2 Edk 30:6 - BAEBOLO ANZƐƐ BULUKU NWUANZANWUANZA

⁶ Yemɔti bɛzoanle menli wɔ Yizilayɛ nee Dwuda amuala, bɛvale ngɛlata bɛvile belemgbunli nee ye mgbanyima ne mɔ ɛkɛ ne bɛhɔle. Edwɛkɛ mɔɔ wɔ ngɛlata ne mɔ anu la se: “O Yizilayɛma, bɛzia bɛrɛla Ɛdɛnkɛma, Ebileham, Ayezeke, nee Gyekɔbo bɛ Nyamenle ne ɛkɛ, amaa ɔdaye noko yeahakyi ɔ nye wɔ bɛdabɛ ekyi ne mɔɔ bɛha mɔɔ Aselea arelemgbunli angu bɛ la anwo zo.

2 Edk 30:6 ပူးပေါင်းရင်းမြစ်များ

1 Arl 18:36

Ɔdwule mekɛ mɔɔ bɛfa bɛyɛ ewiazo nzɛlɛlɛ la, Yilaegya rale azukponle ne anwo na ɔzɛlɛle kɛ, “O Ɛdɛnkɛma, Ebileham, Ayezeke nee Yizilayɛ Nyamenle, maa bɛdabɛ mɔɔ bɛyia ɛke la ɛnwu ye ɛnɛ kenle ye kɛ wɔmɔ a ɛle Nyamenle wɔ Yizilayɛ a, yɛɛ wɔ sonvolɛ a le me, yɛɛ ɛdawɔ a wɔzoa me kɛ menyɛ ninyɛne ɛhye mɔ a.

2 Arl 15:19

Belemgbunli Tegelate Paelisɛ vi Aselea ralile Yizilayɛma nvunu, ɔvale konle ɔdoale bɛ. Mɛnahɛm vale dwɛtɛ fufule kilo apenle ngoko abulasa nee nna manle Paelisɛ, amaa yeaboa ɔdaye Mɛnahɛm wɔ ye maanle ne ɛbulɛ nu.

2 Arl 15:29

Wɔ Belemgbunli Pikaa mekɛ zo, Aselea Belemgbunli Tegelate Paelisɛ vale ɛlɔne rahonle vale Ayedwɔn, Ebɛle Bɛte Meeyaka, Gyanowa, Kidɛhye, yɛɛ Heezɔ nee Galeli, Geleade nee Nafetalae maanzinli ne mɔ amuala, na ɔhyele menli ne bie mɔ nuokɛ ɔhɔle nlɔnu wɔ Aselea.

1 Edk 29:18

Yɛ nlenya mɔ Ebileham, Ayezeke, nee Gyekɔbo Ɛdɛnkɛma Nyamenle, maa tunwomaa sunsum ye mɔɔ menli ye ɛnyia ye la ɛdɛnla bɛ nu dahuu na ɔnyi, na maa bɛli nɔhalɛ bɛmaa wɔ.

1 Edk 5:26

Zɔhane ati Nyamenle manle Aselea Maanle Maanle Belemgbunli Pɛɛle (mɔɔ eza bɛfɛlɛ ye Tegelate Paelizɛ la) lile maanle ne nvunu na ɔhonle ɔvale bɛ. Ɔdule Wulubɛnema, Gaadema, yɛɛ Manasɛ Aduduleɛ amra ɔvile maanle ne anu ɔmanle bɛhɔdɛnlanle Heelaa, Heebɔ, yɛɛ Hɛla, nee Azule Gozaa ne anloa kpɔkpɔ.

2 Edk 28:20

Yemɔti kɛ Aselea Belemgbunli Tegelate Paelisɛ kɛraboa Ehaze la, ɔvale ngyegyelɛ dɔɔnwo ɔrɛlɛle ye.

Ɛseta Buluku ne 3:13

Bɛvale ngɛlata ne mɔ bɛzoanle menli mɔɔ kola nriandi kpalɛ la a hɔle a. Ngɛlata ne mɔ kile kɛ bɛhu Dwuuma, ngakula nee mgbanyinli, yɛɛ mraalɛ kɔsɔɔti na bɛbɔ bɛ bo zo, na bɛve bɛ ninyɛne. Ngɛlata ne kile kɛ bɛva kenle ko ala a bɛyɛ ɛhye mɔ a, na bɛyɛ ye wɔ siane bulu nee nwiɔ ne mɔɔ bɛfɛlɛ ye “Eda” la ye kenle ne mɔɔ tɔ zolɛ bulu nee nsa ne la azo.

Ɛseta Buluku ne 8:14

Zɔhane ati bɛmanle belemgbunli ne sonvolɛma ne vole mgbɔnwɔ mɔɔ anwo yɛ ndɛ kpalɛ la azo a hɔle a, wɔ belemgbunli ne ɔdaye ye duma nu. Bɛbɔle mɛla ɛhye nolo wɔ Susa, mɔɔ le maanle maanle ne suakpole la azo noko.

Dwobu Buluku ne 9:25

“Me mekɛ se waa tɛla sonla mɔɔ ɛlɛnriandi la; ɔse ɔkɔ, ɔnnwu kpalɛ biala.

Ayezaya Buluku ne 1:9

Saa Tumivolɛ Ɛdɛnkɛma anvavi, angyakyi yɛ menli ekyi a anrɛɛ yɛyɛle kɛ Sodɔm nee Gomɔla la.

Ayezaya Buluku ne 6:13

Saa menli bulu na nuhua ko ka bɔbɔ a, bɛbayela ye kɛ oku baka mɔɔ bɛpɛ ye bɛdo na bɛyela ye dosinli ne la.” (Ma ne mɔɔ anwo te la a le dosinli ne.)

Gyɛlɛmaya Buluku ne 29:1

Nyamenle Kpɔmanvolɛ Gyɛlɛmaya hɛlɛle kɛlata wɔ Gyɛlusalɛm hɔmanle sɛlɛvolɛma, Nyamenle kpɔmanvolɛma, maanle mgbanyima, yɛɛ menli mɔɔ boka bɛ a Nɛbukadenɛza hyele bɛ vi Gyɛlusalɛm hɔle nlɔnu wɔ Babelonia la.

Gyɛlɛmaya Buluku ne 3:14

“ ‘Bɛmɛ mɔɔ bɛnlɛ diedi a, bɛzia bɛrɛla me nwo ɛke na bɛ menle a le me. Mebaye bɛ nuhua ko meavi suakpole biala azo na meaye menli nwiɔ meavi abusua ekpulike biala anu, na meava bɛ meara Zayɔn.

Gyɛlɛmaya Buluku ne 4:1

Ɛdɛnkɛma se, “O Yizilayɛma, saa bɛkulo kɛ bɛsia bɛbatoa me a, ɛnee bɛzia bɛrɛla. Saa bɛfuandi ninyɛne mɔɔ le me kyibadeɛ la bɛgua, na bɛdi nɔhalɛ bɛmaa me,

Gyɛlɛmaya Buluku ne 51:31

Menli nriandi di akɔneaba kɛ bɛkabɔ Babelonia belemgbunli ne amaneɛ kɛ bɛva ye suakpole ne bɔkɔɔ.

Gyɛlɛmaya Awolɛyelɛ 3:40

Bɛmaa yɛnlea yɛ ɛbɛlabɔlɛ nu boɛ, na yɛzia yɛrɛla Ɛdɛnkɛma ɛkɛ.

Gyɛlɛmaya Awolɛyelɛ 5:21

O Ɛdɛnkɛma, fa yɛ bɔ wɔ ɛbolɛ. Maa yɛnyia gyinlagyakɛ kɛ dɛba ne la.

Yizikeɛle Buluku ne 33:11

Ka kile bɛ kɛ, suzuamgba ala mɔɔ medame Awulae Nyamenle a mele tease Nyamenle ne la, menlɛ anyelielɛ biala wɔ amumuyɛnli ewule nu, kyesɛ amumuyɛnli ne kakyi fi ye ndenle ne mɔ anu na ɔnyia ngoane. Bɛzia bɛ nzi, bɛzia bɛ nzi bɛvi bɛ munzule ndenle ne mɔ anu; Yizilayɛma, duzu ati a bɛkulo kɛ bɛwu a?

Hozia Buluku ne 14:1

Yizilayɛma, bɛzia bɛrɛla Ɛdɛnkɛma bɛ Nyamenle ne ɛkɛ, ɔluakɛ bɛ ninyɛndane ɛmaa bɛdu koti.

Hozia Buluku ne 6:1

Menli ne baha kɛ, “Bɛmaa yɛzia yɛdoa Ɛdɛnkɛma! Yemaa yɛnwu amaneɛ ɛdeɛ, noko ɔbayɛ yɛ ayile; yebodɛboda yɛ ɛdeɛ, noko ɔbayɛ yɛ nganlɛ ne mɔ ayile.

Zɛkalaya Buluku ne 1:3

Yemɔti ka kile bɛ kɛ, medame Tumivolɛ Ɛdɛnkɛma mese: Bɛzia bɛrɛla me nwo ɛke na medame mebazia meara bɛ nwo ɛkɛ, medame Tumivolɛ Ɛdɛnkɛma a mese a.

Zɛkalaya Buluku ne 1:4

Bɛmmayɛ kɛ bɛ ze mɔ, mɔɔ alumua Nyamenle kpɔmanvolɛma ne mɔ bɔle Tumivolɛ Ɛdɛnkɛma nrɛlaleɛ ne nolo hilele bɛ kɛ, ‘Bɛzia bɛ nzi bɛvi bɛ ninyɛndane nwo’ a bɛandie yɛɛ bɛanyɛ la.

Gyemise Kɛlata ne 4:8

Bɛhwe bɛbikye Nyamenle, na ɔdaye noko ɔkɛbikye bɛ. Bɛmɛ ɛtanevolɛma, bɛhakyi bɛ subane! Bɛde bɛ ahonle nu, bɛmɛ nabalabama!