2 Edk 32:15 - BAEBOLO ANZƐƐ BULUKU NWUANZANWUANZA

¹⁵ Zɔhane ati bɛmmamaa Hɛzikaya bɛlɛbɛla bɛ na ɔfa ɛhye ɔta bɛ nye zo. Bɛmmadie ye bɛdi, ɔluakɛ maanle biala anu nyamenle ɛtɛkolale ɛtɛdiele ye menli anzɛɛ ye maanle ɛtɛfile me anzɛɛ egya asa anu. Ɛnee kɛ ɔkɛyɛ na bɛ Nyamenle ne ahola alie bɛ avi me sa nu ɛ?”

2 Edk 32:15 ပူးပေါင်းရင်းမြစ်များ

1 Arl 22:22

Ɛdɛnkɛma bizale ye kɛ, ‘Ɛnee kɛ ɛbazi wɔabɛlɛbɛla ye ɛ?’ Sunsum ne buale kɛ, ‘Mebava adalɛ edwɛkɛ meaduodua Nyamenle kpɔmanvolɛma ne amuala anloa.’ Na Nyamenle zele sunsum ne kɛ, ‘Kɔ zolɛ bɛlɛbɛla Ehabe na ɛ sa baha ye.’ ”

2 Arl 18:29

Ɔlɛkakye bɛ kɛ bɛmmamaa Hɛzikaya bɛlɛbɛla bɛ. Hɛzikaya ɛnrɛhola ɛnrɛlie bɛ,

2 Arl 19:10

kɛ, “Saa wɔ nyamenle ne mɔɔ wɔva ɛ rɛle wɔwula ye nu la ɛze wɔ kɛ me sa ɛnrɛha wɔ a ɛnee mmamaa ɔyɛ wɔ fɛ somaa.

2 Edk 32:11

Bɛnnwu ye kɛ Hɛzikaya ɛlɛbɛlɛbɛla bɛ yeamaa ɛhɔne nee nzuhɔne ngome akee ahu bɛ, yemɔti a ɔlɛka yeahile bɛ kɛ, ‘Ɛdɛnkɛma yɛ Nyamenle ne balie yɛ avi Aselea belemgbunli ne asa anu’ a?

2 Edk 32:16

Na Aselea belemgbunli ne soanvolɛma ne hehanle ɛtane ɛtane kpole mɔɔ tɛla ɛhye la tietiale Ɛdɛnkɛma Nyamenle nee ye sonvolɛ Hɛzikaya.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:10

Na belemgbunli ne zele bɛ kɛ, “Meka Ɛdɛnkɛma kɛ menrɛmaa bɛ nee mraalɛ nee ngakula ne mɔ ɛnrɛhɔ fee. Bɛlɛ adwenle ɛtane wɔ bɛ ti anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:2

Na belemgbunli ne bizale bɛ kɛ, “Ɛdɛnkɛma a le nwane, mɔɔ ɔwɔ kɛ metie ye na memaa Yizilayɛma kɔ a? Menze Ɛdɛnkɛma; yɛɛ akee bɔbɔ menrɛmaa Yizilayɛma ɛnrɛhɔ fee.”

Ayezaya Buluku ne 36:18

Bɛnlea na Hɛzikaya ambɛlɛbɛla bɛ anga kɛ Ɛdɛnkɛma balie bɛ. Maanle maanle dɔɔnwo awozonle angola anlie bɛ anvi Aselea belemgbunli ne asa anu.

Yizikeɛle Buluku ne 35:13

Bɛmemanle bɛ nwo zo, bɛhehanle mgbole bɛtietiale me, na bɛhehanle edwɛkɛ dɔɔnwo bɛtietiale me. Mendele.

Daneɛle Buluku ne 3:15

Saa mekɛ biala bɛte aweɛne ndendenle ne, fulutu, getaa ngyikyi nee mgbole, ɛweɛne, yɛɛ agole ngakyile ne mɔ ane na bɛkɛdu bɛkɛgua, bɛkɛzonle ananze ne mɔɔ memaa bɛzie la a, ɛnee bɛ kɔme doa zolɛ. Na saa bɛanli zolɛ a, bɛbavuandi bɛ bɛagua sendɔlɔra nu bɛayela bɛ. Ɛkɛ yɛɛ bɛbahile nyamenle holɛ ko mɔɔ balie bɛ la a.”

Daneɛle Buluku ne 8:11

Ɔmemanle ɔ nwo zo wɔ anwuma ɛlɔnema Safohyenle ne bɔbɔ anyunlu. Ɔliele ye dahudahu ɛyelalɛ azubɔdeɛ ne ɔ sa nu, na ɔzɛkyele ye ɛleka nwuanzanwuanza ne.

Ɛzoanvolɛma Gyima ne 19:26

Na bɛdabɛ bɛnwu ye yɛɛ eza bɛde nyɛleɛ mɔɔ Pɔɔlo ye ɛlɛyɛ la; asɛɛ yehakyi bɛdabɛ mɔɔ bɛwɔ Ɛfɛsɛse ɛke, nee Ehyea maanzinli ye anu la amuala adwenle kɛ ananze mɔɔ sonla ɛva ɔ sa ɛyɛ la ɛnle nyamenle fee.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:10

Ɛnee ɔyɛ bɛ kɛ kɛkala akee mekpondɛ menli nganvolɛ, anzɛɛ Nyamenle nganvolɛ ɔ? Anzɛɛ mekpondɛ me nyunlu wɔ menli nu ɔ? Kyɛkyɛ! Saa mekpondɛ me nyunlu wɔ menli nu a, ɛnee menle Kelaese akɛlɛ.