2 Edk 32:23 - BAEBOLO ANZƐƐ BULUKU NWUANZANWUANZA

²³ Menli dɔɔnwo vale ahyɛlɛ ninyɛne rɛlɛle Ɛdɛnkɛma wɔ Gyɛlusalɛm. Eza bɛvale ninyɛne mɔɔ sonle bolɛ la bɛrahyɛle Dwuda Belemgbunli Hɛzikaya. Na ɔvi mekɛ zɔhane mɔɔ kɔ la, ɔnyianle ɔ nyunlu kpole kpalɛ wɔ maanle maanle avinli.

2 Edk 32:23 ပူးပေါင်းရင်းမြစ်များ

1 Arl 10:10

Akee ɔhyɛle Belemgbunli Sɔlɔmɔn ninyɛne: ezukoa nvutuke mɔɔ bo tone nu kilo apenle nna yɛɛ ninyɛne evuanlɛ mɔɔ bɛfa bɛto aleɛ la dɔɔnwo nee awolɛ mɔɔ sonle bolɛ la. Hyiba belemgbunli raalɛ ne ninyɛne evuanlɛ mɔɔ ɔvale ɔrahyɛle Sɔlɔmɔn la bo ahyɛlɛdeɛ biala mɔɔ sumunli kɛ ɔralile ebia ne la bɛva bɛhyɛ ye la azo.

1 Arl 10:25

Awie biala mɔɔ rale Sɔlɔmɔn ɛkɛ ne la vale ye ahyɛlɛdeɛ mɔɔ le dwɛtɛ fufule nee ezukoa nvutuke, adɛladeɛ, konle ninyɛne, ninyɛne evuanlɛ mɔɔ bɛfa bɛto aleɛ, alufuanlɛ, mgbɔnwɔ nee mgbɔnwɔndua la rale. Ɛhye hɔle zolɛ ɛvolɛ biala.

1 Arl 4:21

Sɔlɔmɔn ziele maanle ne kɔsɔɔti, ɛbɔ ye Azule Yufileti mɔɔ bagua Filisitiama azɛlɛ zo, ɔdwu Yigyibiti ɛweɛne zo amuala la rahotole Sɔlɔmɔn na bɛduale adwule mɔɔ fɛta la bɛmanle ye.

2 Arl 19:30

Bɛdabɛ mɔɔ bɛwɔ Dwuda na bɛ nwo kɛvi nu la bakpazi kɛ mbaka mɔɔ bɛ ndinli dwu azɛlɛ bo la na bɛazo ma.

1 Edk 29:25

Ɛdɛnkɛma manle Sɔlɔmɔn anwo yɛle maanlema ne kɔsɔɔti ɛzulolɛ, na ɔmanle ɔnyianle ɔ nyunlu ɔdɛlale Yizilayɛ belemgbunli biala.

2 Edk 1:1

Devidi ara Sɔlɔmɔn agyakɛ dwule aze na ɔ sa yiale ye belemgbunli maanle ne. Ɛdɛnkɛma ye Nyamenle ne nee ye luale na ɔmanle ɔyɛle sonlakpole.

2 Edk 17:11

Filisitiama bie mɔ bɔbɔ vale ahyɛlɛ ninyɛne rɛlɛle Gyɛhɔhyafate. Eza bɛrɛlɛle ye dwɛtɛ fufule. Arelabema rɛlɛle ye mboane apenle nsuu ɛya nsuu yɛɛ mbɔnkye nyinli apenle nsuu ɛya nsuu.

2 Edk 17:5

Zɔhane ati Ɛdɛnkɛma manle maanle ne gyinlanle wɔ ye mekɛ zo, na Dwudama amuala rahyɛle ye ninyɛne. Ɔnyianle ɔ nyunlu na ɔnyianle anwonyia dɔɔnwo noko.

2 Edk 9:24

Ko biala mɔɔ rale la rahyɛle Sɔlɔmɔn ninyɛne mɔɔ bɛva dwɛtɛ fufule nee ezukoa nvutuke bɛyɛ la, adɛladeɛ, alufuanlɛ, ninyɛne mɔɔ bɛfa bɛto aleɛ, mgbɔnwɔ, yɛɛ mgbɔnwɔndua. Ɛhye hɔle zolɛ ɛvolɛ biala.

Ɛzela Buluku ne 7:27

Na Ɛzela zele kɛ, “Ayɛlɛyelɛ ɛha Ɛdɛnkɛma, yɛ nlenya mɔ Nyamenle ne. Yemaa Maanle Maanle Belemgbunli ne ahonle kpalɛ kɛ ɔli Ɛdɛnkɛma Ɛzonlenlɛ Sua ne mɔɔ wɔ Gyɛlusalɛm la eni wɔ adenle zɛhae anu.

Edwɛndolɛ Buluku ne 68:29

Wɔ Ɛzonlenlɛ Sua ne mɔɔ wɔ Gyɛlusalɛm la ati, arelemgbunli soa ahyɛlɛ ninyɛne bɛlɛ wɔ.

Edwɛndolɛ Buluku ne 72:10

Maa Sepeen nee bɔra ne mɔ arelemgbunli ɛdua adwule ɛmaa ye, na Areleebea nee Yiteɔpea arelemgbunli ɛhyɛ ye ninyɛne.

Edwɛndolɛ Buluku ne 76:11

Maa wɔ ɛwɔkɛbɔlɛ ne ɛdwu Ɛdɛnkɛma wɔ Nyamenle ne ɛkɛ, na ye bɛ muala; maa bɛdabɛ mɔɔ bɛbikye ye la ɛva bɛ ahyɛlɛdeɛ ɛrɛlɛ ye, yemɔ yɛɛ ɔwɔ kɛ bɛsulo ye a.

Edwɛkpa ne kɛmɔ Mateyu hɛlɛle la 2:11

Bɛwolole sua ne anu na bɛnwunle kakula ne nee ɔ nli Mɛle, na bɛbutule bɛzonlenle ye. Akee bɛzianyinli bɛ awɔlɛ ne mɔ anu na bɛhyɛle ye ezukoa nvutuke, ɛyɛlɛ, yɛɛ alufuanlɛ.