2 Edk 30:8 - BAEBOLO ANZƐƐ BULUKU NWUANZANWUANZA

⁸ Bɛmmayɛ anzosesebɛ kɛmɔ bɛ ze mɔ yɛle la. Bɛva bɛ nwo bɛmaa Ɛdɛnkɛma na bɛrɛla ye Ɛzonlenlɛ Sua ye mɔɔ yede nwolɛ wɔ melɛ mɔɔ ɛnlɛ awieleɛ la anu, na bɛrazonle Ɛdɛnkɛma bɛ Nyamenle ne, na ye ɛya kpole ne avi bɛ nwo zo.

2 Edk 30:8 ပူးပေါင်းရင်းမြစ်များ

2 Arl 23:26

Noko akee Belemgbunli Manasɛ ɛtane mɔɔ yɛle tiale Ɛdɛnkɛma la ati Ɛdɛnkɛma vale Dwuda anwo ɛya kpole, na ɛya zɔhane ɛtɛdwole.

1 Edk 29:24

Safohyenlema nee ɛlɔnema ne amuala nee Devidi amra mrenya mɔɔ hale la amuala vuale kɛ bɛkɛli nɔhalɛ bɛkɛmaa Sɔlɔmɔn kɛ ɔle belemgbunli.

2 Edk 28:11

Akee bɛdie me ɛ! Bɛ mediema ne mɔ mɔɔ bɛhye bɛ nuokɛ bɛ nee bɛ ɛra la, bɛva bɛ bɛzia bɛhɔ, ɔluakɛ Ɛdɛnkɛma ɛva bɛ nwo ɛya.”

2 Edk 28:13

na bɛzele bɛ kɛ, “Bɛmmafa menli mɔɔ bɛhye bɛ nuokɛ la biala bɛba ɛke. Saa bɛyɛ ye zɔhane a ɛnee bɛlɛmaa yɛayɛ ɛtane kpole yɛatia Ɛdɛnkɛma yɛadɛla dɛba ɛdeɛ ne. Yɛdayɛ mumua ne yɛ ɛtane mɔɔ yɛzo la, yɛngola ye, yɛɛ Nyamenle ɛya mɔɔ ɛva wɔ Yizilayɛma anwo la le kpole.”

2 Edk 29:10

“Kɛkala, mebɔ kpɔkɛ kɛ me nee Ɛdɛnkɛma, Yizilayɛ Nyamenle ne yɛyɛ ngyekyeleɛ, amaa yeaye ye ɛya kpole ne yɛ nwo zo.

2 Edk 36:13

Belemgbunli Zɛdikaya dele Belemgbunli Nɛbukadenɛza mɔɔ manle ɔvale Nyamenle ɔhanle ndane la anwo atua. Ɔyɛle anzosesebɛ na ɔzuanle anyetele kɛ ɔnrɛzonle Ɛdɛnkɛma, Yizilayɛ Nyamenle ne.

2 Edk 6:5

‘Sumunli kɛ menyele me menli ne menvile Yigyibiti azɛlɛ zo la, metɛneanle Yizilayɛ mbusua ekpunli ekpunli ne mɔ anu metɛtule suakpole ko metɛmanle me nwo kɛ bɛzi sua wɔ ɛkɛ ne na me duma ɛla zolɛ, eza metɛneanle nu metɛtule awie ko kɛ ɔli belemgbunli ɔnlea me menli Yizilayɛma anwo zo.

2 Edk 6:6

Noko kɛkala, menlea nu meye Gyɛlusalɛm kɛ ɛkɛ ne yɛɛ bɛzonle me a, yɛɛ meye Devidi kɛ ɔli belemgbunli ɔzie me menli Yizilayɛma.’ ”

2 Edk 7:16

Ɔluakɛ kɛkala, meva Ɛzonlenlɛ Sua ɛhye na medu ye mezie ɛkɛ memaa me nwo mekɛ biala kɛ nuhua yɛɛ ɔwɔ kɛ bɛsonle me a. Me nye nee me ahonle bawoa ɛkɛ ne mekɛ biala.

Ɛzela Buluku ne 10:14

Bɛye mgbanyima bɛzie Gyɛlusalɛm ɛke bɛmaa bɛgyinla menli ne kɔsɔɔti agyakɛ anu na bɛhile kenle bɛmaa bɛdabɛ mɔɔ bɛgya nyɛvolɛ mraalɛ la ɛrɛla ɛranwu bɛ wɔ mekɛ mɔɔ bɛkɛhile la anu. Mekɛ mɔɔ bɛkɛhile sua biala azo amra la, saa bɛlɛba a ɔwɔ kɛ bɛ nee sua ne azo mgbanyima nee ndɛnebuavolɛma a ba a. Na bɛyɛ ye zɔhane kɔkpula kɛ Nyamenle ɛya kpole ne mɔɔ yeva wɔ ɛhye anwo la kɛha aze la.”

Ɛzela Buluku ne 10:19

Bɛbɔle ɛwɔkɛ kɛ bɛbɔ bɛ mraalɛ ne mɔ ewole, na bɛvale boane nyinli ko kɛ bɛva bɛbɔ bɛ ɛtane ne mɔ anwo azu.

Edwɛndolɛ Buluku ne 63:2

Yemɔti menlea ɛ nyunlu wɔ wɔ ɛleka nwuanzanwuanza ne, na menwu wɔ tumi ne nee wɔ anyunlunyia ne.

Edwɛndolɛ Buluku ne 68:24

O Nyamenle, awie biala ɛnwu wɔ konimlilɛ ɛlɔnwɔnedolɛ ne; me Nyamenle, me Belemgbunli ne ɛlɔnwɔne ne mɔɔ ɔdole ɔhɔle ye ɛleka nwuanzanwuanza ne la.

Edwɛndolɛ Buluku ne 68:31

Maa bɛva kɔbele bɛvi Yigyibiti bɛrɛla; maa Sudanema ɛyɛ ndɛ ɛmaa bɛ sa zo ɛmaa Nyamenle.

Edwɛndolɛ Buluku ne 73:17

kɔkpula kɛ mengɔle Nyamenle Ɛzonlenlɛ Sua ne anu; na menwunle bɛ muala bɛ awieleɛ la.

Edwɛndolɛ Buluku ne 78:49

Ɔgyakyile ye ɛya ne anu ɔguale bɛ nwo zo, ɔvale ɛya, abodelɛ, yɛɛ nyane ɔ rale bɛ nwo zo kɛ anwuma soanvolɛma la ɔrazɛkyele bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:9

Menwu kɛ menli ne le dapele,

Gyɛlɛmaya Buluku ne 50:15

Bɛdea nuhua, bɛha ye ɛleka biala kɛ Babelɔn ɛmaa ɔ sa zo; bɛgologolo ye bane ne mɔ bɛgua, ɔluakɛ, kɛ medame Ɛdɛnkɛma me nzenralɛlilɛ ne de la ɛne. Bɛli ye nzenralɛ, mɔɔ ɔyɛle la, bɛyɛ ye bie bɛzie ɔ bo zo.

Edwɛkpa ne kɛmɔ Mateyu hɛlɛle la 4:10

Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

Dw 12:26

Awie mɔɔ kpondɛ kɛ ɔsonle me la ɔwɔ kɛ toa me bo zo, amaa ɛleka mɔɔ mewɔ la, me sonvolɛ ne ɔdaye yeara ɛkɛ ne, yɛɛ Egya bawula mɔɔ sonle me la anyunlunyia.

Wulo 10:21

Noko mɔɔ fane Yizilayɛma anwo la Ayezaya hanle kɛ, “Mendenrɛle me sa alehyenlɛ muala kɛ medie menli ne mɔɔ ɛde atua na bɛ nzo yɛ se la, na ɔyɛle mgbane.”

Wulo 6:22

Na kɛkala, bɛye bɛ bɛvi ɛtane nu na bɛrayɛ Nyamenle ahanra, bɛ nvasoɛ a le bɛ ɛbɛla mɔɔ bɛte nwolɛ na bɛadu bɛ nwo bɔkɔɔ bɛamaa ye, na ɔlua zo bɛanyia ngoane mɔɔ ɛnlɛ awieleɛ la.

Mɛla 10:16

Zɔhane ati, bɛmmayɛ anzosesebɛ bieko na bɛmaa bɛ ahonle nu ɛde.

Mɛla 6:13

Bɛzulo Ɛdɛnkɛma bɛ Nyamenle ne, bɛzonle ye, na bɛva ye duma bɛha ndane.

Mɛla 6:17

Bɛli Ɛdɛnkɛma bɛ Nyamenle ne mɛla ne nee ye ngyehyɛlɛ ne mɔ mɔɔ yeva yemaa bɛ la azo kpalɛ kpalɛ.

Dwɔhyua Buluku ne 24:15

Saa bɛ kunlu ɛndwo kɛ bɛkɛzonle ye a, ɛnee ɛnɛ demua ye, bɛhile mɔɔ bɛkɛzonle ye la, awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea la anzɛɛ saa Amɔlema mɔɔ bɛ azɛlɛ zo a bɛde la awozonle ne mɔ a. Na mame, me nee me sua nu amra, yɛbazonle Ɛdɛnkɛma.”

Yekile 7:15

Ɛhye ati yɛɛ bɛgyigyi Nyamenle belemgbunli ebia kpole ne anwo na bɛsonle ye alehyenlɛ nee aledwolɛ wɔ ɔdaye ye Ɛzonlenlɛ Sua ne anu a. Mɔɔ de belemgbunli ebia kpole ne azo la banlea bɛ nwo zo.