2 Edk 31:2 - BAEBOLO ANZƐƐ BULUKU NWUANZANWUANZA

² Belemgbunli Hɛzikaya ziale hyɛle sɛlɛvolɛma nee Livaema anu ekpunli ekpunli, yɛɛ ekpunli ko biala nee ye gyima. Bɛmɛ a le sɛlɛvolɛma nee Livaema mɔɔ nea ɛyelalɛ nee anzonudwolɛ azubɔlɛ ninyɛne zo, bɛdabɛ mɔɔ bɛsinza Ɛzonlenlɛ Sua ne nlenkɛ mgbole ne mɔ, yɛɛ bɛdabɛ mɔɔ bɛyɛ Nyamenle mo bɛaye ye ayɛlɛ la.

2 Edk 31:2 ပူးပေါင်းရင်းမြစ်များ

1 Edk 16:37

Belemgbunli Devidi akee yele Esafe nee ɔ gɔnwo mɔ Livaema ne ziele ɛkɛ ne kɛ bɛmɛ a ɛzonlenlɛ biala mɔɔ bɛyɛ ye wɔ Ndanlɛ Sua ne mɔɔ Ngyekyeleɛ Ɛlɛka ne gyi nu la anu la wɔ bɛ sa nu a. Ɔwɔ kɛ bɛyɛ bɛ gyima ne alehyenlɛ biala.

1 Edk 24:1

Aalɔn abo zo amra ne a le ɛhye mɔ. Aalɔn wole mrenya nna: Needabe, Abaehu, Ɛlieza, yɛɛ Yetamaa.

1 Edk 24:24

Ɛzeɛle nee ɔ ra Maeka abo zo amra kpanyinli a le Hyeemɛ.

1 Edk 26:26

Hyɛlomete nee ye awuke nu amra a nea ninyɛne mɔɔ Belemgbunli Devidi, mbusua mgbanyinli, safohyenlema mɔɔ nea ɛlɔnema apenle nee ɛya nwo zo, yɛɛ Safohyenlema Mgbanyinli ɛdu ɛzie ɛkɛ ɛmaa Nyamenle la a.

2 Edk 23:8

Livaema nee Dwudama amuala lile ngyehyɛlɛ mɔɔ sɛlɛvolɛ Gyɛhɔyada vale manle bɛ la azo. Sɛlɛvolɛ Gyɛhɔyada anzɛkye sɛlɛvolɛ ekpunli ekpunli ne mɔ mɔɔ bɛhyehyɛ la. Yemɔti ekpunli ko biala vale ye menli mɔɔ ba gyima nee mɔɔ ɛnle gyima nu kenle ko ne la amuala rale gyima Ɛnwomenlelielɛ Kenle ne.

2 Edk 24:14

Bɛwiele gyima ne yɛ la, bɛvale ezukoa ne mɔɔ hale la bɛhɔmanle belemgbunli ne nee Gyɛhɔyada. Belemgbunli Dwowahye nee Sɛlɛvolɛ Kpanyinli Gyɛhɔyada vale ezukoa ne mɔɔ hale la yɛle ahyɛnze mɔɔ bɛfa bɛsonle wɔ Ɛdɛnkɛma Ɛzonlenlɛ Sua ne anu, nee dwora mɔɔ bɛyela ɛyɛlɛ nu la. Eza bɛyɛle dwɛtɛ fufule nee ezukoa nvutuke dwora. Bɛbɔle azu wɔ Ɛzonlenlɛ Sua ne anu bɛmanle Ɛdɛnkɛma dahuu wɔ mekɛ mɔɔ Gyɛhɔyada de aze la.

2 Edk 31:17

Bɛfa sɛlɛvolɛma ne bɛfi bɛ ze mɔ anu, yɛɛ Livaema mɔɔ ɛli ɛvolɛ abulanwiɔ mɔɔ kɔ la, bɛnea gyima mɔɔ bɛyɛ wɔ bɛ ekpunli ekpunli ne mɔ anu la na bɛava bɛ.

2 Edk 35:2

Ɔvale sɛlɛvolɛma ne gyima mɔɔ ɔwɔ kɛ bɛyɛ la ɔmanle bɛ na ɔzile bɛ ahonle wɔ bɛ ɛzonlenlɛ gyima ne mɔɔ bɛyɛ wɔ Ɛdɛnkɛma Ɛzonlenlɛ Sua ne anu la anwo.

2 Edk 5:11

Sɛlɛvolɛma mɔɔ rale la amuala dule bɛ nwo manle Ɛdɛnkɛma, bɛandwenle bɛ ekpunli ngakyile ne mɔ anwo. Akee Livae edwɛndolɛma mɔɔ le Esafe, Himan, nee Gyɛdutɛn, nee bɛ mbusuafoɔ ne mɔ amuala wulowulale adɛladeɛ fufule. Edwɛndolɛma ɛhye mɔ gyinlanle azukponle ne aduduleɛ afoa nu, bɛdedɛ sɔnwosɔnwo nee getaa, yɛɛ sɛlɛvolɛma ɛya ko abulanwiɔ ɛlɛbɔ aweɛne ndendenle. Aweɛnebɔlɛ ne, sɔnwosɔnwobɔlɛ ne, nee ninyɛne mɔɔ ɛha la nee edwɛndolɛ ne kɔ zolɛ pɛpɛ, na bɛyele Ɛdɛnkɛma ayɛlɛ kɛ, “Bɛye Ɛdɛnkɛma ayɛlɛ, ɔboalekɛ ɔle kpalɛ, yɛɛ ye ɛhulolɛ ɛmbɔ aze ɛlɛ.” Mɔɔ sɛlɛvolɛma ne vi Ɛzonlenlɛ Sua ne anu ɛlɛfinde la, arɛlevilɛ nu ala, amungu nwohyee rayile sua ne na ɔmanle Ɛdɛnkɛma anyunlunyia dale hilele kɛ Ɛdɛnkɛma wɔ ɛkɛ. Na sɛlɛvolɛma ne angola bɛ gyima ne di bieko.

2 Edk 8:14

Kɛmɔ ɔ ze Devidi hyehyɛle la, Sɔlɔmɔn hyɛle sɛlɛvolɛma gyima ne manle bɛ. Eza ɔhyɛle Livaema ne mɔ mɔɔ bado ayɛlɛyelɛ edwɛne aboa sɛlɛvolɛma ne la gyima ne ɔmanle bɛ, kɛmɔ kenle ko biala gyima ne si de la. Ɔhyɛle nlenkɛ mgbole sinzavolɛma ɔmanle ekpunli ko biala nwunle nlenkɛ mgbole mɔɔ bɛbazinza la, kɛmɔ Nyamenle sonla Devidi hyehyɛle dole ɛkɛ ne la.

Ɛzela Buluku ne 6:18

Akee bɛhyɛle sɛlɛvolɛma gyima ne bɛmanle bɛ. Bɛhyɛle bɛ nu ekpunli ekpunli. Bɛyɛle Livaema noko zɔhane ala, kɛmɔ bɛhɛlɛ ye wɔ Mosisi buluku ne anu mɔɔ fane Nyamenle ɛzonlenlɛ gyima ne mɔɔ wɔ Gyɛlusalɛm la anwo la.

Nihɛmaya Buluku ne 11:17

Maeka ara Matanaya, ɔle Zabedae anlɔnra yɛɛ ɔle Esafe abo zo sonla. Yemɔ yɛɛ ɔlumuale ɔgyinlanle Ɛzonlenlɛ Sua nu edwɛndolɛma ati ɔmanle bɛdole moyɛlɛ nzɛlɛlɛ edwɛne ne a. Bakebukaya a ɛnee le Matanaya boavolɛ a. Hyamua ara Abeda, ɔle Geelale anlɔnra yɛɛ Gyɛdutɛn abo zo sonla ɔ.

Edwɛndolɛ Buluku ne 134:1

Bɛrɛla, bɛyeyɛ Ɛdɛnkɛma, bɛmɛ Ɛdɛnkɛma sonvolɛma, mɔɔ aledwolɛ nu bɛgyinla bɛsinza Ɛdɛnkɛma Sua ne la!

Gyɛlɛmaya Buluku ne 33:11

eza bɛ nye ɛlie na bɛlɛdi fɛlɛko; bɛbade atɔfolɛ nrenya ne nee atɔfolɛ raalɛ ne ane; yɛɛ bɛbade edwɛndolɛma ane kɛ bɛlɛfa moyɛlɛ azubɔdeɛ bɛara Ɛdɛnkɛma Ɛzonlenlɛ Sua ne anu. Bɛbaha kɛ: ‘Bɛva moyɛlɛ bɛmaa Tumivolɛ Ɛdɛnkɛma, ɔluakɛ Ɛdɛnkɛma le kpalɛ, ye ɛhulolɛ kpundii ne wɔ ɛkɛ dahuu.’ Ɔluakɛ mebamaa maanle ne azia akpazi. Medame Ɛdɛnkɛma a mese a.” 118.1; 136.1

Edwɛkpa ne kɛmɔ Luku hɛlɛle la 1:5

Mekɛ mɔɔ Hɛlɔdo di belemgbunli wɔ Dwudiya maanle ne anu la, ɛnee sɛlɛvolɛ bie wɔ ɛkɛ, bɛfɛlɛ ye Zɛkalaya. Sɛlɛvolɛ ɛhye vi Abaegya sɛlɛvolɛma ekpunli ne anu. Bɛfɛlɛ ɔ ye Ɛlezabɛte. Ɔdaye noko ɔvi Sɛlɛvolɛ Kpanyinli ne mɔɔ lumua, mɔɔ bɛfɛlɛ ye Aalɔn la abusua nu.

Edwɛkpa ne kɛmɔ Luku hɛlɛle la 1:8

Kenle ko bie, ɛnee Zɛkalaya sɛlɛvolɛ ekpunli ne a yɛ gyima a, na eza yedwu Zɛkalaya anwo zo wɔ bɛ dahudahu ɛzonlenlɛ gyima ne anu, na ɔlɛyɛ ye sɛlɛvolɛ gyima ne wɔ Nyamenle anyunlu.