2 Edk 31:12 - BAEBOLO ANZƐƐ BULUKU NWUANZANWUANZA

¹² Bɛvale ninyɛne ne mɔɔ bɛdu bɛzie ahane bɛmaa Ɛdɛnkɛma la nee ngyɛnu bulu ɛkpɔ ngoko ne amuala bɛziele nu. Abɔlɔba kpanyinli mɔɔ ɛnee nea zolɛ la a le Livaenli Konanaya, yɛɛ mɔɔ li ɔ nzi la a le ɔ diema Hyemɛyae.

2 Edk 31:12 ပူးပေါင်းရင်းမြစ်များ

2 Arl 12:15

Menli mɔɔ nea gyima ne azo la lile nɔhalɛ kpalɛ manle ɔrale kɛ ɛnee ɔngyia bɔbɔ kɛ awie kɛvɛlɛ bɛ kɛ bɛrabu mgbonda.

2 Edk 31:13

Bɛdule Livaema bulu mɔɔ nee bɛ yɛ gyima a. Bɛmɛ a le Gyɛheɛle, Azazaya, Neehate, Asahɛle, Gyɛlimo, Dwozabade, Yilayɛle, Yesemakaya, Meehate, yɛɛ Bɛnaya. Menli bulu ɛhye mɔ wɔ Konanaya nee ɔ diema Hyemɛyae abo. Belemgbunli Hɛzikaya nee Sɛlɛvolɛ Kpanyinli Azalaya a yele bɛ kɛ bɛyɛ zɔhane gyima ne a.

2 Edk 31:19

Akee menli wɔ azuamgbole ne mɔ mɔɔ Aalɔn abo zo amra nee sɛlɛvolɛma ne bie mɔ dede zolɛ la azo; bɛmɛ a bɛnea na bɛfa aleɛ bɛkɔmaa nrenya biala mɔɔ boka sɛlɛvolɛma abusua ne nee awie biala mɔɔ bɛhɛlɛ ye duma bɛboka Livae mbusua ne mɔ anwo la a.

2 Edk 35:9

Livaema mgbanyinli ɛhye mɔ: Konanaya, nee ɔ mediema Hyɛmaya nee Nɛtaniile, akee Hahyabaya, Gyiayɛle, yɛɛ Dwozabade vale mboane nee mbɔnkye mralɛ apenle nnu nee nlankɛ nyinli ɛya nnu manle Livaema ne kɛ bɛva bɛbɔ azu wɔ ɛvoyialilɛ ne anu.

Nihɛmaya Buluku ne 10:39

Ɔwɔ kɛ Yizilayɛma nee Livaema fa abɛlɛ, nwanye yɛɛ ɔlivi nwole mɔɔ bɛ nee ye kɛra la kɔ ninyɛnezielɛ ɛleka ne mɔɔ bɛsie Ɛzonlenlɛ Sua ne ahyɛnze ne mɔ nu la nee ɛleka mɔɔ sɛlɛvolɛma mɔɔ wɔ gyima nu, Ɛzonlenlɛ Sua ne sinzavolɛma nee edwɛndolɛma ne mɔ wɔ la. Yɛnrɛbu yɛ nye yɛnrɛgua yɛ Nyamenle Sua ne azo.