2 Edk 32:25 - BAEBOLO ANZƐƐ BULUKU NWUANZANWUANZA

²⁵ Noko kɛmɔ ɛnee mgbanyizonle ɛmaa Hɛzikaya andɛba ɛmemaa zolɛ la ati, yeanyɛ Nyamenle mo wɔ nyele ɛhye anwo. Yemɔti Nyamenle ɛya ne rale ɔdaye, Gyɛlusalɛmma, yɛɛ Dwudama amuala anwo zo.

2 Edk 32:25 ပူးပေါင်းရင်းမြစ်များ

2 Sam 24:1

Eza Ɛdɛnkɛma vale Yizilayɛma anwo ɛya bieko, na ɔmanle Devidi ahonle futule bɛ nwo. Ɔzele ye kɛ, “Kɔ kɔdia Yizilayɛma nee Dwudama kɔsɔɔti.”

2 Arl 14:10

Akee tie, Amazaya, kɛmɔ wɔli Yidɔmma anwo zo konim la ati yɛɛ ɛlɛtu ɛ nloa anu a. Maa ɛ kunlu ɛdwo ɛ nyunlu mɔɔ wɔnyia ye la anwo na tɛnla wɔ ɛleka bie. Duzu ati a ɛtwehwe munzule wɔamaa ɛ nwo nee wɔ menli ne ɛ?”

2 Arl 20:12

Mekɛ zɔhane ala anu Babelonia Belemgbunli Mɛlodake Baladan, mɔɔ ɔ ze a le Baladan la dele kɛ Belemgbunli Hɛzikaya anwo dole ye, yemɔti ɔvale kɛlata nee ahyɛlɛdeɛ ɔzoanle kɛ bɛva bɛhɔmaa ye.

2 Arl 20:13

Hɛzikaya liele menli mɔɔ bɛzoanle bɛ la gyɛlɛɛnye na ɔvale ye anwonyia muala, ye dwɛtɛ fufule, ezukoa nvutuke, ninyɛne evuanlɛ, nee ye ɛlɔne ninyɛne ɔhilele bɛ. Debie biala ɛnle ɛkɛ mɔɔ yeanva yeangile bɛ a. Ɔvale debie biala mɔɔ wɔ ye belemgbunli maanle ne anu la ɔhilele bɛ.

1 Edk 21:1

Akee Seetan dwazole kɛ ɔfa ngyegyelɛ yeara Yizilayɛ, na ɔlile Devidi adwenle kɛ ɔdia Yizilayɛma amuala.

2 Edk 19:2

Na Nyamenle sonla Gyihu, mɔɔ le Haneenae ara ne, hɔyiale ye na ɔbizale belemgbunli ne kɛ, “Asoo ɛnea a ɛnee ɔle kpalɛ kɛ ɔwɔ kɛ ɛboa amumuyɛma na ɛkɛhulo menli mɔɔ kyi Ɛdɛnkɛma la ɔ? Ɔlua ɛhye ati, Ɛdɛnkɛma ɛva ɛ nwo ɛya.

2 Edk 24:18

Bɛgyakyile ɛzonlenlɛ wɔ Ɛdɛnkɛma, bɛ ze mɔ Nyamenle ne Ɛzonlenlɛ Sua ne anu, na bɛhɔzonlenle bɛ bozonle raalɛ Ahyela ne ananze ne mɔ, na bɛzɔle mmonle. Na Nyamenle ɛya ne rale Gyɛlusalɛm amra nee Dwudama amuala anwo zo.

2 Edk 25:19

Wɔmɔ ɛse, ‘Nea, meli Yidɔmma anwo zo konim,’ ɛhye ati ɛ nzo ɛmemaa zolɛ, ɛ nwo ndɛkɛ ɛdwazo, ɛlɛtu ɛ nloa anu. Tɛnla aze die wɔ ɛnwomenle bie. Duzu ati a ɛlɛtwehwe ngyegyelɛ wɔamaa ɛ nwo nee Dwudama ɛ?”

2 Edk 26:16

Akee mɔɔ ye tumi ne wiele kpole yɛ la, Ɛzaya memanle ɔ nwo zo na ɔzɛkyele ɔ nwo. Ɔbɔle adalɛ ɔhilele Ɛdɛnkɛma ye Nyamenle ne na ɔhɔwolole Ɛdɛnkɛma Ɛzonlenlɛ Sua ne anu kɛ ɔkakpu ɛyɛlɛ wɔ ɛyɛlɛ azukponle ne azo.

2 Edk 32:31

Yemɔti mɔɔ soanvolɛma mɔɔ Babelɔn mgbanyinli zoanle bɛ la rale kɛ bɛbabiza bɛanwu debie mɔɔ ɛlɛkɔ zolɛ wɔ ye maanle ne anu la, Nyamenle gyakyile debie biala manle ɔdaye, ɔvale ɔzɔle ye ɔnleanle, amaa yeanwu mɔɔ wɔ ye ahonle nu la.

Ayezaya Buluku ne 39:1

Mekɛ ne ala anu, Babelonia Belemgbunli Mɛlodake Baladan, mɔɔ ɔ ze bɛfɛlɛ ye Baladan la dele kɛ Belemgbunli Hɛzikaya anwo dole ye na yede kpɔkɛ la, ɔvale kɛlata nee ahyɛlɛdeɛ ɔzoanle kɛ bɛva bɛhɔmaa ye.

Ayezaya Buluku ne 39:2

Hɛzikaya liele menli mɔɔ bɛzoanle bɛ la gyɛlɛɛnye na ɔvale ye anwonyia muala, ye dwɛtɛ fufule, ezukoa nvutuke, aledonlɛ ninyɛne evuanlɛ, nwole evuanlɛ, yɛɛ ye ɛlɔne ninyɛne kɔsɔɔti, debie biala mɔɔ wɔ ye konle ninyɛne ɛzielɛ ɛleka ne la ɔhilele bɛ. Debie biala ɛnle ye suakunlu ɛkɛ anzɛɛ ye maanle ne anu mɔɔ yeanva yeangile bɛ a.

Yizikeɛle Buluku ne 28:17

Ɛlile wɔ kɛnlɛma nzi ɛdule ɛ nwo, ɛlile wɔ kpoleyɛlɛ nzi ɛzɛkyele wɔ nrɛlɛbɛ. Menvuandinle wɔ mendole aze, menyele ɛ nwo zo ɛdanlɛ mengilele arelemgbunli kɛ bɛnlea wɔ.

Yizikeɛle Buluku ne 28:2

Ɔse, “Sonla ra, ka kile Taya belemgbunli ne kɛ, medame Awulae Nyamenle mese: Kɛmɔ ɛtu ɛ nwo la ati, wɔha mgbole kɛ, ‘Medame, mele nyamenle, mede nyamenle ne mɔ kɔsɔɔti ebia nu, wɔ nyevile kunlu nehane,’ noko ɛle sonla, ɛnle nyamenle. Ɛyɛ ɛ nwo kɛ ɛze nrɛlɛbɛ kɛ nyamenle bie,

Yizikeɛle Buluku ne 28:5

Wɔ gualilɛ nu nrɛlɛbɛ kpole ne mɔɔ ɛlɛ la ati, wɔ anwonyia ɛzo dɔɔnwo, na ɔmaa ɛmemaa ɛ nwo zo.

Yizikeɛle Buluku ne 31:10

“Yemɔti, medame Awulae Nyamenle, mese: Kɛmɔ ɔnyinle ɔyɛle tendenle na ɔ ti dwule amungu ne mɔ anu, na ɔmemanle ɔ nwo zo wɔ ye tendenle ne ati la,

Daneɛle Buluku ne 11:12

Ɔbali fɛlɛko kɛ yeli Selea ɛlɔnema pemgbenleamgbe ne anwo zo konim na yehu menli apenle apenle bulu bulu a, noko ye konimlilɛ ne ɛnrɛhyɛ.

Daneɛle Buluku ne 5:20

Ɔ ti anu yɛle ye fɛ manle ɔmemanle ɔ nwo zo, ɔyɛle anzosesebɛ, yemɔti bɛliele ye belemgbunlililɛ ne wɔ ɔ sa nu na bɛyele ye anyunlunyia ne.

Daneɛle Buluku ne 5:23

na wɔhakyi ɛ nzi wɔzi Anwuma Nyamenle ne. Bɛva ahɔpo ne mɔ mɔɔ wɔ Ɛdɛnkɛma Ɛzonlenlɛ Sua ne anu la bɛrɛlɛ wɔ na ɛ nee wɔ mgbanyima, wɔ mraalɛ, yɛɛ wɔ mgbɔnla ne mɔ ɛnlo nu. Wɔye dwɛtɛ fufule, ezukoa nvutuke, kɔbele, bulalɛ, baka, yɛɛ bolɛ awozonle ne mɔ mɔɔ ɛnnwu debie, ɛnde edwɛkɛ, ɛnze ɛhwee la ayɛlɛ wɔgyakyi Nyamenle ne mɔɔ wɔ ngoane nee wɔ ndenle kɔsɔɔti wɔ ɔ sa nu la.

Hozia Buluku ne 14:2

Bɛzia bɛhɔ Ɛdɛnkɛma ɛkɛ na bɛva nzɛlɛlɛ ɛhye bɛdo ɔ nyunlu: “Fa yɛ ɛtane kɔsɔɔti kyɛ yɛ; die mɔɔ le kpalɛ la, na yɛbaye wɔ ayɛlɛ.

Habakɛke Buluku ne 2:4

Nea, awie biala mɔɔ ɛnle tenlene la bakpo aze, noko tenlenenli ne balua ye diedi zo anyia ngoane.”

2 Kɔl 12:7

Amaa me ti anu anyɛ me fɛ na meadu me nwo wɔ nwanwane ninyɛne dɔɔnwo ne mɔ mɔɔ Nyamenle ɛye ɛhile me la anwo la, bɛwulale debie me nwonane ye anu, Seetan soanvolɛ bie ɔ, ɔgyegye me na ɔbɛlɛ me aze, amaa meandu me nwo.

Mɛla 32:6

Bɛmɛ menli ahɔnwɔne mɔɔ ɛnlɛ adwenle a, asoo bɛ mo mɔɔ bɛyɛ Ɛdɛnkɛma la ɛne. Asoo tɛ yemɔ yɛɛ ɔle bɛ ze, mɔɔ bɔle bɛ, na ɔyɛle bɛ maanle la?

Mɛla 8:17

Bɛnlea boɛ na bɛanga ye bɛ ahonle nu kɛ, ‘Yɛdayɛ yɛ anwosesebɛ nee yɛ mɔdenlebɔ zo yɛɛ yɛlua mɔɔ yɛnyia yɛ nwo a.’

1 Tem 3:6

Ɔnle kɛ ɔyɛ sonla mɔɔ rale asɔne ne anu la ɛtɛkyɛle a, anrɛɛ ɔkɛmemaa ɔ nwo zo ɔkɛmaa bɛkɛbua ye fɔlɛ kɛ bɛbua Abɔnsam la.