2 Edk 32:12 - BAEBOLO ANZƐƐ BULUKU NWUANZANWUANZA

¹² Tɛ Hɛzikaya ɛhye ala a ɛbubu bɛ azukponle nee ɛleka ne mɔ mɔɔ bɛsonle la ɛgua, na yeze bɛdabɛ mɔɔ bɛwɔ Dwuda nee Gyɛlusalɛm amuala la kɛ azukponle kokye ala azo yɛɛ ɔwɔ kɛ bɛbɔ azu na bɛsonle la ɔ?

2 Edk 32:12 ပူးပေါင်းရင်းမြစ်များ

1 Arl 7:48

Sɔlɔmɔn eza manle bɛyɛle ezukoa nvutuke ninyɛne bɛvale bɛzieziele Ɛzonlenlɛ Sua ne anu. Bɛmɛ a le: azukponle ne, ɛkponle ne mɔɔ bɛfa kpanwo ne mɔɔ bɛva bɛbɔ azu bɛmaa Nyamenle la bɛgua zo la,

2 Arl 18:22

Aselea safohyenle ne eza zɔle zo kɛ, “Anzɛɛ bɛka bɛahile me kɛ bɛ rɛle wɔ Ɛdɛnkɛma bɛ Nyamenle ne anu ɔ? Tɛ Ɛdɛnkɛma azua ne yɛɛ ye azukponle ne mɔ a Hɛzikaya ɛmaa bɛbubu bɛ na yeze Dwudama amuala nee bɛdabɛ mɔɔ bɛwɔ Gyɛlusalɛm ɛke la kɛ azukponle ne mɔɔ wɔ Gyɛlusalɛm ɛke la azo ala a ɔwɔ kɛ bɛbɔ azu na bɛsonle la ɔ?

2 Arl 18:4

Ɔzɛkyele awozonle ɛzonlenlɛ ɛleka ne mɔ, ɔbubule awolɛ mpila ne mɔ na ɔzɛkyele bozonle raalɛ Ahyela ne ananze ne mɔ. Eza ɔbubule kɔbele ɛwɔlɛ ne mɔɔ Mosisi yɛle mɔɔ bɛvɛlɛle ye Nehɛhyetan la, ɔluakɛ ɛnee menli kɔkpu ɛyɛlɛ wɔ ɛkɛ ne sonle ye.

2 Edk 30:14

Bɛkpale bɛguale na bɛdudule azukponle dɔɔnwo ne mɔ mɔɔ wɔ Gyɛlusalɛm mɔɔ bɛyela ɛyɛlɛ zo la amuala na bɛhɔvuandinle bɛ bɛguale Kedelɔn bɔnza ne anu.

2 Edk 31:1

Mɔɔ ɛhye mɔ amuala wiele la, Yizilayɛma mɔɔ rale la hɔle Dwuda azuamgbole ne mɔ azo, bɛhɔbubule mpila ne mɔ mɔɔ bɛsisi, bɛ bozonle raalɛ Ahyela ne ananze ne mɔ, ɛleka ne mɔ mɔɔ menli mɔɔ ɛnze Nyamenle la sonle la, nee azukponle ne mɔ kɔsɔɔti mɔɔ wɔ Dwuda nee Bɛngyaman maanzinli ne mɔ anu, nee Yifelaem nee Manasɛ maanzinli ne mɔ anu la amuala. Akee awie biala hɔle ye sua zo.

2 Edk 32:11

Bɛnnwu ye kɛ Hɛzikaya ɛlɛbɛlɛbɛla bɛ yeamaa ɛhɔne nee nzuhɔne ngome akee ahu bɛ, yemɔti a ɔlɛka yeahile bɛ kɛ, ‘Ɛdɛnkɛma yɛ Nyamenle ne balie yɛ avi Aselea belemgbunli ne asa anu’ a?

2 Edk 33:17

Noko menli ne hɔle zolɛ bɔle azu wɔ ɛleka gyɛne gyɛne manle Ɛdɛnkɛma bɛ Nyamenle ne.

2 Edk 4:1

Belemgbunli Sɔlɔmɔn manle bɛyɛle kɔbele azukponle mɔɔ ye tɛtɛlɛ nee ye tendenle sɛ la. Ye tɛbanu ko biala le mita ngɔnla, yɛɛ ye anwumahɔlɛ le mita nna nee foa ko.

Ayezaya Buluku ne 36:7

Aselea kpanyinli ne vale zɔle zolɛ kɛ, “Saa bɛka bɛkile me kɛ, ‘Yɛ rɛle wɔ Ɛdɛnkɛma yɛ Nyamenle ne nu’ a, ɛnee mebiza bɛ kɛ: asoo tɛ ye azukponle a Hɛzikaya ɛzɛkye bɛ wɔ ɛleka ɛleka mɔɔ bɛsonle ye, na yeze Dwudama nee Gyɛlusalɛmma kɛ ɔwɔ kɛ bɛsonle ye wɔ azukponle kokye anwo la ɔ?