2 Edk 31:5 - BAEBOLO ANZƐƐ BULUKU NWUANZANWUANZA

⁵ Mɔɔ edwɛkɛ ɛhye kpondenle na ɔdwule amaanvoa la, Yizilayɛma vale bɛ ma mɔɔ bɛlumuale bɛdele la, nwanye, nwole, wolɛ, nee bɛ bɛyɔba biala dɔɔnwo rale, yɛɛ bɛvale bɛ ninyɛne ngyɛnu bulu ɛkpɔ ko ne bɛrale.

2 Edk 31:5 ပူးပေါင်းရင်းမြစ်များ

Nihɛmaya Buluku ne 12:44

Mekɛ ne anu bɛyele menli mɔɔ nea Ɛzonlenlɛ Sua ne ninyɛnezielɛ azua ne mɔ azo la. Ninyɛne mɔɔ kɔ azua zɔhane mɔ anu la a le debie biala mɔɔ bɛkɛnyia ye, abɛlɛ, nee ma mɔɔ bɛkɛlumua bɛkɛde ye ɛvolɛ biala anu la, yɛɛ ngyɛnu bulu ɛkpɔ ngoko ne mɔɔ bɛkɛva bɛkɛra la. Menli ɛhye mɔ a nea dielie ninyɛne ne fi ɛyazonlɛma ne mɔ mɔɔ zuozua azuamgbole ne mɔ la ɛkɛ a. Bɛfa ninyɛne ɛhye mɔ bɛnea sɛlɛvolɛma nee Livaema, kɛmɔ mɛla ne se la. Na Dwudama kɔsɔɔti anye liele sɛlɛvolɛma nee Livaema anwo.

Nihɛmaya Buluku ne 13:12

Na menli ne kɔsɔɔti bɔle ɔ bo bieko na bɛvale bɛ abɛlɛ, nwanye nee ɔlivi nwole bɛrale Ɛzonlenlɛ Sua ne ninyɛnezielɛ ɛleka ne.

Nihɛmaya Buluku ne 13:31

Mengyehyɛle mekɛ mɔɔ ɔwɔ kɛ bɛfa bɛyela nyɛmoa bɛbɔ azu la, nee mekɛ mɔɔ ɔwɔ kɛ menli fa abɛlɛ mɔɔ bɛkɛlumua bɛkɛbu nee ma mɔɔ bɛkɛlumua bɛkɛde la ba la. O me Nyamenle, kakye ɛhye mɔ kɔsɔɔti na yila me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:29

“Bɛmmatwenlehwenle bɛ bo aze wɔ bɛ bɛyɔba azubɔlɛ ne mɔ anwo. “Bɛva bɛ mra mrenya mɔɔ lumua la bɛmaa me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:19

“Bɛyɔba mɔɔ kɛlumua kɛvinde bɛ ɛya avule ne mɔ anu la, bɛva bɛrɛla medame Ɛdɛnkɛma bɛ Nyamenle ne sua nu. “Bɛmmato boane anzɛɛ abɔnkye ralɛ wɔ ɔ nli nyɛfonzule nu bɛdi.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:22

“Saa bɛbɔ ɔ bo kɛ bɛte hwiiti a, bɛli Bɛyɔba Ɛvoyia ne, yɛɛ saa ɛvolɛ awieleɛ ma nloa ɛboɔboalɛ ne wie a, bɛli Kpɔda Bo Ɛdɛnlanlɛ Ɛvoyia ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:26

“Ɛvolɛ biala ma mɔɔ bɛkɛlumua bɛkɛde la, bɛva bɛrɛlɛ Ɛdɛnkɛma bɛ Nyamenle ne. “Bɛmmato boane anzɛɛ abɔnkye ralɛ biala wɔ ɔ nli nyɛfonzule nu bɛdi.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:5

Awie biala ɛbɔ azu ɛmaa Ɛdɛnkɛma. Awie biala mɔɔ ɔdaye ɔkulo la ɛva azubɔdeɛ ɛrɛlɛ Ɛdɛnkɛma: azubɔdeɛ mɔɔ le kɛ ezukoa nvutuke, dwɛtɛ fufule, yɛɛ kɔbele;

Mrɛlɛbulɛ Buluku ne 3:9

Fa ɛ nwo amuala di Ɛdɛnkɛma eni, na fa wɔ egyinli nu bɛyɔba mɔɔ lumua la maa ye,

Sɛlɛ 27:30

“Azɛlɛ ne azo ngyɛnu bulu ɛkpɔ ko ne mɔ amuala, saa ma o, saa baka nzoleɛ o, biala le Ɛdɛnkɛma ɛdeɛ. Ɔle debie mɔɔ anwo te na ɔle Ɛdɛnkɛma ɛdeɛ a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:12

“Ɛvolɛ biala egyinli nu bɛyɔba mɔɔ Yizilayɛma kɛlumua kɛbu na bɛkɛva bɛkɛmaa me la, ɔlivi nwole kpalɛ, nwanye nee abɛlɛ, meva memaa wɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:13

Nzoleɛ biala mɔɔ bɛkɛlumua bɛkɛde wɔ azɛlɛ ne azo na bɛkɛva bɛkɛrɛlɛ Ɛdɛnkɛma la le wɔ ɛdeɛ. Wɔ busuanli biala mɔɔ evinli ɛnle ɔ nwo la kola di bie.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:8

Ɛdɛnkɛma zele Aalɔn kɛ, “Nea, meva azubɔdeɛ biala mɔɔ bɛva bɛrɛlɛ me, debie biala mɔɔ Yizilayɛma ɛdu ɛzie ɛkɛ ɛmaa me la memaa wɔ. Meva memaa wɔ nee ɛ bo zo amra kɛ ɔle bɛ ɛdeɛ dahuu.

Wulo 8:23

Na tɛ abɔdeɛ ngome; yɛdayɛ noko mɔɔ yɛnyia Sunsum ne kɛ Nyamenle ahyɛlɛdeɛ mɔɔ lumua la, yɛte nyane wɔ yɛ nu, wɔ mekɛ mɔɔ yɛlɛkendɛ Nyamenle kɛ ɔkɛyɛ yɛ ɔ mra na ɔkɛlie yɛ sonlabaka ne la.

1 Kɔl 15:20

Na nɔhalɛ ne a le kɛ Nyamenle ɛdwazo Kelaese ɛvi ewule nu, na ɛhye maa yɛsi pi kɛ Nyamenle badwazo bɛdabɛ mɔɔ bɛwu la amuala.

Gyemise Kɛlata ne 1:18

Ɔdaye ye ɛhulolɛ zo yɛɛ ɔluale nɔhalɛ edwɛkɛ ne azo ɔwole yɛ a, amaa yɛayɛ ye abɔdeɛ nu alumuama.

Yekile 14:4

Bɛmɛ a bɛle menli mɔɔ bɛzie bɛ nwo bɔkɔbɔkɔ mɔɔ bɛanva bɛ nwo bɛanga raalɛ biala a; bɛle amunli bɔkɔɔ. Bɛmɛ yɛɛ ɛleka biala mɔɔ Boaneralɛ ne ɛlɛkɔ la bɛdoa ye a. Bɛmɛ a bɛlie bɛ ngoane bɛvi aleɛabo amra avinli kɛ bɛle menli mɔɔ bɛlumua bɛva bɛ bɛrɛlɛ Nyamenle nee Boaneralɛ ne a.