2 Edk 30:9 - BAEBOLO ANZƐƐ BULUKU NWUANZANWUANZA

⁹ Ɔluakɛ saa bɛsia bɛba Ɛdɛnkɛma ɛkɛ ne a, menli mɔɔ hyele bɛ mediema nee bɛ mra hɔle la baze bɛ anwunvɔne na bɛamaa bɛazia bɛara sua nu. Ɔluakɛ Ɛdɛnkɛma bɛ Nyamenle ne se anwunvɔne yɛɛ ɔ ti akunlu le kpalɛ. Saa bɛsia bɛba ye ɛkɛ ne a, ɔnrɛhakyi ɔ nzi ɔnrɛzi bɛ.”

2 Edk 30:9 ပူးပေါင်းရင်းမြစ်များ

1 Arl 8:50

Fa wɔ menli ne mɔɔ ɛvo wɔ la ɛtane ne mɔ nee bɛ mɛladonlɛ kyɛ bɛ na maa kpɔvolɛma mɔɔ vale bɛ hɔle maanle gyɛne zɔhane anu la ɛnwu bɛ anwunvɔne.

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

2 Edk 7:14

na saa me menli ne mɔɔ bɛfa me duma a bɛfɛlɛ bɛ la bɛlɛ bɛ nwo aze, sɛlɛ na bɛkpondɛ me bo zo, na bɛgyakyi bɛ ninyɛndane ne mɔ ɛyɛlɛ a, yemɔ mebadie bɛ wɔ anwuma lɔ, na meava bɛ ɛtane ne mɔ meahyɛ bɛ, na meamaa bɛ azɛlɛ ne ahye aleɛ.

Nihɛmaya Buluku ne 9:17

Bɛanyɛ tieyɛ; bɛ rɛle vile mɔɔ ɛyɛle la amuala, bɛ rɛle vile nwanwane ninyɛne mɔɔ ɛyɛle la. Mgbanyizonle nu, bɛyele sonla lile bɛ ti kɛ ɔva bɛ ɔzia ɔhɔ kanrazonlenlɛ nu wɔ Yigyibiti. Noko ɛle Nyamenle mɔɔ ɛfa ɛtane ɛkyɛ, ɛkyɛ na wɔava ɛya; ɛle ɛlolɛ nee ɛhulolɛ. Wɔ anwunvɔnezelɛ ne le kpole bo zo, wɔamkpo bɛ.

Nihɛmaya Buluku ne 9:31

Noko, kɛmɔ wɔ anwunvɔnezelɛ ne le kpole la ati, wɔamkpo bɛ yɛɛ wɔanzɛkye bɛ. Ɛle ɛlolɛ nee anwunvɔnezelɛ Nyamenle.

Edwɛndolɛ Buluku ne 106:46

Ɔmanle menli mɔɔ hyele bɛ nuokɛ la zele menli mɔɔ bɛhye bɛ nuokɛ la anwunvɔne.

Edwɛndolɛ Buluku ne 111:4

Ɛdɛnkɛma le dovolɛ nee anwunvɔnezelɛnli, yemaa bɛhakye ye nwanwane gyima ne mɔ.

Edwɛndolɛ Buluku ne 86:15

Na wɔmɔ, O Awulae, ɛle ɛlolɛ nee anwunvɔnezelɛ Nyamenle, ɛnva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi wɔ tɛkɛɛ.

Edwɛndolɛ Buluku ne 86:5

Ɔluakɛ, O Awulae, ɛle kpalɛ yɛɛ fakyɛ wɔ wɔ afoa, ɛkile wɔ ɛhulolɛ kpundii ne wɔ bɛdabɛ mɔɔ bɛsu bɛfɛlɛ wɔ la anwo zo.

Mrɛlɛbulɛ Buluku ne 28:13

Sonla mɔɔ fea ye mɛladonlɛ zo la ɛnrɛkpazi, na sonla mɔɔ ka ye ɛtane na ɔgyakyi ye ɛyɛlɛ la, bɛse ye anwunvɔne.

Ayezaya Buluku ne 55:7

bɛmaa amumuyɛnli ne ɛgyakyi ɛtaneyɛlɛ, na mɔɔ ɛndwenle kpalɛ nwo la ɛgyakyi; bɛmaa ɔzia ɔrɛla Ɛdɛnkɛma ɛkɛ, amaa Ɛdɛnkɛma aze ye anwunvɔne, bɛmaa ɔzia ɔrɛla yɛ Nyamenle ne ɛkɛ, na Nyamenle bava ye ɛtane ahyɛ ye.

Gyɛlɛmaya Buluku ne 18:17

Mebakponde bɛ kɛ aduduleɛ anwoma wɔ bɛ kpɔvolɛma anyunlu, saa bɛkɔ ɛmianlɛ nu a menrɛye me nyunlu, mebahakyi me nzi meazi bɛ.”

Dwona Buluku ne 4:2

Na ɔzɛlɛle Ɛdɛnkɛma kɛ, “Ɛdɛnkɛma, mesɛlɛ wɔ, edwɛkɛ ne mɔɔ mewɔ me sua zo lɔ mɔɔ menganle la, yemɔ a ɛyɛ zɔhane la. Na ɛhye ati noko yɛɛ anrɛɛ menriandi meahɔ Sepeen la. Ɔluakɛ meze kɛ wɔmɔ Ɛdɛnkɛma, ɛle ɛlolɛ Nyamenle mɔɔ se anwunvɔne a. Ɛlɛ abotane, ɛlɛ ɛhulolɛ kpole, yɛɛ ɛ nye ɛnlie munzule nwo.

Maeka Buluku ne 7:18

Nwane a le Nyamenle kɛ ɛdawɔ, O Ɛdɛnkɛma, mɔɔ ɛfa ɛtane ɛkyɛ na ɛmbu wɔ menli Yizilayɛma mɔɔ hale la mɛladonlɛ nwo mgbonda a? Ɛnva ɛya ɛnga zo, ɔboalekɛ ɛ nye die ɛhulolɛ kpundii nwo.

Mɛla 30:1

“Kɛkala, meva ninyɛne nwiɔ a mezie bɛ nyunlu a, nyilalɛ yɛɛ munzule. Saa ninyɛne ɛhye mɔ sisi bɛ nwo zo na Ɛdɛnkɛma bɛ Nyamenle ne maa bɛkponde bɛ wɔ maanle maanle ne mɔ azo a, bɛhakye mɔɔ meha mehile bɛ la.

Mɛla 4:31

ɔluakɛ Ɛdɛnkɛma bɛ Nyamenle ne le Nyamenle mɔɔ se anwunvɔne a. Ɔnrɛye bɛ anrinli ɔnrɛdo bɛ sa nu, ɔnrɛzɛkye bɛ, yɛɛ ɔ rɛle ɛnrɛvi ngyekyeleɛ ne mɔɔ ɔ nee bɛ ze mɔ yɛle na ɔhanle ndane ɔdole zolɛ la.