔ wɔ awoka ne mɔ azo la, yɛɛ ɔso ɛya wɔ ɛleka ne mɔ mɔɔ kye aleɛ la.

2 Edk 32:28

Eza ɔlɛ azua mɔɔ bɛfa ye abɛlɛ bɛgua nu, nwanye sua, yɛɛ nwole sua; akee nlankɛ nee mboane adunli.

Dwobu Buluku ne 1:3

Ɔlɛ mboane apenle nsuu, afunlumu apenle nsa, nlankɛ apenle ko, asoaso ɛya nnu, yɛɛ sonvolɛma dɔɔnwo; nrenya ɛhye le sukoavolɛ kpole tɛla awie biala mɔɔ wɔ Aduduleɛ la.

Dwobu Buluku ne 1:9

Seetan buale Ɛdɛnkɛma kɛ, “Na mgbane ala yɛɛ Dwobu sulo Nyamenle a?

Dwobu Buluku ne 42:12

Akee Ɛdɛnkɛma yilale Dwobu kpole kpalɛ dɛlale alumua ne; ɔnyianle mboane apenle ngoko bulu nee nna, afunlumu apenle nsia, nlankɛ nyinli apenle nwiɔ, yɛɛ asoaso mbelɛ apenle ko.

Mrɛlɛbulɛ Buluku ne 10:22

Ɛdɛnkɛma nyilalɛ maa sonla nyia ɔ nwo, yɛɛ ɔnva nyanelilɛ biala ɔmboka nwolɛ.

Mɛla 8:18

Bɛhakye Ɛdɛnkɛma bɛ Nyamenle ne, ɔluakɛ yemɔ yɛɛ ɔmaa bɛ anwosesebɛ ɔmaa bɛfa bɛnyia bɛ nwo a, amaa yeava yeamoa ye ngyekyeleɛ ne mɔɔ ɔvale ɔbɔle bɛ ze mɔ ɛwɔkɛ na ɔtɛda ɛkɛ ne la azo.

1 Sam 2:7

Ɔmaa bie mɔ di ehyia na bie mɔ nyia bɛ nwo, ɔbɛlɛ bie mɔ aze na ɔkpogya bie mɔ zo.