2 Edk 30:21 - BAEBOLO ANZƐƐ BULUKU NWUANZANWUANZA

²¹ Yizilayɛma mɔɔ rale Gyɛlusalɛm la vale anyelielɛ lile Angye Ɛvoyia ne kenle nsuu. Mekɛ ne anu, sɛlɛvolɛma ne nee Livaema ne vale bɛ anwosesebɛ kɔsɔɔti dole edwɛne bɔle agole yele Ɛdɛnkɛma ayɛlɛ alehyenlɛ biala.

2 Edk 30:21 ပူးပေါင်းရင်းမြစ်များ

2 Edk 20:21

Akee ɔ nee menli ne bɛhanle bɛ ti bɛkpulale nwolɛ na ɔyele menli mɔɔ ɛwula ɛzonlenlɛ adɛladeɛ ɛli ɛlɔnema ne ati la, na ɔzele bɛ kɛ bɛdo edwɛne bɛmaa Ɛdɛnkɛma na bɛye ye ayɛlɛ bɛze kɛ, “Bɛyɛ Ɛdɛnkɛma mo, ɔluakɛ ye ɛhulolɛ kpundii ne ɛnlɛ awieleɛ.”

2 Edk 29:30

Na Belemgbunli Hɛzikaya nee ye mgbanyima ne zele Livaema ne kɛ bɛdo edwɛne ne mɔɔ Belemgbunli Devidi nee Esafe yɛle la bie bɛyeyɛ Ɛdɛnkɛma. Na bɛvale anyelielɛ bɛdole edwɛne, bɛbɔle bɛ ti aze bɛyeyɛle Ɛdɛnkɛma.

2 Edk 30:11

Menli ekyi bie mɔɔ wɔ Ahya, Manasɛ, yɛɛ Zɛbulɛn la yɛɛ nlunle bɛ nwo na bɛrale Gyɛlusalɛm a.

2 Edk 30:26

Anyelielɛ kpole kpalɛ rale Gyɛlusalɛm, ɔluakɛ ɔvi Belemgbunli Sɔlɔmɔn, mɔɔ ɔ ze a le Yizilayɛ Belemgbunli Devidi la mekɛ zo toonwo mɔɔ ɛradwu mekɛ zɔhane la, debie zɛhae, bie ɛtɛsile Gyɛlusalɛm ɛlɛ.

2 Edk 35:17

Na Yizilayɛma mɔɔ rale la lile ɛvoyia ne nee Angye Ɛvoyia ne kenle nsuu.

2 Edk 7:10

Ye alehyenlɛ nu, siane nsuu ne kenle abulanwiɔ nee nsa ne azo, Sɔlɔmɔn manle menli ne amuala hɔle bɛ azua nu. Bɛlile fɛlɛko wɔ nyilalɛ dɔɔnwo mɔɔ Ɛdɛnkɛma ɛva ɛyila Devidi nee Sɔlɔmɔn nee ye menli Yizilayɛma la anwo.

Nihɛmaya Buluku ne 8:10

Akee Nihɛmaya zele bɛ kɛ, “Bɛhɔ sua nu na bɛhɔlie bɛ nye; bɛli debie mɔɔ yɛ fɛ na bɛnlo nwanye fɛlɛko. Bɛmaa menli mɔɔ ɛnlɛ bie la bie. Ɔluakɛ ɛnɛ le Ɛdɛnkɛma kenle nwuanzanwuanza. Bɛmmadi nyane, ɔluakɛ fɛlɛkolilɛ ne mɔɔ Ɛdɛnkɛma fa maa la le bɛ anwosesebɛ.”

Nihɛmaya Buluku ne 8:17

Bɛ kɔsɔɔti mɔɔ bɛvi nlɔnu bɛrale la sisile kpɔda dɛnlanle ɔ bo. Ɔvi Nɛn ara Dwɔhyua mekɛ zo toonwo mɔɔ radwule mekɛ zɔhane la, bɔ zo mɔɔ bɛyɛ ɛhye bie ɔ. Yemɔti awie biala anwo zandele ye na ɔ nye liele.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:15

Ɛdɛnkɛma zele kɛ, “Bɛbali kpanwo mɔɔ mgbɔvonle ɛnle nu la kenle nsuu. Kenle ne mɔɔ lumua la, bɛye mgbɔvonle biala bɛvi bɛ azua nu, ɔluakɛ ɔvi kenle ne mɔɔ lumua la toonwo mɔɔ kɔdwu kenle nsuu ne la, saa awie biala di debie mɔɔ mgbɔvonle wɔ nu la a, bɛbaye ye bɛavi Yizilayɛma anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:6

Bɛli kpanwo mɔɔ mgbɔvonle ɛnle nu la kenle nsuu, ye kenle nsuu ne azo bɛli ɛvoyia ne bɛwula Ɛdɛnkɛma anyunlunyia.

Sɛlɛ 23:6

Kenle bulu nee nnu ne le Angye Ɛvoyia maa Ɛdɛnkɛma. Ɔwɔ kɛ bɛdi kpanwo mɔɔ mgbɔvonle ɛnle nu la kenle nsuu.

Edwɛkpa ne kɛmɔ Luku hɛlɛle la 2:43

Bɛwiele ɛvoyia ne di na bɛsia bɛara la, kakula Gyisɛse hale Gyɛlusalɛm, na ye awovolɛ ne annwu ye zɔhane.

Edwɛkpa ne kɛmɔ Luku hɛlɛle la 22:1

Mɔɔ Angye Ɛvoyia ne, mɔɔ ye ko ne ala a le Akpabɛnwo Ɛvoyia ne la bikyele la,

Edwɛkpa ne kɛmɔ Luku hɛlɛle la 22:7

Angye Ɛvoyia ne dwule na ɔwɔ kɛ bɛku mboane mɔɔ bɛfa bɛado Akpabɛnwo Ɛvoyia aleɛ ne la,

Ɛzoanvolɛma Gyima ne 2:46

Kenle biala bɛyia nu wɔ Ɛzonlenlɛ Sua ne anu bɛyɛ nzɛlɛlɛ, bɛbɔ nu bɛdi debie wɔ koyɛlɛ nu,

Mɛla 12:12

Na bɛ nee bɛ mra mrenya nee mraalɛ, bɛ sonvolɛ mrenya nee mraalɛ yɛɛ Livaema mɔɔ wɔ bɛ azua ne mɔ azo, mɔɔ ɛnlɛ agyadeɛ la, bɛ nye balie wɔ Ɛdɛnkɛma anyunlu.

Mɛla 12:7

Na ɛkɛ ne, wɔ Ɛdɛnkɛma bɛ Nyamenle ne mɔɔ ɛyila bɛ la anyunlu, bɛ nee bɛ sua nu amra bali na bɛ nye alie wɔ ninyɛne kpalɛ mɔɔ Ɛdɛnkɛma ɛva ɛmaa bɛ la ati.

Mɛla 16:14

Bɛ nee bɛ mra mrenya nee mraalɛ, bɛ sonvolɛ mrenya nee mraalɛ, nyɛvolɛ, Livaema, nrisa nee ahunlanvolɛ mɔɔ wɔ bɛ azua ne mɔ azo la ɛbɔ nu ɛli ɛvoyia ne anyelielɛ nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:4

Bɛmaa bɛ nye ɛlie dahuu kɛ bɛle Awulae ɛdeɛ a; mesi zo bieko: bɛmaa bɛ nye ɛlie!