2 Edk 32:28 - BAEBOLO ANZƐƐ BULUKU NWUANZANWUANZA

²⁸ Eza ɔlɛ azua mɔɔ bɛfa ye abɛlɛ bɛgua nu, nwanye sua, yɛɛ nwole sua; akee nlankɛ nee mboane adunli.

2 Edk 32:28 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:14

“Yesakaa le asoaso mɔɔ anwo yɛ se a, Ɔla mboane tunli ne mɔ avinli.

2 Sam 7:8

“Yemɔti ka kile me sonvolɛ Devidi kɛ, medame Tumivolɛ Ɛdɛnkɛma mese, ‘Menyele wɔ menvile mboane ɛnleanlɛ zo wɔ fiene ne anu kɛ ɛrali me menli Yizilayɛma belemgbunli;

1 Arl 4:26

Sɔlɔmɔn lɛ mgbɔnwɔ mɔɔ twe konle ehwili la apenle ngoko abulanla yɛɛ ɔlɛ mgbɔnwɔ mɔɔ ɔtɛnla zolɛ la apenle ngoko bulu nee nwiɔ.

2 Edk 26:10

Akee ɔsisile bie noko wɔ fienemgbole ne anu, na ɔdudule bula dɔɔnwo mɔɔ ko biala se kɔgua ko anu la, ɔboalekɛ ɛnee ɔlɛ nlankɛ dɔɔnwo wɔ adɔleɛ awoka ne mɔ abo nee fienemgbole ne anu. Ɔyɛle ɛhye, ɔboalekɛ ɔkulo egyinliyɛlɛ. Ɔlɛ ye ɛyazonlɛma yɛɛ menli mɔɔ nea yɛ ye vanye egyinli ne mɔ mɔɔ wɔ awoka ne mɔ azo la, yɛɛ ɔso ɛya wɔ ɛleka ne mɔ mɔɔ kye aleɛ la.

2 Edk 32:27

Belemgbunli Hɛzikaya nyianle ɔ nwo kpole kpalɛ, yɛɛ eza ɔnyianle ɔ nyunlu. Akee ɔhyehyɛle gya ngakyile mɔɔ ɔfa ye dwɛtɛ fufule, ezukoa nvutuke, nee mgbɔba ɔsiezie nu a, ko biala nee ye gya; akee asolo ninyɛne evuanlɛ sua, bɛ sa nu enyinlike sua, yɛɛ ahyɛnze ngakyile mɔɔ awolɛ yɛ se la sua.

2 Edk 32:29

Eza noko ɔkyekyele azuamgbole mɔɔ le ye ɛdeɛ, na nlankɛ nee mboane ɛdeɛ bɛnga. Nyamenle manle ɔnyianle ɔ nwo kpole kpalɛ.