2 Edk 32:27 - BAEBOLO ANZƐƐ BULUKU NWUANZANWUANZA

²⁷ Belemgbunli Hɛzikaya nyianle ɔ nwo kpole kpalɛ, yɛɛ eza ɔnyianle ɔ nyunlu. Akee ɔhyehyɛle gya ngakyile mɔɔ ɔfa ye dwɛtɛ fufule, ezukoa nvutuke, nee mgbɔba ɔsiezie nu a, ko biala nee ye gya; akee asolo ninyɛne evuanlɛ sua, bɛ sa nu enyinlike sua, yɛɛ ahyɛnze ngakyile mɔɔ awolɛ yɛ se la sua.

2 Edk 32:27 ပူးပေါင်းရင်းမြစ်များ

2 Arl 20:13

Hɛzikaya liele menli mɔɔ bɛzoanle bɛ la gyɛlɛɛnye na ɔvale ye anwonyia muala, ye dwɛtɛ fufule, ezukoa nvutuke, ninyɛne evuanlɛ, nee ye ɛlɔne ninyɛne ɔhilele bɛ. Debie biala ɛnle ɛkɛ mɔɔ yeanva yeangile bɛ a. Ɔvale debie biala mɔɔ wɔ ye belemgbunli maanle ne anu la ɔhilele bɛ.

1 Edk 29:28

Ɔyɛle nwosonwoso na yeawu, ɔnyianle ɔ nwo yɛɛ bɛlile ye eni. Ɔ ra Sɔlɔmɔn a lile ye agya a.

2 Edk 1:12

meva nrɛlɛbɛ nee ndelebɛbo ne memaa wɔ. Mebamaa wɔ anwonyia nee agyadeɛ, na eza wɔanyia duma kpole mɔɔ arelemgbunli mɔɔ li ɛ nyunlu nee mɔɔ bavinde ɛ nzi la ɛnrɛnyia bie ɛlɛ a.”

2 Edk 17:5

Zɔhane ati Ɛdɛnkɛma manle maanle ne gyinlanle wɔ ye mekɛ zo, na Dwudama amuala rahyɛle ye ninyɛne. Ɔnyianle ɔ nyunlu na ɔnyianle anwonyia dɔɔnwo noko.

2 Edk 32:26

Na Hɛzikaya lunle ɔ nwo wɔ ye adubɛnwo ne anwo. Zɔhane ala yɛɛ menli mɔɔ wɔ Gyɛlusalɛm la amuala yɛle a. Yemɔti Ɛdɛnkɛma ɛya ne annyia amba bɛ nwo zo wɔ Hɛzikaya mekɛ zo toonwo ɔhɔle ayile nu.

2 Edk 32:28

Eza ɔlɛ azua mɔɔ bɛfa ye abɛlɛ bɛgua nu, nwanye sua, yɛɛ nwole sua; akee nlankɛ nee mboane adunli.

2 Edk 9:27

Na Sɔlɔmɔn manle dwɛtɛ fufule bule yɛle kɛ awolɛ la wɔ Gyɛlusalɛm, yɛɛ sida mbaka bule kɛ Hyifɛla sikamɔ mbaka.

Mrɛlɛbulɛ Buluku ne 10:22

Ɛdɛnkɛma nyilalɛ maa sonla nyia ɔ nwo, yɛɛ ɔnva nyanelilɛ biala ɔmboka nwolɛ.

Yizikeɛle Buluku ne 26:12

Ɛlɔnema ne bave bɛ nwo ninyɛne kɔsɔɔti, bɛ anwonyia nee bɛ ninyɛne adɔne, bɛbabubu bɛ azuamgbole bane ne mɔ nee bɛ azua ngɛnlɛma ne mɔ bɛagua. Bɛbavuandi bɛ awolɛ, dubinli nee ɛnwea bɛagua azule ne mɔ anu.

1 Sam 2:7

Ɔmaa bie mɔ di ehyia na bie mɔ nyia bɛ nwo, ɔbɛlɛ bie mɔ aze na ɔkpogya bie mɔ zo.