2 Edk 32:21 - BAEBOLO ANZƐƐ BULUKU NWUANZANWUANZA

²¹ Na Nyamenle manle ye soanvolɛ rahunle Aseleama safohyenlema nee mgbanyima nee katakyiema kɔsɔɔti mɔɔ wɔ Aseleama azokoɛleɛ ne la. Yemɔti Aselea belemgbunli ne vale nyiane ziale hɔle ye maanle nu. Mɔɔ ɔhɔdwule ye bozonle ne anyunlu la, ɔdaye ɔ kunlu mralɛ mrenya ne bie mɔ rahunle ye.

2 Edk 32:21 ပူးပေါင်းရင်းမြစ်များ

2 Sam 24:16

Na mɔɔ Nyamenle soanvolɛ ne dendenle ɔ sa kɛ ɔbɔ Gyɛlusalɛm la, Ɛdɛnkɛma hakyile ye adwenle wɔ suakpole ne ɛzɛkyelɛ nwo na ɔzele Nyamenle soanvolɛ ne kɛ, “Gyakyi! Ɛhye ala le kpalɛ!” Ɛnee Nyamenle soanvolɛ ne wɔ Gyibɛsenli Alɔna ma ɛwozolɛ ɛleka ne.

2 Arl 19:20

Akee Ayezaya zoanle manle bɛhɔzele Belemgbunli Hɛzikaya kɛ Ɛdɛnkɛma Yizilayɛ Nyamenle ne ɛbua ye nzɛlɛlɛ ne anwo. Ɔse, “Mede wɔ nzɛlɛlɛ ne mɔɔ fane Aselea Belemgbunli Sɛnakɛlebe anwo la.

2 Edk 32:20

Na Belemgbunli Hɛzikaya nee Emɔzo ara Nyamenle kpɔmanvolɛ Ayezaya zɛlɛle ɛhye anwo, na bɛzunle bɛvɛlɛle Nyamenle.

2 Edk 32:22

Yemɔti Ɛdɛnkɛma liele Hɛzikaya nee Gyɛlusalɛmma vile Aselea Belemgbunli Sɛnakɛlebe asa anu nee ye kpɔvolɛma amuala asa anu, na ɔmanle bɛnyianle anzonudwolɛ.

Dwobu Buluku ne 9:4

Ɔle nrɛlɛbɛvolɛ, yɛɛ ye anwosesebɛ le bedevinli; nwane a nee ye ɛdwudwu na yenyia gyinlagyakɛ a?

Edwɛndolɛ Buluku ne 132:18

Mebamaa ye kpɔvolɛma abɔ anyiemgba, na meamaa ye belemgbunlililɛ ayɛ kpole.”

Edwɛndolɛ Buluku ne 18:50

Nyamenle maa ye belemgbunli ne di konim mgbole; ɔkile ye ɛhulolɛ kpundii ne ɔmaa sonla ne mɔɔ yekpa nu yeye ye, Devidi nee ɔ bo zo amra, wɔ mekɛ mɔɔ ɛnlɛ awieleɛ la.

Edwɛndolɛ Buluku ne 44:15

Alehyenlɛ muala nyiane ala a ku me a; nyiane ɛkpɔlɔ me betaa,

Edwɛndolɛ Buluku ne 76:12

Yemɔ yɛɛ ɔbɛlɛ arelemgbunli aze a, ɔ nwo yɛ ɛzulolɛ maa aleɛabo arelemgbunli.

Edwɛndolɛ Buluku ne 76:5

Bɛkpokpole akɛnrasesebɛma bɛliele bɛ sa nu ninyɛne; bɛguale aze bɛwule; ɛlɔnema ne amuala annyia gyinlagyakɛ.

Edwɛndolɛ Buluku ne 76:6

O Gyekɔbo Nyamenle, ɛdeanle bɛ nu ala la, ɛkpɔnwɔ nee ye kavolɛ ne dule guale.

Edwɛndolɛ Buluku ne 76:7

Na wɔmɔ, ɛ nwo yɛ ɛzulolɛ kpole! Saa ɛfa ɛya a nwane a kɛhola kɛgyinla ɛ nyunlu a?

Mrɛlɛbulɛ Buluku ne 11:2

Saa adubɛnwo yɛ kpole a, anyiemgba a li ɔ nzi a; na mɔɔ le bɛlɛvo la nwu nrɛlɛbɛ.

Mrɛlɛbulɛ Buluku ne 16:18

Adubɛnwo sɛkye sonla, yɛɛ bɛ nwo zo ɛmemanlɛ maa sonla tu koti.

Ayezaya Buluku ne 10:8

ɔluakɛ ɔse, “Asoo me safohyenlema mgbanyinli ne mɔ amuala ɛnle arelemgbunli?

Ayezaya Buluku ne 14:25

Mebazɛkye Aseleama mɔɔ wɔ me azɛlɛ ne azo, mebaye me menli ne akɔme kpomgbolo na meazokoɛ bɛ adesoa.

Ayezaya Buluku ne 36:9

Na saa bɛdabɛ mumua ne bɛ rɛle wɔ Yigyibitima anu kɛ bɛkɛmaa bɛ konle ehwili nee menli mɔɔ ka mgbɔnwɔ la a ɛnee kɛ bɛsi bɛte me menle ne safohyenlema ne mɔ anu ekyi ko bɔbɔ anwo atua ɛ?

Ayezaya Buluku ne 37:21

Akee Ayezaya zoanle manle bɛhɔzele Belemgbunli Hɛzikaya kɛ, “Ɛdɛnkɛma, Yizilayɛ Nyamenle ne se, ‘Mede wɔ nzɛlɛlɛ ne mɔɔ fane Aselea Belemgbunli Sɛnakɛlebe anwo la.’

Ayezaya Buluku ne 42:8

“Medame a mele Ɛdɛnkɛma a, me duma ɛne! Menva me anyunlunyia memmaa awie, yɛɛ menva me ayɛlɛyelɛ memmaa ananze mɔɔ bɛgua.

Gyɛlɛmaya Buluku ne 21:2

“Babelonia Belemgbunli Nɛbukadenɛza ɛlɛfa konle aradoa yɛ. Yemɔti biza Ɛdɛnkɛma maa yɛ saa ɔkɛlua ye nwanwane adenle ne azo ɔkɛmaa ɔkɛgyakyi yɛ nwo zo ɛralɛ a.”

Daneɛle Buluku ne 3:28

Belemgbunli Nɛbukadenɛza zele kɛ, “Ayɛlɛyelɛ ɛha Hyeedelake, Mihyake, yɛɛ Abɛdenɛgo Nyamenle ne. Ye sonvolɛma ne dule bɛ gye kɛ bɛnrɛli me mɛla ne azo, yɛɛ bɛnrɛdu bɛnrɛgua bɛnrɛzonle nyamenle biala kɛ bɛ Nyamenle ɛdeɛ ne ala. Bɛliele bɛ Nyamenle ne bɛlile na bɛvale bɛ nwonane bɛdole nzeleba, na amgba Nyamenle ɛzoa ye soanvolɛ yemaa yeralie bɛ.

Daneɛle Buluku ne 6:22

Me Nyamenle ne zoanle ye soanvolɛ manle ɔratotole awenade ne mɔ anloa anu, yemɔti bɛanva bɛ nloa bɛanga me. Ɔluakɛ medi benle wɔ me Nyamenle ne anyunlu yɛɛ medi benle wɔ ɛdawɔ noko ɛ nyunlu. Nana, metɛyɛle ɛtane biala.”

Ɛzoanvolɛma Gyima ne 12:23

Na arɛlevilɛ nu ala Awulae soanvolɛ rabɔle Hɛlɔdo dole aze manle ɔ nwo dole ye, ɔlɔle azonlɛ na ɔwule, ɔluakɛ yeanva anyunlunyia yeammaa Nyamenle.