2 Edk 32:17 - BAEBOLO ANZƐƐ BULUKU NWUANZANWUANZA

¹⁷ Na ngɛlata mɔɔ Aselea belemgbunli ne hɛlɛhɛlɛle la anu, ɔhehanle ɛtane ɛtane ɔtietiale Ɛdɛnkɛma, Yizilayɛ Nyamenle ne ɔzele kɛ, “Kɛmɔ nyamenle ne mɔ mɔɔ wɔ maanle ɛhendeɛ ne mɔ anu la angola anlie bɛ maanlema la, zɔhane ala yɛɛ Hɛzikaya Nyamenle ne ɛnrɛhola ɛnrɛlie ye menli ne ɛnrɛvi me sa nu a.”

2 Edk 32:17 ပူးပေါင်းရင်းမြစ်များ

2 Arl 19:11

Wɔde mɔɔ Aselea belemgbunli fa yɛ azuamgbole mɔɔ ɔkulo kɛ ɔsɛkye bɛ la. Ɛdwenle kɛ ɛkɛvi ɛsalɛ ɔ?

2 Arl 19:12

Me mgbanyima a zɛkyele azuamgbole Gozan, Hɛlan, yɛɛ Rilizɛfe na ɔhunle Bɛtɛdɛnema mɔɔ de Telasaa la, noko bɛ awozonle ne mɔ biala angola anlie bɛ.

2 Arl 19:14

Belemgbunli Hɛzikaya liele kɛlata ne wɔ menli mɔɔ bɛzoanle bɛ la asa anu ɔgengale. Akee ɔhɔle Ɛzonlenlɛ Sua ne anu na ɔvale kɛlata ne ɔdole Ɛdɛnkɛma anyunlu ɛkɛ.

2 Arl 19:22

Nwane a ɛdwenle kɛ wɔgolo ɔ nwo wɔyɛ ye aholoba la? Wɔambu medame, Yizilayɛ Nyamenle Nwuanzanwuanza ne bie.

2 Arl 19:28

Wɔ ɛya kpole ne nee wɔ adubɛnwo ne anwo edwɛkɛ ɛdwu me nzo nu. Kɛkala, mebava koba meazɔ ɛ bonyi, meava kɔleɛ meatosa ɛ kɔmenzia na meahwili wɔ mealua ɛleka mɔɔ ɛpenle ɛrale la meahɔ.”

2 Arl 19:9

Nrɛlaleɛ radole Aseleama kɛ, Yigyibiti ɛlɔnema mɔɔ Sudan Belemgbunli Tɛheeka a li bɛ ti la ɛlɛba aradoa bɛ nee bɛ aho. Aselea belemgbunli ne dele ɛhye la ɔvale kɛlata ɔmanle bɛhɔmanle Dwuda Belemgbunli Hɛzikaya

2 Edk 32:14

Awozonle mɔɔ wɔ maanle zɔhane mɔ mɔɔ egya mɔ zɛkyele bɛ la anu la, boni yɛɛ holale liele ye menli ne vile me sa nu a, mɔɔ bɛmɛ bɛ Nyamenle ne kɛhola kɛlie bɛ kɛvi me sa nu a?

2 Edk 32:16

Na Aselea belemgbunli ne soanvolɛma ne hehanle ɛtane ɛtane kpole mɔɔ tɛla ɛhye la tietiale Ɛdɛnkɛma Nyamenle nee ye sonvolɛ Hɛzikaya.

Nihɛmaya Buluku ne 6:5

Fane nnu ne azo Sanebalate zoanle ye sonvolɛ manle ɔvale kɛlata mɔɔ ɛnee ɔkpondɛ kɛ nuhua edwɛkɛ ne yɛ baguasee la ɔrɛlɛle me.

Ayezaya Buluku ne 10:15

Ɛdɛnkɛma ɛlɛbiza kɛ, “Asoo akuma baha kɛ ɔ nwo yɛ se tɛla ahenle mɔɔ ɛlɛfa ye abu baka la? Asoo sɛlada bamemaa ɔ nwo zo ahile ahenle mɔɔ ɛlɛfa ye apɛ baka la? Asoo baka anzɛɛ kpɔma kola sonla zo maa? Sonla a maa baka anzɛɛ kpɔma zo a.”

Ayezaya Buluku ne 37:14

Belemgbunli Hɛzikaya liele kɛlata ne mɔɔ soanvolɛma ne nee ye rale la na ɔgengale. Akee ɔhɔle Ɛdɛnkɛma Ɛzonlenlɛ Sua ne anu na ɔvale kɛlata ne ɔdole Ɛdɛnkɛma anyunlu ɛkɛ,

Yekile 13:6

Ɔdendɛle ɛtane ɔtiale Nyamenle, ɔbɔle ye duma ɛtane, na ɔhanle munzule edwɛkɛ ɔtiale ɛleka mɔɔ ɔde, nee bɛdabɛ mɔɔ bɛwɔ anwuma lɔ la amuala.

1 Sam 17:26

Devidi bizale menli mɔɔ gyigyi ɔ nwo ɛkɛ ne la kɛ, “Duzu ahyɛlɛdeɛ a sonla mɔɔ kɛhu Filisitianli ye na ɔkɛlie Yizilayɛma ɔkɛvi anyiemgba ɛhye anu la banyia a? Ɔluakɛ, Filisitianli ɛhye mɔɔ ɛnze Nyamenle la a le nwane, mɔɔ ɔdaye bɔbɔ ɔwɔ kɛ ɔko ɔtia tease Nyamenle ne ɛlɔnema a?”

1 Sam 17:36

Wɔ sonvolɛ ɛhu awenade nee bedi mɔ, na Filisitianli ɛhye mɔɔ ɛnze Nyamenle la bawu kɛ awenade anzɛɛ bedi ne mɔ ko ala la, ɔluakɛ yeanli tease Nyamenle ne ɛlɔnema ne eni.